ព័ត៌មានជាតិ
ព្រះចៅអធិការវត្តនាគវ័ន្ត ណែនាំពុទ្ធបរិស័ទដែលមកបុណ្យភ្ជុំបិណ្ឌខាងមុខ ត្រូវអនុវត្តវិធានការក្រសួងសុខាភិបាល
អនុសាសន៍របស់ព្រះតេជគុណ ងិន ឃីម ចៅអធិការវត្តនាគវ័ន្ត ពេលដែលប្រជាពលរដ្ឋមកចូលរួមពិធីបុណ្យកាន់បិណ្ឌ និងភ្ជុំបិណ្ឌខាងមុខនេះ គឺត្រូវចេះការពារខ្លួនជានិច្ច ក្នុងការរក្សាគម្លាត លាងដៃ បាញ់អាល់កុល ពាក់ម៉ាស់ ដើម្បីទប់ស្កាត់ឲ្យបានពីជំងឺកូវីដ-១៩។
ព្រះអង្គមានសង្ឃដីកាឲ្យដឹងទៀតថា ទាក់ទងអំឡុងពេលបុណ្យកាន់បិណ្ឌនិងភ្ជុំបិណ្ឌខាងមុខនេះចំពោះពុទ្ធបរិស័ទ្ធ អំឡុងពេលបោះបាយបិណ្ឌ ត្រូវបោះឲ្យមានសន្តិបញ្ញាក្នុងការធ្វើបុណ្យគឺត្រូវចេះ រក្សាគម្លាត និងអនាម័យ ក្នុងការបាញ់អាកុលជានិច្ច ជាពិសេសការពាក់ម៉ាស់ផង ហើយកុំបោះបាយបិណ្ឌអារាត់អារាយពេលដែលយើងឧទ្ទិសមគ្គផលហើយ ត្រូវយកទៅដាក់ក្នុងកញ្ឆេដែលមានស្រាប់ទុកអោយដាក់នៅទីលានព្រះវិហ៊ារ ហើយត្រូវចេះរក្សាអនាម័យទៀតផង។ ក្នុងអំឡុងពេលរាប់បាតជាដើម។វត្តយើងនេះ មានមេក្រូសម្រាប់ប្រកាសក្នុងការអប់រំដល់ប្រជាជន ជាពិសេសយើងមានអាល់កុលទុកសម្រាប់ពុទ្ធបរិស័ទ្ធ លាងដៃចំនួន១២កានឯណោះ ពេលដែលគាត់អញ្ជើញមករាប់បាតនៅវត្តនាគវ័ន្តយើងនេះ។
ព្រះអង្គមានសង្ឃដីកាបញ្ជាក់ទៀតថា ក្នុងទីអារាមយើងនេះ មានព្រះសង្ឃចំនួន២១៤អង្គ និងនិស្សិតមកស្នាក់រៀនចំនួន១៥០នាក់ អាត្មាតែងតែទូន្មានអប់រំជានិច្ចក្នុងការធ្វើដំណើរទៅណាមកណា ឬក៏ព្រះសង្ឃនិមន្តបិណ្ឌបាត ត្រូវរក្សាគម្លាតឬដាក់អាល់កុលបាញ់តាមខ្លួន ដើម្បីរក្សាអនាម័យក្នុងអំឡុងកូវីដ១៩នេះ។
ដោយឡែកលោកយាយ ចយ សុខេង អាយុ83ឆ្នាំ សំណាក់ធម៌ក្នុងទីអារាមនេះ បញ្ជាក់ថា លោកយាយនៅសំណាក់ធម៌វត្តនេះ៤ឆ្នាំហើយ លោកយាយសប្បាយចិត្តណាស់ដែលរដ្ឋាភិបាលយើងបើកដំណើរការពិធីបុណ្យភ្ជុំបិណ្ឌវិញ លោកយាយមានតែម្រាមដៃដប់ សូមទេវតាថែរក្សាប្រទេសកម្ពុជាយើង និងប្រជាពលរដ្ឋខ្មែរទាំងអស់ សូមចៀសផុតពីជំងឺកូវីដ-១៩នេះផងដែរ។
លោកតាអាចារ្យ ហូ សន ក៏មិនខុសពីលោកយាយប៉ុន្មានដែរ លោកតាមានប្រសាសន៍ថា មានតែការជួយទូន្មាន អប់រំ ដល់ប្រជាពលរដ្ឋយើងពេលដែលគាត់មកធ្វើបុណ្យក្នុងពិធីកាន់បិណ្ឌភ្ជុំបិណ្ឌ ពេលខាងមុខនេះ គឺមានតែជួយផ្ដល់ការអប់រំ កុំភ្លេច ៣កុំ ៣ការពារទាំងអស់គ្នា ដើម្បីចៀសផុតឲ្យបានពីកូវីដ-១៩ នេះ វាមិនភ្លេចយើងទេ។
ជុំវិញបញ្ហាកូវីដ១៩នេះ បងស្រី អ៊ិន ចាន់ណា មានអាយុ 56 ឆ្នាំ គាត់តែងតែមកជួយរៀបចំក្នុងទីវត្តអារាមនេះជាពិសេសការជួយបោសសំអាតទីធ្លាក្នុងវត្តបានបញ្ជាក់ថា នៅពិធីបុណ្យភ្ជុំបិណ្ឌខាងមុខនេះខ្ញុំក៏មានសារមួយចែករំលែកទៅដល់ប្រជាពលរដ្ឋក្នុងពិធីភ្ជុំបិណ្ឌខាងមុខនេះ សូមកុំភ្លេចជំងឺកូវីដ១៩នេះ ព្រោះវានៅទន្ទ្រាននៅឡើយទេ។ ដូច្នេះមានតែការថែររក្សាអនាម័យ និងការពារខ្លួនប្រាណយើងជានិច្ច៕
អត្ថបទ៖ រុងរឿង
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ