ព័ត៌មានជាតិ

ក្រសួងពាណិជ្ជកម្ម ចាប់ផ្តើមបន្តរៀបចំពិព័រណ៍ផលិតផលខ្មែរឡើងវិញ

បានផុស

៣ years មុន

នៅ

ថ្ងៃសៅរ៍ ២៨ វិច្ឆិកា ២០២០

ដោយ

ភ្នំពេញ ៖ ក្រសួងពាណិជ្ជកម្មនឹងចាប់ផ្តើមបន្តរៀបចំពិព័រណ៍ផលិតផលខ្មែរក្នុងឱកាសយុទ្ធនាការទិញផលិតផលខ្មែររដូវកាលទី៥ ដែលនឹងប្រព្រឹត្តទៅចាប់ពីថ្ងៃទី២៤ដល់ថ្ងៃទី២៧ ខែធ្នូ ឆ្នាំ២០២០នៅក្រុងសេរីសោភ័ណ្ឌខេត្តបន្ទាយមានជ័យបន្ទាប់ពីបានផ្អាកនៅខេត្តសៀមរាមនិងខេត្តព្រះវិហារនៅក្នុងសប្តាហ៍នេះរួចមក។

ដោយសារជំងឺកូវីដ១៩ ក្រសួងពាណិជ្ជកម្មបានប្រកាសលើកពេលរៀបចំពិព័រណ៍ផលិតផលខ្មែររដូវកាលទី៥ ឆ្នាំ២០២០ នៅខេត្តសៀមរាបចាប់ពីថ្ងៃទី២១ដល់២៤ ខែវិច្ឆិកា ឆ្នាំ២០២០និងនៅខេត្តព្រះវិហារចាប់ពីថ្ងៃទី២៣ដល់ថ្ងៃទី២៦ខែវិច្ឆិកាឆ្នាំ២០២០។

បើតាមសេចក្តីជួនដំណឹងរបស់ក្រសួងពាណិជ្ជកម្មដែលបានផ្សព្វផ្សាយនៅថ្ងៃនេះបានឲ្យដឹងថា ឆ្នាំ២០២០នេះគឺជាឆ្នាំដែលពិភពលោកទាំងមូលមានការរីករាលដាលនៃជំងឺកូវីដ១៩ ហើយបានធ្វើឲ្យប៉ះពាល់ដល់ដំណើរការសេដ្ឋកិច្ចនិងសកម្មភាពពាណិជ្ជកម្មរបស់ប្រទេសកម្ពុជាផងដែរ។

ក្រសួងពាណិជ្ជកម្មបានបន្តថា ដើម្បីរួមចំណែកស្តារសេដ្ឋកិច្ចជាតិឡើងវិញក្រោយវិបត្តិកូវីដ១៩ក្រសួងពាណិជ្ជកម្មនឹងបន្តរៀបចំពិព័រណ៍ផលិតផលខ្មែរ ក្នុងឱកាសយុទ្ធនាការទិញផលិតផលខ្មែររដូវកាលទី៥ ដែលនឹងប្រព្រឹត្តទៅចាប់ពីថ្ងៃទី ២៤ដល់ថ្ងៃទី២៧ខែធ្នូឆ្នាំ២០២០ នៅក្រុងសេរីសោភ័ណ្ឌខេត្តបន្ទាយមានជ័យ»។

ក្រសួងពាណិជ្ជកម្មបានបញ្ជាក់ថា «ការរៀបចំព្រឹត្តិការណ៍នេះក្នុងគោលបំណងភ្ជាប់ទំនាក់ទំនងសេដ្ឋកិច្ចគ្រប់ប្រព័ន្ធរវាងរាជធានីខេត្តទូទាំងប្រទេសនឹងរួមចំណែកដល់ដំណើរការអភិវឌ្ឍន៍សេដ្ឋកិច្ចជាតិឡើងវិញ»។

ក្រសួងពាណិជ្ជកម្មនិងប្រមូលផលិតផលខ្មែរដែលមានគុណភាពខ្ពស់សុវត្ថិភាពសម្រាប់អ្នកប្រើប្រាស់និងមានការវេចខ្ចប់បានល្អត្រឹមត្រូវអនុលោមតាមស្តង់ដារលទ្ធកម្មពីគ្រប់ទិសទីនៅទូទាំងប្រទេសមកដាក់តាំងបង្ហាញនិងស្វែងរកដៃគូយកទៅលក់បន្ត។

ក្រសួងពាណិជ្ជកម្មបានបន្ថែមថា ក្នុងអំឡុងពេលពិធីនោះផងដែរក្រសួងនិងសហការជាមួយគណៈកម្មការអន្តរក្រសួងដើម្បីប្រយុទ្ធនឹងជំងឺកូវីដ១៩ដោយអនុលោមតាមស្តង់ដារជាតិក្នុងការបង្ការទប់ស្កាត់ការឆ្លងជំងឺកូវីដ១៩។

ក្រសួងពាណិជ្ជកម្មសូមអញ្ជើញលោកលោកស្រី ដែលមានបំណងចូលរួមតាំងបង្ហាញផលិតផលខ្មែរក្នុងព្រឹត្តិការណ៍នេះសូមប្រញាប់រួសរាន់ដាក់ពាក្យចូលរួមព្រោះចំនួនស្តង់មានកំណត់ជាមួយគ្នានេះ ក្រសួងពាណិជ្ជកម្មសូមអញ្ជើញសាធារណជនទូទៅចូលរួមទស្សនានិងគាំទ្រព្រឹត្តិការណ៍ដ៏មានសារសំខាន់នេះកុំខកខានឡើយ»៕
ដោយ ៖ សំអឿន

Related Topics:

Up Next

មន្ត្រីជាន់ខ្ពស់ក្រសួងមហាផ្ទៃ ៖ ការប្រើប្រាស់ប្រព័ន្ធព័ត៌មានវិទ្យាមិនបានត្រឹមត្រូវនាំឲ្យប៉ះពាល់ដល់សង្គមជាតិ

Don't Miss

ក្រសួងកសិកម្ម ចេញញត្តិបដិសេធចំពោះផេកមួយ ដែលបង្ហោះសារបង្អាប់បង្អោនកិច្ចខិតខំប្រឹងប្រែងរបស់មន្ត្រីរាជការ