ព័ត៌មានជាតិ

ក្រុមគ្រូពេទ្យចុះយកសំណាកអាជីវករផ្សារអូឌឹម១១៥នាក់

បានផុស

៣ years មុន

នៅ

ថ្ងៃអង្គារ ៧ កញ្ញា ២០២១

ដោយ

អាជីវករផ្សារអូឌឹម ដែលស្ថិតក្នុងភូមិអូឌឹម សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ចំនួន១១៥នាក់ ត្រូវបានក្រុមគ្រូពេទ្យស្ម័គ្រចិត្តសម្តេចតេជោ ប្រឆាំងកូវីដ១៩ បានចុះយកសំណាកកាលពីព្រឹកថ្ងៃទី៧ ខែកញ្ញា ឆ្នាំ២០២១នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធរបានឱ្យដឹងថា ដោយសារតែមានអ្នកជំងឺកូវីដ១៩បានមកដើរទិញម្ហូបនៅទីនោះទើបក្រុមគ្រូពេទ្យស្ម័គ្រចិត្តសម្តេចតេជោ ប្រឆាំងជំងឺកូវី១៩ សហការជាមួយអាជ្ញាធរសង្កាត់ចោមចៅទី៣ ចុះមកយកសំណាកអាជីវករផ្សារដើម្បីរកជំងឺកូវីដ១៩ និងទប់ស្កាត់ការីករាលដាលបន្តទៀត។

ក្រោយពិនិត្យសំណាកលើអាជីវករទាំង១១៥នាក់រួចទទួលបានលទ្ធផលអវិជ្ជមានទាំងអស់ ធ្វើឱ្យបងប្អូនអាជីវកសប្បាយចិត្តរីករាយនិងបន្តការលក់ដូររកទទួលទានបន្តទៀត។

លោក វ៉ា សាវឿន ចៅសង្កាត់ចោមចៅទី៣ សូមផ្តាំផ្ញើទៅបងប្អូនទាំងអស់សូមថែរក្សាសុខភាព និងអនុវត្តតាមវិធានការក្រសួងសុខាភិបាលឱ្យបានខ្ជាប់ខ្ជួន ជាពិសេសត្រូវអនុវត្តតាមការណែនាំរបស់សម្តេចតេជោ ៣ការពារ ៣កុំ ៕

អត្ថបទ៖ សុខា