សូមបញ្ឈប់ទទួលទានស្រាទំពាំងបាយជូរ និងស្រាស សញ្ញា មាស ហុង ជាបន្ទាន់
Connect with us
Helistar Cambodia - Helicopter Charter Services

ព័ត៌មានជាតិ

សូមបញ្ឈប់ទទួលទានស្រាទំពាំងបាយជូរ និងស្រាស សញ្ញា មាស ហុង ជាបន្ទាន់

បានផុស

នៅ

មន្រ្តីជំនាញអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ “ក.ប.ប.” បន្តនីតិវិធីចុះប្រមូលផលិតផលស្រាទំពាំងបាយជូរ និងស្រាស សញ្ញា មាស ហុង នៅតាមបណ្តាទីតាំងចែកចាយក្នុងរាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីបានស្រាវជ្រាវរកឃើញមូលហេតុដែលបណ្តាលឱ្យមនុស្សចំនួន ៣នាក់ បានស្លាប់បាត់បង់ជីវិត កាលពីថ្ងៃទី០១ ខែកញ្ញា ឆ្នាំ២០២១ នៅរាជធានីភ្នំពេញ និងបន្ទាប់ពីចុះត្រួតពិនិត្យ និងឆែកឆេរទីតាំងផលិត និងចែកចាយស្រានានា ដើម្បីប្រមូលវត្ថុតាងសម្រាប់ដាក់បន្ទុក ជាពិសេសដើម្បីការពារអាយុជីវីតប្រជាពលរដ្ឋដែលអាចនឹងកើតមានជាយថាហេតុ ពីការទទួលទានស្រាទំពាំងបាយជូរ ឬស្រាសនេះ កាលពីថ្ងៃទី០៦ ខែកញ្ញា ឆ្នាំ២០២១ មន្រ្តីអគ្គនាយកដ្ឋាន ក.ប.ប. បានបន្តនីតិវិធី ចុះត្រួតពិនិត្យ និងប្រមូលត្រឡប់មកវិញនូវផលិតផលស្រាទំពាំងបាយជូរ និងស្រាស សញ្ញា មាស ហុង នៅបណ្តាទីតាំងចែកចាយ និងកន្លែងលក់ស្រាក្នុងរាជធានីភ្នំពេញ។

ផលិតផលស្រាទំពាំងបាយជូរ និងស្រាស សញ្ញា មាស ហុង ត្រូវបានមន្ទីរពិសោធន៍ អគ្គនាយកដ្ឋាន ក.ប.ប. រកឃើញមានវត្តមានសារធាតុមេតាណុលក្នុងកម្រិតខ្ពស់ ដែលអាចបង្កឱ្យស្លាប់បាត់បង់ជីវិត ប្រសិនបើទទួលទានស្រានេះក្នុងកម្រិតកំណត់មួយ។
      
លទ្ធផលមន្រ្តីជំនាញអគ្គនាយកដ្ឋាន ក.ប.ប. បានរកឃើញ និងប្រមូលស្រាទំពាំងបាយជូរ និងស្រាស សញ្ញា មាស ហុង បានចំនួន ១,២៥៣ដប ស្មើនឹង ៦២៧លីត្រ មករក្សាទុកដើម្បីកំទេចចោល។

ជាថ្មីម្តងទៀតអគ្គនាយកដ្ឋាន ក.ប.ប. សូមអំពាវនាវដល់បងប្អូនប្រជាពលរដ្ឋ ដើម្បីការពារអាយុជីវិតរបស់លោកអ្នក សូមបញ្ឈប់ជាបន្ទាន់ការទទួលទានស្រាដែលគ្មានប្រភពច្បាស់លាស់ ពិសេសស្រាទំពាំងបាយជូរ និងស្រាស សញ្ញា មាស ហុង នេះតែម្តង។ អាជីវករទាំងអស់ ក៏សូមបញ្ឈប់ការលក់ និងចែកចាយស្រាទំពាំងបាយជូរ និងស្រាស សញ្ញា មាស ហុង និងសូមទាក់ទងប្រគល់ជូនសមត្ថកិច្ចនៃអគ្គនាយកដ្ឋាន ក.ប.ប. ដើម្បីធ្វើការកំទេចចោលជាបន្ទាន់៕

អត្ថបទ៖ រ៉ាវុទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១ នាទី មុន

ឃាត់ខ្លួនជនសង្ស័យម្នាក់ ដែលជំនេញហែកស័ង្កសីចូលលួចយកទ្រព្យសម្បត្តិ ក្រោយរត់គេចខ្លួន

ព័ត៌មានអន្ដរជាតិ៨ នាទី មុន

ទីក្រុង Rio de Janeiro លុបចោលពិធីអបអរឆ្លងឆ្នាំ ក្រោយរកឃើញ Omicron ៦ករណី

កីឡា៨ ម៉ោង មុន

សហព័ន្ធ​កីឡា​ទ្រី​យ៉ា​ត្លុង​បោះជំរំ និង​បើក​វគ្គ​បណ្តុះបណ្តាល​បច្ចេកទេស​ដល់​មន្ត្រី គ្រូបង្វឹក និង​អត្ត​ពលិ​ក​ត្រៀម​ការប្រកួត​ជើងឯក​ជាតិ​និង​អន្តរជាតិ

សន្តិសុខសង្គម៩ ម៉ោង មុន

លោកតា​ម្នាក់​ជិះ​ម៉ូតូ​សុខៗ​ ស្រាប់តែ​ឈប់​ម៉ូតូ​ដួល​ស្លាប់

សន្តិសុខសង្គម៩ ម៉ោង មុន

តុលាការ​បើក​ការ​ស៊ើប​សួរ​គ្រឿងញៀន​ស្ត្រី​ថៃ​ម្នាក់​ ដឹកជញ្ជូន​គ្រឿងញៀន​ជិត​២​គីឡូ ឆ្លងកាត់​៣​ប្រទេស​ចូល​មក​កម្ពុជា

Sokha Hotels

ព័ត៌មានពេញនិយម

Helistar Cambodia - Helicopter Charter Services