ព័ត៌មានជាតិ

សាលារៀនក្នុងខេត្តកំពង់ចាមនឹងបើកដំណើរការវិញនៅចុងខែនេះ បើពុំមានការាំងស្ទះពីបញ្ហាកូវីដ

បានផុស

៣ years មុន

នៅ

ថ្ងៃពុធ ៨ កញ្ញា ២០២១

ដោយ

កំពង់ចាម ៖ សាលារៀនក្នុងខេត្តកំពង់ចាម នឹងអាចបើកឲ្យដំណើរការនៅចុងខែនេះ ប្រសិនបើតាមមូលដ្ឋានដែលប្រឈមហានិភ័យ ឆ្លងជំងឺកូវីដ-១៩ទាប។

អាជ្ញាធរខេត្តកំពង់ចាម បានកំពុងសិក្សាដោយសហការជាមួយ ក្រុមគ្រូពេទ្យ មេឃុំ-ចៅសង្កាត់ ដើម្បីធ្វើការវាយតម្លៃ សាលារៀនក្នុងតំបន់ហានិភ័យ និងបញ្ហាឆ្លងរីករាលដាលជំងឺកូវីដ១៩ ដើម្បីរៀបចំបើកឲ្យដំណើរការសាលាឡើងវិញ។ បច្ចុប្បន្ន ក្នុងខេត្តកំពង់ចាម សិស្សានុសិស្ស អាចសិក្សាតាមប្រព័ន្ធអនឡាញ និងរៀនជាបណ្តុំ នៅតាមតំបន់ហានិភ័យទាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក លី ម៉េង សាន ប្រធានមន្ទីរ អប់រំ យុវជន និង កីឡា ខេត្ត កំពង់ចាម បានឲ្យដឹងថា តាមផែនការនឹងបើកឲ្យដំណើរការគ្រឹះស្ថានសិក្សានៅចុងខែកញ្ញានេះ ដោយបានត្រៀមបោកសម្អាត សាលាខ្លះត្រូវធ្វើមណ្ឌល ចត្តាឡីស័ក ឬដាក់អ្នកជំងឺកូវីដ ត្រូវបានអាជ្ញាធរបាញ់ថ្នាំសម្លាប់មេរោគ ផងដែរ។

ដោយឡែកនៅឡើយវិទ្យាល័យព្រះសីហនុក្រុងកំពង់ចាម កំពុងរៀបចំផ្ទេរអ្នកជំងឺកូវីដទៅទីតាំងដែលបានត្រៀមដាក់ព្យាបាលអ្នកជំងឺដូចនៅមន្ទីរពេទ្យមេគង្គជាដើម។ លោកប្រធានមន្ទីរ បានបន្ថែមទៀតថា បច្ចុប្បន្ន សិស្សានុសិស្ស អាចរៀនតាមប្រព័ន្ធអនឡាញ ឬរៀនជាបណ្តុំនៅតាមខ្នងផ្ទះ ដែលពុំមានបញ្ហាឆ្លងរីករាលដាលជំងឺកូវីដ៕

អត្ថបទ និង រូបភាព លោក ហុង ម៉េងហៀ