ព័ត៌មានជាតិ
ព្រឹកនេះ តុលាការនៅបន្តសាកសួរអ្នកកាសែតទាំង៩ នាក់
អ្នកកាសែត៩នាក់ បន្ទាប់ពីសាកសួររយៈពេលពីរថ្ងៃមិនទាន់ចប់ នៅព្រឹកថ្ងៃទី១០ ខែកញ្ញា ឆ្នាំ២០២១ នេះ អយ្យាការអមសាលាដំបូង ខេត្តស្ទឹងត្រែង នៅបន្តសាកសួរនៅឡើយ ពាក់ព័ន្ធសង្ស័យ និងការទារប្រាក់ ៤ពាន់ដុល្លារពីអ្នកដឹកឈើ។
អ្នកសារព័ត៌មាន ចំនួន៩នាក់ ត្រូវបានកងកម្លាំងអាវុធហត្ថខេត្ត ក្រោមបញ្ជាពីឧត្តមសេនីយ៍ត្រី អៀង វ៉ាន់ឌី មេបញ្ជាការកងរាជអាវុធហត្ថខេត្តស្ទឹងត្រែង បញ្ជាឱ្យឃាត់ខ្លួន ចំណុចជាំធំ ស្ថិតភូមិស្រែឫស្សី ក្នុងស្រុកថាឡាបរិវ៉ាត់ ខេត្តស្ទឹងត្រែង កាលពីថ្ងៃទី៧ ខែកញ្ញា ឆ្នាំ២០២១។
ការឃាត់ខ្លួនអ្នកសារព័ត៌មានទាំងនោះ គឺធ្វើឡើងតាមបណ្តឹង របស់ក្រុមអ្នករកស៊ីទិញឈើអារថ្មីៗ យកទៅវ៉ៃដែកគោលត្រាំទឹក ខ្លះសាងសង់ជារោង ហើយរុះរើវិញ ថាជាគ្រឿងឈើផ្ទះចាស់ៗ។ ក្រុមអ្នករកស៊ីទិញឈើទាំងនោះ បានប្តឹងចោទក្រុមអ្នកសារព័ត៌មានទាំង៩នាក់នោះថា ពួកគេបានជំរិតទារប្រាក់ ចំនួន៤ពាន់ដុល្លារ។
អ្នកកាសែតទាំងប្រាំបួននាក់ក្រោយការឃាត់ខ្លួនបានបញ្ជូនទៅទីបញ្ជាការ កងរាជអាវុធហត្ថខេត្ត សួរចម្លើយនិងកសាងសំណុំរឿងបញ្ជូនទៅតុលាការ។
លោក ជា សុ ភ័ក្រ អ្នកនាំពាក្យ អយ្យាការតុលាការ ខេត្តស្ទឹងត្រែង បានប្រាប់អ្នកសារព័ត៌មាន នៅល្ងាច ថ្ងៃទី ៩ ខែកញ្ញា ថា សំណុំរឿង អ្នកកាសែត បានចូលដល់ដៃអយ្យាការ ហើយ កំពុងសាកសួរពាក់ព័ន្ធសង្ស័យក្នុងករណីរឿង ជំរិតទារប្រាក់ ៤ពាន់ដុល្លារ ពីអ្នកដឹកឈើ។
ប្រភពពីសមត្ថកិច្ចបានឱ្យដឹងថា រថយន្តដែលគេសង្ស័យថាដឹកឈើខុសច្បាប់ខាងលើ មិនត្រូវបានឃាត់ទុក ត្រួតពិនិត្យនោះទេ ដោយសារមានលិខិតអនុញ្ញាតចេញពី ជំនាញផ្នែករដ្ឋបាលព្រៃឈើ ស្រុកថាឡាបរិវ៉ា។
គិតត្រឹមព្រឹកថ្ងៃទី១០ ខែកញ្ញានេះ សំណុំរឿងបានដល់ដៃអយ្យាការអមសាលាដំបូងខេត្តស្ទឹងត្រែងហើយ កំពុងបន្តនីតិវិធី សាកសួរពួកគេនៅឡើយ ដោយមិនទាន់ដឹងថា តុលាការនឹងមានចំណាត់ការ បែបណានោះទេ៕
អត្ថបទ៖ ងិនលីម
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង