ព័ត៌មានជាតិ
បើកការស្រាវជ្រាវប្រធានមន្ទីរពេទ្យ មង្គលបូរី ពាក់ព័ន្ធរឿងទារលុយមុននឹងព្យាបាលអ្នកជំងឺ
មន្ទីរសុខាភិបាល ខេត្តបន្ទាយមានជ័យ បានបង្កើតក្រុមការងារចុះអង្កេតស្រាវជ្រាវប្រធានមន្ទីរពេទ្យមន្ទីរពេទ្យខេត្តមិត្តភាពកម្ពុជា-ជប៉ុនមង្គលបូរី ពាក់ព័ន្ធរឿងទារលុយមុននឹងព្យាបាលអ្នកជំងឺ។
ការបង្កើតក្រុមការងារនេះបន្ទាប់ពីលោក អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យបានលើកឡើងតាមរយៈទំព័រហ្វេសប៊ុកដោយមិនពេញចិត្តចំពោះអ្នកគ្រប់គ្រងនៅមន្ទីរពេទ្យខេត្តមង្គលបូរី ថា គ្មានក្រមសីលធម៌ជាគ្រូពេទ្យ ដោយធ្វើការទារលុយមុននឹងព្យាបាលអ្នកជំងឺ។
លោកវេជ្ជបណ្ឌិត ឡេ ច័ន្ទសង្វាត ប្រធានមន្ទីរសុខាភិបាលខេត្តបន្ទាយមានជ័យបានមានប្រសាសន៍នៅថ្ងៃទី៦ ខែកញ្ញាថា «ចំពោះពត៌មាននេះ មន្ទីរសុខាភិបាលខេត្ត បានបង្កើតក្រុមការងារចុះអង្កេត ស្រាវជ្រាវហើយ កំពុងបន្តធ្វើការងារនេះ »។
លោកប្រធានមន្ទីរបានបន្តថា « បើករណីរកឃើញមានកំហុសឆ្គងក្នុងការងារដឹកនាំ និងផ្តល់សេវា យើងនឹងមានវិធានការស្របតាមច្បាប់ក្នុងការដាក់ពិន័យ »។
លោក អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ បានលើកឡើងពីការមិនពេញចិត្តចំពោះអ្នកគ្រប់គ្រងនៅមន្ទីរពេទ្យខេត្តមង្គលបូរីថា គ្មានក្រមសីលធម៌ជាគ្រូពេទ្យ ដោយធ្វើការទារលុយមុននឹងព្យាបាលអ្នកជំងឺ។
ការលើកឡើងរបស់លោក អ៊ុំ រាត្រីកាលពីយប់ថ្ងៃទី៤ ខែកញ្ញា ខណៈក្រុមការងារអង្គរក្សសម្តេចតេជោ មានបញ្ហាត្រូវវះកាត់ជាបន្ទាន់ ប៉ុន្តែត្រូវក្រុមគ្រូពេទ្យមិនជួយសង្គ្រោះភ្លាមៗនោះទេ ដោយទារលុយមុនសិន។
លោក អ៊ុំ រាត្រី បានបញ្ជាក់យ៉ាងដូច្នេះថា «ថ្ងៃនេះម៉ោង១០និង០៥នាទីយប់ ខ្ញុំបានបរិច្ចាគឈាម ដើម្បីជួយសង្គ្រោះលោក អិន លីអាន មានឋានន្តរសក្ត័វរសេនីយទោ ជាក្រុមការងារអង្គរក្សសម្តេចតេជោ ដែលបានមកបំពេញបេសកកម្មនៅខេត្តបន្ទាយមានជ័យ ដែលត្រូវធ្វើការវះកាត់នៅមន្ទីរពេទ្យខេត្តមង្គលបូរី ហើយដែលលោកប្រធានមន្ទីរពេទ្យប្រាប់ថា ជាគោលការណ៍ត្រូវរកអ្នកអោយឈាមជំនួស និងបង់ថ្លៃសេវាមុនធ្វើការវះកាត់ ទោះអ្នកជំងឺធ្ងន់ក៏ដោយ»។
លោក អ៊ុំ រាត្រី ដាក់ជាសំណួរថា តើការគ្រប់គ្រងរបៀបនេះ គួរត្រូវសម្រេចយ៉ាងម៉េចចំពោះអ្នកគ្រប់គ្រងដែលមិនគិតពីក្រមសីលធម៌ និងមិនចេះចាត់ចែងការងារ។
បើតាមលោកអភិបាលខេត្ត នេះមិនមែនលើកទីមួយទេ គឺច្រើនលើកហើយដែលប្រជាពលរដ្ឋតែងតែរអ៊ូរទាំលើការផ្តល់សេវារបស់មន្ទីរពេទ្យដែលមានលោក ចន្ទ័ វុឌ្ឍីណាវុធ ជាប្រធានមន្ទីរពេទ្យ៕
អត្ថបទ៖ សំអឿន
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ