ព័ត៌មានជាតិ
ចំណងដៃសម្រាប់ប្រជាពលរដ្ឋ ស្រុកចន្ទ្រា ដោយមានការអភិវឌ្ឍន៍ហេដ្ឋារចនាសម្ព័ន្ធ ផ្លូវថ្នល់ ស្ពាន ដាក់អំពូលភ្លើង(សូឡា)បំភ្លឺដងផ្លូវតាមទីប្រជុំជន មិនចាញ់នៅទីក្រុងឡើយ
ស្វាយរៀង ៖ ប្រជាពលរដ្ឋស្រុកចន្ទ្រាក៏ដូចជាមហាជនដែលធ្វើដំណើរតាមដងផ្លូវនានាពេលយប់មានចិត្តសប្បាយរីករាយនិងអបអរសាទរដែលអាជ្ញាធរស្រុកចន្ទ្រា បានដាក់បង្គោលភ្លើងបំភ្លឺ(សូឡា)តាមដងផ្លូវសាធារណៈនៅតាមទីប្រជុំជននានាក្នុងស្រុកចន្ទ្រា ដែលមានភ្លើងបំភ្លឺ(សូឡា)អមនៅតាមផ្លូវនាពេលយប់ ដូចនៅទីក្រុង រក្សាបាននូវសន្តិសុខ សុវត្ថិភាព លើកកម្ពស់សោភណ្ឌភាព និងកែលំអទីប្រជុំជន ជួយសម្រួលក្នុងការធ្វើដំណើររបស់បងប្អូនប្រជាពលរដ្ឋ។
បច្ចុប្បន្ន ក្រោមការដឹកនាំរបស់ លោក លោក ថន ថាវុទ្ធា អភិបាលនៃគណៈអភិបាលស្រុកចន្ទ្រា នៅក្នុងស្រុកចន្ទ្រាទាំងមូល មានការអភិវឌ្ឍន៍ ហើយអាជ្ញាធរស្រុកបានដាក់បង្គោលភ្លើងបំភ្លឺតាមដងផ្លូវនៅតាមទីប្រជុំជន និងតាមឃុំនានាគឺភ្លឺពេញមួយយប់តែម្តង។
បើតាមលោក ថន ថាវុទ្ធា អភិបាលស្រុកចន្ទ្រាបានប្រាប់អ្នកសារព័ត៌មានយើងនៅរសៀលថ្ងៃទី៧ ខែកញ្ញា ឆ្នាំ២០២១ ឲ្យដឹងថា ការអភិវឌ្ឍន៍ហេដ្ឋារចនាសម្ព័ន្ធ ផ្លូវថ្នល់ ស្ពាននិងដាក់អំពូលភ្លើងបំភ្លឺតាមដងផ្លូវនេះក្នុងស្រុកចន្ទ្រា ដោយមានការចង្អុលបង្ហាញពីសំណាក់ឯកឧត្តមនាយឧត្តមសេនីយ៍ ម៉ឹង សំផន ប្រធានក្រុមការងារថ្នាក់ជាតិចុះមូលដ្ឋានស្រុកចន្ទ្រា និង ឯកឧត្តម ម៉ែន វិបុលអភិបាលខេត្ត ឯកឧត្តម លោកជំទាវក្រុមការងារចុះជួយស្រុកនិងសប្បុរសជននានាបានជួយឧបត្ថម្ភផ្តល់បង្គោលភ្លើង (សូឡា)ប្រើពន្លឺព្រះអាទិត្យ។
ទី១.នៅឃុំមេសថ្ងកបានដាក់រួចរាល់ចំនួន ៦០ដើម ដែលគ្រោងតាមផែនការចំនួន ២៧៤ដើម ពីស្ពានតាអឹមដល់សាលាឃុំមេសថ្ងកចំងាយ ២៤៤០ម៉ែត្រ សម្រាប់ដាក់បំភ្លឺតាមដងផ្លូវ នៅទីប្រជុំជននានាតាមផ្សារ តាមផ្លូវ តាមផ្លូវខាងមុខស្នាក់ការគណបក្សស្រុក តាមវត្តអារាម និងតាមដងផ្លូវបំបែកសំខាន់ៗមួយចំនួន។
ទី២.នៅឃុំច្រេសដាក់បានចំនួន ៨៣ដើម និងគ្រោងបន្តគ្រប់ដងផ្លូវទូទាំងឃុំ ដែលជាការជួយឧបត្ថម្ភរបស់ លោក គឹម ពិសិដ្ឋ ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តស្វាយរៀង។
ទី៣.ឃុំព្រៃគគីរ ដាក់បានចំនួន ៧៥ដើម និងគ្រោងដាក់បន្តទៀត។
ទី៤.ឃុំទួលស្តី១៥ដើមគ្រោងដាក់បន្តទៀត។
សរុបបច្ចុប្បន្នបានដាក់រួចរាល់បាន ២៣៣ដើមហើយដើម្បីជាការលម្អផ្លូវ និងការពារសុវត្ថិភាពសន្តិសុខសាធារណៈ និងបញ្ចៀសគ្រោះថ្នាក់ចរាចរណ៍ផងដែរ។
ទន្ទឹមនឹងនោះក្នុងឆ្នាំ២០២១នេះ ឯកឧត្តមនាយឧត្តមសេនីយ៍ ម៉ឹង សំផន ឯកឧត្តម ម៉ែន វិបុល ឯកឧត្តម ចាប ភក្ដី បានចង្អុលបង្ហាញឲ្យខាងស្រុក ដាំដើមឈើ ក្នុងនោះរួមមាន ឯកឧត្តម ចាប ភក្តី បានដឹកនាំដាំកូនឈើនៅព្រៃត្នោតឃុំច្រេសចំនួន ២,០០០ ដើម ឯកឧត្តម តូច ប៉ូលីវ៉ា អភិបាលរងខេត្តស្វាយរៀង បានដឹកនាំដាំដើ ឥន្ទនេល ក្ងោក នៅតាមដងផ្លូវសាធារណៈសរុប១៥០ដើម កូនឈើទាំងអស់នោះដាំដុះ ដើម្បីកែលំអសោភណ្ឌភាពស្រុកចន្ទ្រាអោយមានបរិស្ថានល្អផងដែរ។
ចំពោះការអភិវឌ្ឍន៍ហេដ្ឋារចនាសម្ព័ន្ធ ផ្លូវថ្នល់ ស្ពាន លោក ថន ថាវុទ្ធា អភិបាលស្រុកចន្ទ្រា បានមានប្រសាសន៍ឲ្យដឹងថា ក្រោមយកចិត្តទុកដាក់គិតគូពីសំណាក់ឯកឧត្តមនាយឧត្តមសេនីយ៍ ម៉ឹង សំផន ប្រធានក្រុមការងារថ្នាក់ជាតិចុះមូលដ្ឋានស្រុកចន្ទ្រា និង ឯកឧត្តម ម៉ែន វិបុលអភិបាលខេត្តក្នុងឆ្នាំ២០២១ជួសជុលផ្លូវ ក្រាលថ្មបំបែកសម្រេចបាន៥ខ្សែ ចាក់បេតុង២ខ្សែ ក្រាលកាឡូរ៉ានៅតាមដងផ្លូវទីប្រជុំជនក្នុងទីរួមស្រុកផងដែរ៕
ដោយ ៖ ភក្ដី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង