ព័ត៌មានជាតិ
ឪពុកម្តាយសិស្ស៖ រៀនអនឡាញ មិនចេះដូចនៅក្នុងថ្នាក់ទេ និងត្រៀមជាស្រេចបញ្ជូនកូនទៅសាលា
អាជ្ញាធររាជធានី ខេត្ត កំពុងវាយតម្លៃស្ថានភាពជាក់ស្ដែង និងកំណត់ទីតាំងតំបន់បើកដំណើរ ការសាលារៀនឡើងវិញ បន្ទាប់ពីប្រមុខដឹកនាំ រាជរដ្ឋាភិបាលកម្ពុជា សម្ដេច តេជោ ហ៊ុន សែន ស្នើឱ្យមានការពិភាក្សាបើកសាលារៀន នៅទីតាំងដែលពុំមានហានិភ័យ នៃការឆ្លងជំងឺកូវីដ១៩។
នៅតាមបណ្ដាខេត្តមួយចំនួន បានត្រៀមខ្លួនរួចរាល់ហើយ ចំពោះកន្លែងដែលត្រូវបើកសាលាឡើងវិញ ខណៈរាជធានីភ្នំពេញ កំពុងដំណើរការចុះវាយតម្លៃ ហើយនឹងដឹងលទ្ធផលពីតំបន់ណាខ្លះដែលនឹងត្រូវអនុញ្ញាតឱ្យបើកឡើងវិញឆាប់ៗនេះ។
លោក ឆុន ឈឿង មានកូនរៀនថ្នាក់អនុវិទ្យាល័យ និងបឋម ត្រេកអរចំពោះការសម្រេចរបស់ក្រសួងឱ្យបើកសាលារៀនឡើងវិញ ព្រោះរូបលោកក៏ចង់ឱ្យកូនបានចូលសាលាដែរ ដោយសារតែកូនរបស់លោក ខកខានរៀនជាច្រើនខែ។
លោកថា ការដែលរៀនអនឡាញ នៅផ្ទះ មិនចេះដូចរៀនផ្ទាល់នៅសាលានោះទេ ខណៈដែលឮដំណឹងបើកឡើងវិញបែបនេះ គឺលោកត្រៀមខ្លួនរួចជាស្រេចបញ្ជូនកូនទៅសាលារៀនឱ្យបានរៀនសូត្រ។
ដោយឡែក លោក សឿន ធន មានកូន ២ នាក់ រៀនថ្នាក់បឋម ក៏ត្រៀមតែនឹងបញ្ជូនកូនទៅសាលារៀនវិញដែរ ដោយសារតែកូនលោកខកខានរៀនច្រើនខែមកហើយ។ ហើយថា ពេលកូនលោកមិនបានទៅសាលារៀន គឺរៀននៅផ្ទះលក្ខណៈគ្រួសារ ដែលទទួលបានចំណេះដឹង មិនដិតដល់ដូចទៅសាលារៀន។
លោក អ៊ុត ម៉ៅ មានកូនស្រីរៀនថ្នាក់ អនុវិទ្យាល័យ បានឱ្យដឹងថា ពេលដែលកូនរបស់លោក មិនបានទៅសាលារៀន ចំណេះដឹងហាក់មានការធ្លាក់ចុះ ហើយខុសគ្នាបើប្រៀបធៀបអំឡុងពេលរៀននៅសាលាសដោយផ្ទាល់ជាមួយគ្រូ។
លោកក៏ត្រេកអរដែរ ដែលសាលារៀនបានបើកឡើងវិញ ឆាប់នឹងបានបញ្ជូនកូនឱ្យចូលសាលាវិញ ដោយអនុវត្តតាមវិធានការការពារខ្លួនពីជំងឺផង និងរៀនផង។
សូមជម្រាបថា សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅថ្ងៃទី ៣១ ខែសីហា បានស្នើឲ្យរដ្ឋមន្ត្រីក្រសួងអប់រំ យុវជន និងកីឡា ពិភាក្សាជាមួយអភិបាលរាជធានី-ខេត្តនានា ដើម្បីកំណត់អំពីការ បើកដំណើរការសាលារៀន នៅតាមទីតាំងមួយចំនួន ដែលពុំមានការឆ្លងរាលដាល នៃជំងឺកូវីដ-១៩។
សម្ដេចតេជោ ហ៊ុន សែន បញ្ជាក់ថា នៅក្នុងទូទាំងប្រទេសកម្ពុជា ជំងឺកូវីដ-១៩ បានឆ្លងដោយដាច់ដោយដុំ ហើយប្រមូលផ្ដុំនៅតាមទីក្រុង និងទីប្រជុំជនភាគច្រើន។ ចំណែកឯតំបន់ជនបទ គឺហាក់ដូចជាបានកើតឡើង តិចតួចណាស់ ហើយខេត្តខ្លះ ស្ទើរតែពុំមានទៀតផង តែសាលារៀនទាំងនោះ យើងក៏បានផ្អាកដំណើរការផងដែរ។
ត្រង់ចំណុចនេះ សម្ដេចស្នើឱ្យរដ្ឋមន្ត្រីក្រសួងអប់រំ ពិភាក្សាជាមួយបណ្ដារាជធានី-ខេត្តនានា ដើម្បីកំណត់បើកដំណើរការសាលារៀន នៅតាមទីតាំងមួយចំនួន ដែលពុំមានការឆ្លងជំងឺកូវីដ-១៩ កើតឡើង។
សម្រាប់រាជធានីភ្នំពេញ ការបើកដំណើរការ គ្រឹះស្ថានអប់រំឡើងវិញ កំពុងស្ថិតនៅក្នុងដំណាក់កាលត្រួតពិនិត្យ និងវាយតម្លៃ ដោយកំណត់បែងចែកភូមិសាស្ត្រជា៣ គឺភូមិសាស្ត្រដែលមានហានិភ័យខ្ពស់ ភូមិសាស្ត្រដែលមានហានិភ័យទាប និងភូមិសាស្ត្រដែលពុំមានការឆ្លងរាលដាលជំងឺកូវីដ-១៩។
ប្រធានមន្ទីរអប់រំ យុវជន និងកីឡា លោក ហែម ស៊ី ណារ៉េតបានអះអាងថា ក្នុងសប្ដាហ៍នេះ អាចនឹងដឹងថា តំបន់ណាខ្លះ ក្នុងរាជធានីភ្នំពេញ អាចបើកដំណើរការសាលារៀនឡើងវិញ ខណៈតាមបណ្ដាខេត្តនានា ក៏កំពុងមាញឹកចុះវាយតម្លៃតាមតំបន់ជាក់ស្ដែង ហើយក៏មានខេត្តខ្លួះបានត្រៀមខ្លួនបើករួចរាល់ហើយ៕
អត្ថបទ៖ ឡេង ដេត
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន