ព័ត៌មានជាតិ
សមត្ថកិច្ចបំភ្លឺបន្ថែម និងបង្ហាញវីដេអូ ជុំវិញករណីអនុវត្ត ច្បាប់ចរាចរណ៍ បង្កឲ្យស្ត្រីម្នាក់រងរបួស
ស្នងការដ្ឋាន នគរបាលរាជធានីភ្នំពេញ នៅរសៀលថ្ងៃទី១១ ខែកញ្ញា ឆ្នាំ២០២១នេះ បានចេញសេចក្ដីបំភ្លឺបន្ថែម ក៏ដូចជាបង្ហាញវីដេអូ អំពីដើមហេតុ ដែលបង្កឲ្យស្ត្រីម្នាក់ធ្លាក់ ពីលើម៉ូតូរងបួសត្រង់ក្បាល នៅត្រង់ចំណុចផ្លូវ នេរុ ខណ្ឌ៧មករា កាលពីយប់ថ្ងៃទី៨ ខែកញ្ញា ឆ្នាំ២០២១។
ស្នងការដ្ឋាន នគរបាលរាជធានីភ្នំពេញ បានឲ្យដឹងថា ស្របពេលដែលសមត្ថកិច្ច នៃអធិការដ្ឋាន នគរបាលខណ្ឌ៧មករា កំពុងតែអនុវត្តរឹតបន្តឹងច្បាប់ចរាចរណ៍ និងត្រួតពិនិត្យអាវុធជាតិផ្ទុះ នៅគោលដៅផ្លូវនេរុ នៅថ្ងៃទី៨ ខែកញ្ញា ឆ្នាំ២០២១ វេលាម៉ោង៧ និង២០នាទីយប់ ក៏មានម៉ូតូមួយគ្រឿង ម៉ាកស្កូពីពណ៌សលាយ ឈូក ផ្លាកលេខភ្នំពេញ 1IQ. 3087 កំពុងបើកបរពីត្បូងទៅជើង ដោយបុរសម្នាក់ជាអ្នកបើកបរដឹកស្ត្រីម្នាក់។
ដោយឃើញអ្នកបើកបរ និងអ្នករួមដំណើរមិនមានពាក់មួក សមត្ថកិច្ចក៏បានចេញឃាត់ ឃើញញដូច្នេះអ្នកបើកបរល្មើសច្បាប់រូបនោះ បានបើកត្រឡប់ក្រោយ ក្នុងល្បឿនលឿន ក្នុងគោលបំណងរត់គេច ពីការត្រួតពិនិត្យរបស់សមត្ថកិច្ច ពេលនោះមន្ត្រីប្រចាំការនៅដើមទី បានចេញលើកដៃក្នុងគោលបំណងឃាត់ ឲ្យឈប់ដើម្បីធ្វើការសាកសួរ ត្រួតពិនិត្យ និងធ្វើការផាកពិន័យតាមច្បាប់។ ប៉ុន្តែជនបើកបរល្មើសមិនបានឈប់ ថែមទាំងបានបន្ថែមល្បឿនទៅបុក នឹងគម្របលូនៅចិញ្ចើមផ្លូវ ដែលបណ្តាលឲ្យអ្នក រួមដំណើរខាងក្រោយ ធ្លាក់ពីលើម៉ូតូ រងរបួសបែកក្បាល។
ស្នងការដ្ឋាន នគរបាលរាជធានីភ្នំពេញ បានបញ្ជាក់ទៀតថា ដោយផ្អែកលើមូលដ្ឋានច្បាប់ អ្នកបើកបរបានល្មើសនឹងចំណុចមួយចំនួនដូចខាងក្រោម៖
១. បើកបរមិនពាក់មួកសុវត្ថិភាព ទាំងអ្នកបើកបរ និងអ្នករួមដំណើរ
២. បើកបរបញ្ច្រាសទិស
៣. បើកបរលើសល្បឿនកំណត់ (40km/h)
៤. បើកបរក្នុងល្បឿនលឿន ក្នុងគោលបំណងបុកសមត្ថកិច្ច កំពុងអនុវត្តច្បាប់
៥. បើកបរត្រឡប់ក្រោយ មានបំណងរត់គេចពីសមត្ថកិច្ច ដោយមិនឲ្យសមត្ថកិច្ច ធ្វើការត្រួតពិនិត្យ និងផាកពិន័យតាមច្បាប់។
ដោយយោងលើមាត្រា៧៦ នៃច្បាប់ចរាចរណ៍ផ្លូវគោក និងមាត្រាទី៥៤១ នៃច្បាប់ក្រមព្រហ្មទណ្ឌ ផ្អែកតាមកំហុសដូចបានបញ្ជាក់ខាងលើ អ្នកបើកបរអាចត្រូវផ្តន្ទាទោស ជាប់ពន្ធនាគារ និងត្រូវផាកពិន័យផងដែរ។
យោងលើចំណុច ដូចបានបញ្ជាក់ជូនខាងលើ សមត្ថកិច្ចរីករាយទទួល យកនៅការចូលរួមមតិ របស់បងប្អូនប្រជាពលរដ្ឋ ថាតើការបើកបរ របស់បុរសម្នាក់នេះត្រូវ ឬក៏ខុសច្បាប់។ សមត្ថកិច្ច បានបញ្ជាក់ថា «និយាយជារួម បើកអ្នកបើកបរមិនល្មើស មិនបើករត់ នោះរឿងហេតុដែលបង្កឲ្យគ្រោះថ្នាក់ ក៏មិនកើតមានឡើងឡើយ »៕
អត្ថបទ៖ ឃួន សុភ័ក្រ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ