ព័ត៌មានជាតិ
កំពែងក្រុងអង្គរធំអាយុកាលជាង ១ ពាន់ឆ្នាំ គ្រោងបញ្ចប់នៅចុងឆ្នាំនេះ
លោក ឡុង កុសល អ្នកនាំពាក្យអាជ្ញាធរជាតិអប្សរាបានឲ្យដឹងនារសៀល ថ្ងៃទី០៤ ខែកញ្ញា ឆ្នាំ២០២១ នេះថា ដំណើរការជួសជុលកំពែងក្រុងអង្គរធំ មានប្រវែង២៥ ម៉ែត្រ ដែលបានចាប់ដំណើរការពីខែមិនានោះ គ្រោងបញ្ចប់នៅចុងឆ្នាំ២០២១នេះ ដោយប្រើប្រាស់ថវិការបស់រដ្ឋដើម្បីជួសជុល។
លោក ឡុង កុសល បានបញ្ជាក់ប្រាប់កម្ពុជាថ្មីយ៉ាងដូច្នេះថា “សម្រាប់វគ្គនេះ ជំហាននេះ គឺគ្រោងនឹងបញ្ចប់នៅចុងឆ្នាំនេះតែម្តង (ខែធ្នូ ឆ្នាំ២០២១) តែការប្រើប្រាស់អស់ថវិកាប៉ុន្មាន ខ្ញុំក៏មិនដឹងដែរ តែជាការប្រើប្រាស់ថវិការដ្ឋ”។
សូមបញ្ជាក់ថា ក្រុមអ្នកបច្ចេកទេសរបស់អាជ្ញាធរជាតិអប្សរា កំពុងដំណើរការជួសជុលកំពែងក្រុងអង្គរធំប្រវែង២៥ម៉ែត្រ នៅខាងកើតខ្លោងទ្វារដីឆ្នាំង ដែលទទួលរងការខូចខាតធ្ងន់ធ្ងរ។
គម្រោងជួសជុល ដែលចាប់ដំណើរការពីខែមិនា ឆ្នាំ២០២១ រហូតមកដល់ពេលនេះ សម្រេចបានជាង៧០ភាគរយហើយ។ បើតាមអាជ្ញាធរជាតិអប្សរា ការងារនេះមានការលំបាកយ៉ាងខ្លាំង ដោយដីមានការរលុះខ្លាំង ថ្មខឿនផ្នែកខាងក្រោម និងគ្រឹះមានការបាត់បង់ និងពុកផុយច្រើនដែលតម្រូវត្រូវធ្វើការពង្រឹង និងរៀបឡើងវិញទាំងអស់។
គួររំលឹកថា ចាប់ពីឆ្នាំ២០១៣ មកដល់បច្ចុប្បន្ន អាជ្ញាធរជាតិអប្សរា បានធ្វើការជួសជុលកំពែងក្រុងអង្គរធំ ដែលទទួលរងការខូចខាតខ្លាំងបានចំនួន១០កន្លែង មានប្រវែងសរុបចំនួន១៦០ម៉ែត្រ៕
អត្ថបទ៖ កោះកែវ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង