ព័ត៌មានជាតិ

ត្រឹមថ្ងៃទី៦កញ្ញា ការចាក់វ៉ាក់សាំងកូវីដ-១៩ ជូនពលរដ្ឋដែលមានអាយុ១២ឆ្នាំ ដល់ក្រោម ១៨ ឆ្នាំនៅរាជធានី ទាំងដូសទី១និងទី២បានជាង២០ម៉ឺននាក់

បានផុស

៣ years មុន

នៅ

ថ្ងៃអង្គារ ៧ កញ្ញា ២០២១

ដោយ

ភ្នំពេញ ៖ គិតចាប់ពីថ្ងៃទី១ ខែសីហា ឆ្នាំ២០២១ ដល់ថ្ងៃទី៦ ខែកញ្ញា ឆ្នាំ២០២១ នេះ អនុគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងរាជធានីភ្នំពេញ បានចាក់វាក់សាំងការពារជំងឺកូវីដ-១៩ ជូនដល់កុមារ និងយុវជនមានអាយុចាប់ពី ១២ ឆ្នាំ ដល់ក្រោម ១៨ ឆ្នាំ ក្នុងភូមិសាស្ត រាជធានីភ្នំពេញ ដូសទី១ បានចំនួន ២០៨.៤៨៥ នាក់ និងដូសទី២ បានចំនួន ១៩១.៨៩៨ នាក់ ពោលគឺសម្រេចបានលើស ពីផែនការកំណត់ ដែលមានចំនួនប៉ាន់ស្មានត្រឹមតែ ១៩១.៤៨៦ នាក់ ប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយនឹងលទ្ធផលសម្រេចបានគួរជាទីមោទនៈខាងលើនេះ និងដើម្បីឈានទៅបិទបញ្ចប់យុទ្ធនាការតាមកម្មវិធី អាយុចាប់ពី១២ឆ្នាំ ដល់ក្រោម ១៨ ឆ្នាំ អញ្ជើញមកទទួលវ៉ាក់សាំងការពារជំងឺកូវីដ-១៩ ឲ្យបានមុនពេលបិទបញ្ចប់យុទ្ធនាការ នៅថ្ងៃទី១៧ ខែកញ្ញា ឆ្នាំ២០២១ រៀងរាល់ម៉ោង ៨:០០នាទីព្រឹក ដល់ម៉ោង ៥:០០នាទីរសៀល នៅតាមទីតាំងមន្ទីរពេទ្យ បង្អែក ចំនួន ៩ ទីតាំង ដែលនៅជិតលំនៅឋានរបស់លោកអ្នក។

នេះបើយោងតាមសេចក្តីជូនដំណឹងរបស់រដ្ឋបាលរាជធានីភ្នំពេញនៅថ្ងៃទី០៧ កញ្ញានេះ ដែលក្នុងសេចក្តីជូនដំណឹងនេះមានន័យថា រដ្ឋបាលរាជធានីភ្នំពេញ សូមជម្រាបជូនដំណឹងដល់បងប្អូនប្រជាពលរដ្ឋដែលជាមាតាបិតា-អាណាព្យាបាល អ្នកគ្រប់គ្រង មណ្ឌលថែទាំកុមារ និងសាធារណជនទាំងអស់ ឱ្យបានជ្រាបថា ផ្អែកតាមផែនការនិងដោយទទួលបានការប្រគល់ភារកិច្ចពី គណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស (គ.វ.ក-១៩) គិតចាប់ពីថ្ងៃទី១ ខែសីហា ឆ្នាំ២០២១ ដល់ថ្ងៃទី៦ ខែកញ្ញា ឆ្នាំ២០២១ នេះ អនុគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងរាជធានីភ្នំពេញ បានចាក់វ៉ាក់សាំងការពារជំងឺកូវីដ-១៩ ជូនដល់កុមារ និងយុវជនមានអាយុចាប់ពី ១២ ឆ្នាំ ដល់ក្រោម ១៨ ឆ្នាំ ក្នុងភូមិសាស្ត រាជធានីភ្នំពេញ ដូសទី១ បានចំនួន ២០៨.៤៨៥ នាក់ និងដូសទី២ បានចំនួន ១៩១.៨៩៨ នាក់ ពោលគឺសម្រេចបានលើស ពីផែនការកំណត់ ដែលមានចំនួនប៉ាន់ស្មានត្រឹមតែ ១៩១.៤៨៦ នាក់ ប៉ុណ្ណោះ។

ជាមួយនឹងលទ្ធផលសម្រេចបានគួរជាទីមោទនៈខាងលើនេះ និងដើម្បីឈានទៅបិទបញ្ចប់យុទ្ធនាការ តាមកម្មវិធី អាយុចាប់ពី ១២ ឆ្នាំ ដល់ក្រោម ១៨ ឆ្នាំ អញ្ជើញមកទទូលវ៉ាក់សាំងការពារជំងឺកូវីដ-១៩ ឱ្យបានមុនពេលបិទបញ្ចប់យុទ្ធនាការ នៅថ្ងៃទី១៧ ខែកញ្ញា ឆ្នាំ២០២១ រៀងរាល់ម៉ោង ៨:០០នាទីព្រឹក ដល់ម៉ោង ៥:០០នាទីរសៀល នៅតាមទីតាំងមន្ទីរពេទ្យ បង្អែក ចំនួន ៩ ទីតាំង ដែលនៅជិតលំនៅឋាន ឬ មណ្ឌលរបស់លោកអ្នក ដូចខាងក្រោម ៖

១ – មន្ទីរពេទ្យបង្អែករាជធានីភ្នំពេញ ផ្លូវលេខ ១៣៤ កែងផ្លូវលេខ ១៦៩ សង្កាត់វាលវង់ ខណ្ឌ៧មករា។

២ មន្ទីរពេទ្យបង្អែកចតុមុខ ផ្លូវជាតិលេខ ៥ ភូមិ១៧ សង្កាត់ស្រះចក ខណ្ឌដូនពេញ

៣ មន្ទីរពេទ្យបង្អែកដង្កោ ផ្លូវលេខ ២១៧ ភូមិខ្លា សង្កាត់ដង្កោ ខណ្ឌដង្កោ

៤ – មន្ទីរពេទ្យបង្អែកមិត្តភាពកម្ពុជា-ចិនសែនសុខ

ផ្លូវសែនសុខ៥ ភូមិសែនសុខទី៥ សង្កាត់ឃ្មួញ ខណ្ឌសែនសុខ

៥ មន្ទីរពេទ្យបង្អែកច្បារអំពៅ ផ្លូវលេខ៣៦១ កែងផ្លូវលេខ ៦៣៨ សង្កាត់ច្បារអំពៅទី១ ខណ្ឌច្បារអំពៅ

៦ – មន្ទីរពេទ្យបង្អែកពោធិ៍ចិនតុង ផ្លូវលេខ ៥៦K ភូមិតាងួន២ សង្កាត់កាកាបទី១ ខណ្ឌ ពោធិ៍សែនជ័យ

៧. – មន្ទីរពេទ្យបង្អែកព្រែកព្នៅ, ភូមិពោធិ៍មង្គល សង្កាត់ព្រែកព្នៅ ខណ្ឌព្រែកព្នៅ

៨ – មន្ទីរពេទ្យបង្អែកសម្ដេចឪ-សម្ដេចម៉ ផ្លូវជាតិលេខ ៥ ភូមិស្ពានខ្ពស់ សង្កាត់គីឡូម៉ែត្រលេខ៦ ខណ្ឌឫស្សីកែវ។

៩-មន្ទីរពេទ្យសំរាកព្យាបាល អូឡាំព្យាស៊ីធី អតារស៊ី៥ ផ្លូវលេខ ១៦១ សង្កាត់វាលវង់ ខណ្ឌ៧មករា។

ជាមួយគ្នានេះ រដ្ឋបាលរាជធានីភ្នំពេញ សូមជម្រាបជូនជាថ្មីម្តងទៀតផងដែរថា ដើម្បីទទូលបាន វ៉ាក់សាំងការពារ ជំងឺកូវីដ-១៩ សូមមាតាបិតា-អាណាព្យាបាល និងអ្នកគ្រប់គ្រងមណ្ឌលថែទាំកុមារទាំងអស់ មេត្តាភ្ជាប់មកជាមួយនូវឯកសារចាំបាច់ ដូចខាងក្រោម៖ – ចំពោះកុមារមានអាយុចាប់ពី ១២ ឆ្នាំ ដល់អាយុក្រោម ១៥ ឆ្នាំ សូមភ្ជាប់មកជាមួយនូវសំបុត្រកំណើត ឬ សំបុត បញ្ជាក់កំណើត ឬ លិខិតឆ្លងដែន ឬ សៀវភៅស្នាក់នៅ ឬ សៀវភៅគ្រួសារ។

– ចំពោះយុវវ័យមានអាយុចាប់ពី ១៥ ឆ្នាំ ដល់អាយុក្រោម ១៨ ឆ្នាំ ក្នុងករណីទទួលបានអត្តសញ្ញាណប័ណ្ណសញ្ជាតិ ខ្មែររួចហើយ អាចប្រើប្រាស់ឯកសារនេះជំនួសឱ្យឯកសារនានា ដែលបានជម្រាបជូនខាងលើនេះបាន។

ទន្ទឹមនឹងនេះ សម្រាប់ការចាក់វាក់សាំងការពារជំងឺកូវីដ-១៩ ជូនដល់កុមារ និងយុវវ័យមានអាយុចាប់ពី ១២ ឆ្នាំ ដល់ អាយុក្រោម ១៨ ឆ្នាំ ត្រូវអនុវត្តគោលការណ៍ ដូចខាងក្រោម៖

– ចំពោះកុមារ និងយុវវ័យដលរស់នៅជាមួយមាតាបិតា-អាណាព្យាបាល ត្រូវមានលិខិតព្រមព្រៀងអនុញ្ញាតឱ្យចាក់វាំក់សាំងជាលាយលក្ខណ៍អក្សរពីសំណាក់មាតាបិតា ឬ អាណាព្យាបាល

– ចំពោះកុមារ និងយុវវ័យ ដែលស្នាក់នៅឆ្ងាយពីមាតាបិតា-អាណាព្យាបាល តម្រូវឱ្យមាតាបិតា ឬ អាណាព្យាបាលបំពេញនូវមានលិខិតព្រមព្រៀងអនុញ្ញាតឱ្យចាក់វ៉ាក់សាំង ជាលាយលក្ខណ៍អក្សរ ហើយផ្ញើតាមប្រព័ន្ធអនឡាញ បញ្ជូនមកបុត្រធីតា ឬ សាច់ញាតិលោកអ្នក ដើម្បីផ្ដល់ឱ្យពេទ្យនៅទីតាំងចាក់ វ៉ាក់សាំងផ្ទាល់។

– ចំពោះកុមារកំព្រាដែលរស់នៅតាមមណ្ឌលនានា ត្រូវមានលិខិតព្រមព្រៀងអនុញ្ញាតឱ្យចាក់ វ៉ាក់សាំងជាលាយ លក្ខណ៍អក្សរពីសំណាក់អ្នកគ្រប់គ្រងមណ្ឌលថែទាំកុមារ។

-ចំពោះកុមារ និងយុវវ័យដែលជាជនអនាថា មិនអាចកំណត់អត្តសញ្ញាណមាតាបិតា គ្មានអាណាព្យាបាល និង មិនមានទីតាំងស្នាក់នៅពិតប្រាកដ អាជ្ញាធរមូលដ្ឋាន ត្រូវសហការជាមួយមន្ទីរសង្គមកិច្ច អតីតយុទ្ធជន និង យុវនីតិសម្បទារាជធានីភ្នំពេញ ដើម្បីចេញលិខិតបញ្ជាក់ និងនាំយកពួកគេមកទទួលវ៉ាក់សាំង ឱ្យបានគ្រប់ៗគ្នា។

បន្ថែមលើនេះ មុនពេលអញ្ជើញទៅទទូលវាំកំលាំង ចំពោះប្រជាពលរដ្ឋ ឬ កុមារ-យុវជនទាំងឡាយណា ដែលមាន បញ្ហាសុខភាព ដូចជា ក្តៅខ្លួន ក្អក-កណ្ដាស់ ផ្ដាសាយ ពិបាកដកដង្ហើម ឬ រោគសញ្ញាផ្សេងទៀត សូមមាតាបិតា-អាណាព្យាបាល ឬ អ្នកគ្រប់គ្រងមណ្ឌលថែទាំកុមារ និងអ្នកពាក់ព័ន្ធ ប្រើប្រាស់តេស្តរហ័សរកអង់ទីហ្សែនកូវីដ-១៩ ដើម្បីបញ្ជាក់ពីស្ថានភាព សុខភាព និងលទ្ធផលតេស្តអវិជ្ជមាន ស្របតាមគោលការណ៍ណែនាំប្រតិបត្តិរបស់ក្រសួងសុខាភិបាល ឬ អញ្ជើញទៅយក សំណាកវិភាគរកមេរោគកូវីដ-១៩ នៅតាមទីតាំងយកសំណាករបស់រដ្ឋ ជាមុនសិន ចៀសវាងប៉ះពាល់ដល់ក្រុមគ្រូពេទ្យ និង ប្រជាពលរដ្ឋដទៃទៀត។ ជាមួយគ្នានេះ ក្នុងអំឡុងពេលអញ្ជើញមកទទួលវ៉ាក់សាំង សូមបងប្អូនប្រជាពលរដ្ឋ និងអ្នកពាក់ព័ន្ធ ទាំងឡាយ ចូលរួមអនុវត្តតាមការណែនាំរបស់ក្រសួងសុខាភិបាល និងត្រូវប្រកាន់ខ្ជាប់នូវវិធានការ *៣ ការពារ និង ៣ កុំ របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។

អាស្រ័យដូចបានជម្រាបជូនខាងលើនេះ សូមបងប្អូនប្រជាពលរដ្ឋដែលជាមាតាបិតា-អាណាព្យាបាល អ្នកគ្រប់គ្រង មណ្ឌលថែទាំកុមារ និងសាធារណជនទាំងអស់ មេត្តាជ្រាបជាព័ត៌មាន និងរួសរាន់អញ្ជើញមកទចូលវ៉ាក់សាំងដោយឥតគិតថ្លៃ ឱ្យបានទាន់ពេលវេលា ប្រកបដោយស្មារតីទទួលខុសត្រូវខ្ពស់៕

ដោយ ៖ ស្រីរ័ត្ន

Kampuchea Thmey Daily

ព័ត៌មានជាតិ

ចុច Like Facebook កម្ពុជាថ្មី

សុខ ស្រីម៉ុច អំពាវនាវពលរដ្ឋខ្មែរបន្តជួយថែរក្សាមរតកដូនតាខ្មែរ

វេទិកាបូអាវ ៖ សេដ្ឋកិច្ច អាស៊ី នឹងលូតលាស់ដល់ ៤.៥ ភាគរយក្នុងឆ្នាំនេះ

អភិបាលរងរាជធានី បញ្ជាឱ្យបង្កើតទំព័រហ្វេសប៊ុកប្រតិកម្មរហ័ស ដើម្បីទទួលដោះស្រាយបញ្ហាជូនពលរដ្ឋ

រសៀលថ្ងៃទី២៨ មីនានេះ លោក ស សុខា បានចេញទៅបំពេញទស្សនកិច្ចនៅវៀតណាមហើយ

ថៃ ប្រយ័ត្នខ្ពស់ ខណៈ ជំងឺឈាមខ្មៅ កំពុងផ្ទុះខ្លាំងនៅ ឡាវ

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

ព័ត៌មានពេញនិយម