ព័ត៌មានជាតិ
ផ្លូវគ្រួសក្រហម កំពុងប្រែក្លាយជាផ្លូវបេតុងជាបណ្តើរៗនៅស្រុកមណ្ឌលសីមា
កោះកុង ៖ ផ្លូវក្រាលគ្រួសក្រហមដែលធ្លាប់តែលំបាកធ្វើដំណើរឆ្លងកាត់ទៅមកក្នុងមូលដ្ឋានស្រុកមណ្ឌលសីមា ឥឡូវផ្លូវចំនួន៣ខ្សែនេះ បានប្រែក្លាយផ្លូវបេតុងដ៏ថ្មីស្រឡាងទបណ្តើរៗហើយតបនឹងសេចក្តីត្រូវការចង់បានរបស់ប្រជាពលរដ្ឋ។
រដ្ឋបាលស្រុកមណ្ឌលសីមា តាមរយៈគម្រោងអភិវឌ្ឍន៍ហេដ្ឋារចនាសម្ព័ន្ធរបស់ខេត្តកោះកុង ស្រុកមួយនេះ ទទួលបាននូវផ្លូវបេតុងថ្មីស្រឡាងចំនួន៣ខ្សែប្រវែងជិត១គីឡូម៉ែត្រ និងទទឹង៧ម៉ែត្រ តបនឹងសេចក្តីត្រូវការចង់បានរបស់ប្រជាពលរដ្ឋក្នុងមូលដ្ឋានឃុំប៉ាក់ខ្លង និងឃុំពាមក្រសោប ទោះបីជាវិបត្តិជំងឺកូវីដ១៩ក៏ដោយ។
លោក ប្រាក់ វិចិត្រ អភិបាលស្រុកមណ្ឌលសីមា ថ្លែងឱ្យដឹងនៅថ្ងៃទី៨ ខែកញ្ញាថា គម្រោងអភិវឌ្ឍន៍ផ្លូវបេតុងដែលលេចចេញរូបរាងឡើងបម្រើជូនប្រជាពលរដ្ឋ អនុវត្តតាំងពីខែមិថុនាដល់ខែសីហា ទើបបញ្ចប់គម្រោងស្ថាបនា។
ផ្លូវបេតុងទី១ចេញពីចំណុចរង្វង់ព្រះបាទជ័យវរ្ម័នទី៧ក្បែរសាលាស្រុកទៅដល់មុខការិយាល័យដែនដីស្រុក។ ផ្លូវបេតុងទី២ ផ្តើមចេញពីផ្លូវជាតិលេខ៤៨ឆ្ពោះទៅកាន់មណ្ឌលសុខភាពនាងកុក និងផ្លូវបេតុងទី៣នៅភូមិពាមក្រសោប ឃុំពាមក្រសោប ប្រវែង២១៥ម៉ែត្រ ទទឹង៦ម៉ែត្រ កម្រាស់០.១៥ម៉ែត្រ។
លោក ប្រាក់ វិចិត្រ អភិបាលស្រុកមណ្ឌលសីមា អះអាងថា ការទទួលបានផ្លូវបេតុងនៅពេលនេះ គឺឆ្លើយតបនឹងសេចក្តីត្រូវការចង់បានរបស់ប្រជាពលរដ្ឋរបស់លោកក្នុងវេទិកាសាធារណៈដើម្បីអាចធ្វើដំណើរ ឬដឹកជញ្ចូនកសិផលទៅមកកាន់តែងាយស្រួលមិនលំបាកដូចពេលមុនៗ បើធៀបនឹងផ្លូវមានសំបកមាន់ជាច្រើនដោយសារចរន្តទឹករដូវវស្សាហូរច្រោះបាក់។
មិនចំពោះតែឃុំប៉ាក់ខ្លង ឃុំពាមក្រសោបទេដែលទទួលបានផ្លូវបេតុងបែបនេះ រដ្ឋបាលស្រុកមណ្ឌលសីមា ក៏ប្រឹងប្រែងកៀងគរជំនួយថវិកាពីសប្បុរសជន កញ្ចប់ថវិកាប្រើប្រាស់របស់ស្រុកផ្ទាល់ខ្លួនផង និងគម្រោងខេត្តផងនោះ។ មូលដ្ឋានឃុំផ្សេងៗដែលនៅក្រោមការគ្រប់គ្រងរបស់ស្រុក ក៏នឹងពិនិត្យស្រាវជ្រាវដាក់គម្រោងអភិវឌ្ឍន៍ដូចគ្នាផងដែរ៕
អត្ថបទ ៖ សិរីវឌ្ឍន
-
ព័ត៌មានជាតិ២០ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ