ព័ត៌មានជាតិ
លោក ប្រាក់ សុខុន ៖ ភាពជោគ ជ័យ នៃដំណើរទស្សនកិច្ចលោក វ៉ាង យី ជាចំណុចប្រវត្តិសាស្រ្ត សំខាន់មួយទៀត នៃទំនាក់ទំនងកម្ពុជា-ចិន
លោក ប្រាក់ សុខុន ឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេសកម្ពុជា បានលើកឡើងថា ភាពជោគជ័យនៃដំណើរទស្សនកិច្ចផ្លូវការ របស់លោក វ៉ាង យី គឺជាចំណុចប្រវត្តិសាស្រ្ត សំខាន់មួយទៀត នៃទំនាក់ទំនងកម្ពុជា-ចិន។ ការលើកឡើងនេះ គ្រាដែលលោក វ៉ាង យី ទីប្រឹក្សារដ្ឋ និងជារដ្ឋមន្ត្រីការបរទេស ចិន បានមកបំពេញទស្សនកិច្ចផ្លូវការនៅប្រទេសកម្ពុជា រយៈពេលពីរថ្ងៃ ចាប់ពីថ្ងៃទី១២ ដល់ថ្ងៃទី១៣ ខែកញ្ញា ឆ្នាំ២០២១។
លោកឧបនាយករដ្ឋមន្ត្រី ប្រាក់ សុខុន បានសរសេរនៅលើទំព័រហ្វេសប៊ុកផ្លូវការ របស់លោក នារសៀលថ្ងៃច័ន្ទនេះថា «យើងទន្ទឹងរង់ចាំប្រើប្រាស់ ពហុកីឡដ្ឋានជាតិមរតកតេជោ ដែលជាអំណោយដ៏ថ្លៃថ្លា ពីប្រជា ជនចិន ដើម្បីធ្វើជាម្ចាស់ផ្ទះ នៃព្រឹត្តិការណ៍កីឡាធំៗ ជាពិសេសការប្រកួតកីឡាអាស៊ីអាគ្នេយ៍ និងអាស៊ាន ប៉ារ៉ាហ្គេម នៅឆ្នាំ២០២៣ខាងមុខនេះ»។
រដ្ឋមន្ត្រីការបរទេសកម្ពុជា បានឲ្យដឹងបន្តថា ឯកសារចំនួន៦ ដែលបានចុះហត្ថលេខា កាលពីម្សិលមិញនេះ រួមមាន៖កិច្ចសហប្រតិបត្តិការ ក្នុងវិស័យសុខាភិបាល សេដ្ឋកិច្ច អប់រំ ការបោសសំអាតមីន និងការអនុវត្តគម្រោង នៃមូលនិធិពិសេសមេគង្គ-ឡានឆាង នឹងជួយលើកកម្ពស់ការអភិវឌ្ឍសេដ្ឋកិច្ច និងសង្គមជាតិយើង ។ ការប្រកាសផ្តល់ជំនួយវ៉ាក់សាំងចំនួន៣លានដូសបន្ថែមដល់កម្ពុជា ក៏នឹងជួយពន្លឿនការស្តារឡើងវិញ និងអាចវិលទៅរកជីវភាពធម្មតាវិញនាពេលឆាប់ៗ ខាងមុខនេះ។
មុនពេលដែលលោក វ៉ាង យី ចេញដំណើរចេញពីប្រទេសកម្ពុជា លោករដ្ឋមន្ត្រីការបរទេសកម្ពុជា និងឥស្សរជនជាន់ខ្ពស់ទាំងសងខាង បានទទួលទានអាហារពេលព្រឹកជាមួយគ្នា។ លោក ប្រាក់ សុខុន ជាថ្មីម្តងទៀត បានថ្លែងអំណរគុណដល់រដ្ឋមន្ត្រីការបរទេសចិន សម្រាប់ពេលវេលា ការប្តេជ្ញាចិត្ត និងការគោរព ចំពោះប្រ ទេសកម្ពុជា ហើយលោកបានជូនពរលោក វ៉ាង យី ឲ្យទទួលបានជោគជ័យ និងសំណាងល្អគ្រប់ភារកិច្ច៕
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៥ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ