ព័ត៌មានជាតិ

ឯកអគ្គរាជទូតកម្ពុជានៅឥណ្ឌា បានជួយសម្របសម្រួលឲ្យប្រជាពលរដ្ឋ និងនិស្សិតខ្មែរចំនួន ៧២នាក់ត្រឡប់មកកម្ពុជាវិញ

បានផុស

៣ years មុន

នៅ

ថ្ងៃពុធ ៨ កញ្ញា ២០២១

ដោយ

ស្ថានឯកអគ្គរាជទូត នៃព្រះរាជាណាចក្រកម្ពុជាប្រចាំប្រទេសឥណ្ឌាបានឲ្យដឹងនៅថ្ងៃទី០៨ ខែកញ្ញា នេះថា ស្ថានទូតបានសម្របសសំរួលជាមួយអាជ្ញាធរឥណ្ឌា ដើម្បីអនុញ្ញាតិឲ្យក្រុមហ៊ុនស្កាយអង្គរអ៊ែរឡាញ (Sky Angkor Airline) ដឹកប្រជាពលរដ្ឋ និងនិស្សិតខ្មែរចំនួន៧២ នាក់ ត្រឡប់មកប្រទេសកម្ពុជាវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមស្ថានទូត ប្រជាពលរដ្ឋ និងនិស្សិតទាំង៧២នាក់នេះ នឹងមកដល់អាកាសយានដ្ឋានអន្តរជាតិភ្នំពេញ តាមជើងយន្តហោះ លេខ SWM 6489 នៅថ្ងៃទី៩ ខែកញ្ញា ឆ្នាំ២០២១ វេលាម៉ោង១៨ និង១០ នាទី (ម៉ោងនៅកម្ពុជា) ។ ក្នុងការចេញដំណើរនេះ ក៏នឹងមានមន្ត្រីស្ថានទូតទទួលបន្ទុកផ្នែកការងារកុងស៊ុលជួយសំរួល និងជូនដំណើរទៅព្រលានយន្តហោះអន្តរជាតិឥន្ទ្រាគន្ធិ (Indira Gandhi International Airport) ក្រុងញូដែលីផងដែរ។

សូមបញ្ជាក់ថា ចាប់តាំងពីខែមករា ឆ្នាំ២០២១ រហូតមកដល់ពេលនេះ ស្ថានឯកអគ្គរាជទូត នៃព្រះរាជាណាចក្រកម្ពុជាប្រចាំសាធារណរដ្ឋឥណ្ឌា បានយកចិត្តទុកដាក់ធ្វើការសម្របសម្រួល ប្រគេន និងជូនព្រះសង្ឃ ពលរដ្ឋ និងនិស្សិតខ្មែរនៅប្រទេសឥណ្ឌាចំនួន ១៩៣ អង្គ/នាក់៕

ដោយ ៖ កោះកែវ