ព័ត៌មានជាតិ
មន្ទីរកសិកម្មខេត្តស្ទឹងត្រែង ចែកកូនមាន់ពូជដល់កសិករ៥៥០គ្រួសារនៅតាមទីជនបទ
មន្ត្រីមន្ទីរកសិកម្មកម្មរុក្ខាប្រមាញ់និងនេសាទខេត្តស្ទឹងត្រែង នៅព្រឹកថ្ងៃទី០៨ ខែកញ្ញា ឆ្នាំ២០២១នេះ បានចែកជូនកូនមាន់ពូជដល់កសិករចំនួន៥៥០គ្រួសារ នៅតាមបណ្តាឃុំចំនួន២២ នៅទីជនបទ ដើម្បីពង្រីកបរិមាណការចិញ្ចឹមសត្វស្របតាមកម្មវិធីផ្សព្វផ្សាយបច្ចេកទេសកសិកម្មថ្មី ដែលធន់នឹងការបម្រែបម្រួលអាកាសធាតុ ហៅកាត់ថា(AS PIRE)។
លោក ទំ នីរ៉ូ ប្រធានមន្ទីរកសិកម្មរុក្ខាប្រមាញ់និងនេសាទខេត្តមានប្រសាសន៍ថា កូនមាន់នេះ គឺជាដើមទុនមួយសម្រាប់ជួយបងប្អូនប្រជាពលរដ្ឋយើងឱ្យមានមុខរបរចិញ្ចឹមសត្វជាលក្ខណៈគ្រួសារ និងពង្រីកបន្តឱ្យមានបរិមាណច្រើនសម្រាប់ដោះស្រាយជីវភាពប្រចាំថ្ងៃ និងអាចនាំយកទៅលក់ដូរនៅទីផ្សារបានបន្ថែមទៀតផង។
លោកបន្តថា ទទួលបានកូនពូជមាន់នេះបងប្អូនត្រូវយកទៅចិញ្ចឹមតាមលក្ខណៈបច្ចេកទេស ដែលមន្ត្រីជំនាញបានពន្យល់ពីរបៀបថែទាំរួចមកហើយដូចនេះត្រូវបង្កើនសមត្ថភាពរបស់ខ្លួនចិញ្ចឹមពីតិចទៅច្រើនដើម្បីទ្រទ្រង់ជីវភាពគ្រួសារ។
លោក ជា ម៉ាលី ចៅសង្កាត់សាមគ្គីបានចាក់ទុកនេះជាផលរបរដែលមិនចេះរីងស្ងួត ហើយបងប្អូនយើងត្រូវតែយកចិត្តទុកដាក់ ព្រោះវាជាធនធានបានមកពីរាជរដ្ឋាភិបាលផ្តល់ឱ្យតាមរយៈមន្ទីរកសិកម្ម យកមកចែកជូនដោយផ្ទាល់ដៃ ហើយស្ថិតនៅក្នុងបរិបទកូវីដ១៩ផង យើងត្រូវប្រឹងប្រែងទាំងអស់គ្នាដើម្បីជីវភាពប្រចាំគ្រួសារ។
លោក ទឹម កុសល កសិកររស់នៅភូមិហាងខូបាន -បានទទួលស្គាល់ថា ការចិញ្ចឹមសត្វនិងដាំបន្លែបង្ការជាលក្ខណៈគ្រួសារពិតជាបានជួយលើកកម្ពស់ជីវភាពរស់នៅបានល្អ ព្រោះមិនបាច់ចំណាយថវិកា និងពេលវេលាទៅទិញពីទីផ្សារមកទេ។
លោកបន្តថា នឹងពង្រីកមុខរបរចិញ្ចឹមសត្វឱ្យបានរីកចម្រើនតាមការណែនាំរបស់មន្ទីរកសិកម្ម ព្រោះដើមទុននេះ សមល្មមអាចធ្វើទៅបានហើយ ជាពិសេសកន្លងមកក៏ទទួលបានការបណ្តុះបណ្តាលផ្នែកបច្ចេកទេសពីការចិញ្ចឹមសត្វរួចមកហើយដែរ។
សូមបញ្ជាក់ថា កសិករទាំង៥៥០គ្រួសារនេះ ទទួលបានពូជកូនមាន់ក្នុងមួយគ្រួសារចំនួន២០ក្បាលចំណី៥គីឡូក្រាម ឧបករណ៍ដាក់ទឹកចំនួន២ និងដាក់ចំណីចំនួន២ផងដែរ៕
អត្ថបទ៖ ងិនលីម
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ