ព័ត៌មានជាតិ
សមត្ថកិច្ច ទាត់ចោល ការផ្សាយរបស់ VOD ថា សមត្ថកិច្ចគំរាមចាប់ខ្លួន អ្នកការពារបរិស្ថានពីរនាក់
មន្ត្រីនាំពាក្យ នៃស្នងការដ្ឋាន នគរបាលរាជធានីភ្នំពេញ បានបដិសេធចោលទាំងស្រុង ចំពោះការចុះផ្សាយដោយគ្មានការពិត របស់សារព័ត៌មានមួយ ដែលថាសមត្ថកិច្ច និងអាជ្ញាធរ បានចុះទៅគំរាមកំហែងបងប្អូនភ្លោះ ២នាក់ឈ្មោះជុំ ហួរ និងជុំ ហួត ដែលអះអាងថា ជាសកម្មជនការពារធនធានធម្មជាតិ និងសិទ្ធិមនុស្សដល់បន្ទប់ជួល។ ការចេញមុខបដិសេធនេះ បន្ទាប់ពីសារព័ត៌មាន VOD នៅថ្ងៃទី៧ ខែកញ្ញា ឆ្នាំ២០២១ បានចុះផ្សាយអត្ថបទ ដែលមានចំណងជើងថា «អាជ្ញាធរគំរាមចាប់ខ្លួន អ្នកការពារបរិស្ថាន និងសិទ្ធិមនុស្ស ២នាក់ ដល់បន្ទប់ជួលរបស់ពួកគេ»។
លោកវរសេនីយ៍ឯក សាន សុខសីហា ជំនួយការស្នងការ និងជាអ្នកនាំពាក្យ នៃស្នងការដ្ឋាន នគរបាលរាជ ធានីភ្នំពេញ មានប្រសាសន៍ប្រាប់អ្នកសារព័ត៌មានកម្ពុជាថ្មី នាព្រឹកថ្ងៃទី៨ ខែកញ្ញានេះថា ការចុះផ្សាយនេះ គឺជាការផ្សព្វផ្សាយព័ត៌មានមិនពិតទាំងស្រុង ដែលនាំឲ្យប្រជាពលរដ្ឋ ក៏ដូចជាមជ្ឈដ្ឋានទូទៅ មានការយល់ច្រឡំ។
លោកវរសេនីយ៍ឯក សាន សុខសីហា បានឲ្យដឹងថា នៅព្រឹកថ្ងៃទី៧ ខែកញ្ញា ឆ្នាំ២០២១ កម្លាំងនគរបាល នៃការិយាល័យព្រហ្មទណ្ឌកម្រិតស្រាល នៃស្នងការដ្ឋាន នគរបាលរាជធានីភ្នំពេញ សហការជាមួយអាជ្ញាធរ មូលដ្ឋាន ក្នុងសង្កាត់បឹងទំពុនទី១ ចុះធ្វើរដ្ឋបាល ដោយសារមានករណីជនសង្ស័យឆក់ រត់ចូលទៅក្នុងតំបន់នោះ។ ស្របពេល ដែលសមត្ថកិច្ច ចុះធ្វើរដ្ឋបាល ដើម្បីស្វែងរកជនសង្ស័យនោះ គឺមានយុវជន២នាក់ បាន យកទូរស័ព្ទថត ដោយគ្មានការអនុញ្ញាត ហើយសមត្ថកិច្ច ក៏បានឲ្យលុបចោលវិញ ព្រោះនគរបាលកំពុងអនុវត្តសកម្មភាព ស្វែងរកជនសង្ស័យ ក្នុងអំពើឆក់។
អ្នកនាំពាក្យ នៃស្នងការដ្ឋាន នគរបាលរាជធានីភ្នំពេញ បានបញ្ជាក់ថា សមត្ថកិច្ច បានអប់រំណែនាំពួកគេ ហើយមិនបានឃាត់ខ្លួន ឬដាក់ទោសទណ្ឌអ្វីឡើយ គ្រាន់តែឲ្យលុបចោលនូវរូបភាព ដែលសមត្ថកិច្ច ក៏ដូចជាអាជ្ញាធរ ចុះធ្វើរដ្ឋបាល ដោយសារមានករណីជនសង្ស័យឆក់ រត់ចូលទៅក្នុងតំបន់នោះប៉ុណ្ណោះ។
លោកវរសេនីយ៍ឯក សាន សុខសីហា បានបញ្ជាក់ថា ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាន នគរបាលរាជធានីភ្នំពេញ នឹងចេញសេចក្ដីបំភ្លឺផងដែរ ពាក់ព័ន្ធនឹងបញ្ហានេះ ដើម្បីកុំឲ្យប្រជាពលរដ្ឋ ក៏ដូចជាមជ្ឈដ្ឋានទូទៅ មានការយល់ច្រឡំ មកលើសមត្ថកិច្ច ក៏ដូចជាអាជ្ញាធរ ដែលបានចុះធ្វើកិច្ចការងារ ដើម្បីសន្តិសុខ និងសុវត្ថិភាពរបស់ប្រជាពលរដ្ឋ។
លោកវរសេនីយ៍ឯក សាន សុខសីហា ក្នុងនាមសមត្ថកិច្ច នៃស្នងការដ្ឋាន នគរបាលរាជធានីភ្នំពេញ បានអំពាវនាវដល់គ្រប់សារព័ត៌មានជាតិ-អន្តរជាតិ និងសាធារណ:ជនទាំងអស់ មុននឹងធ្វើការផ្សព្វផ្សាយព័ត៌មាន សូមធ្វើការស្រាវជ្រាវ ឲ្យបានគ្រប់ជ្រុងជ្រោយ ដោយកុំធ្វើការសន្និដ្ឋានដោយអត្តនោម័ត ដែលធ្វើឲ្យប៉ះពាល់ដល់កិត្តិយសរបស់កងកម្លាំងនគរបាលជាតិ និងធ្វើឲ្យមានការវាយតម្លៃអវិជ្ជមាន ចំពោះកិច្ចប្រតិបត្តិការ របស់សមត្ថកិច្ច ដែលអំពើនេះ គួរតែ ត្រូវបានបញ្ឈប់ជាបន្ទាន់៕
អត្ថបទ៖ ឃួន សុភ័ក្រ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង