ព័ត៌មានជាតិ
មិនទាន់មានគោលការណ៍ធ្វើតេស្តរកកូវីដលើសិស្សរដ្ឋនិងឯកជននៅភ្នំពេញមុនពេលចូលរៀនទេ
លោកបណ្ឌិត ហេង វ៉ាន់ដា ប្រធានក្រុមប្រឹក្សាភិបាលសមាគមគ្រឹះស្ថានឧត្តមសិក្សាកម្ពុជាបានមានប្រសាសន៍នៅរសៀលថ្ងៃទី១៣ ខែកញ្ញានេះថា នៅមិនទាន់មានគោលការណ៍ធ្វើតេស្តរកមេរោគជំងឺកូវីដ១៩ទៅលើសិស្សានុសិស្សសាលារដ្ឋ និងឯកជននៅរាជធានីភ្នំពេញ ចាប់ពីថ្នាក់ទី៧រហូតដល់ថ្នាក់ទី១២មុនពេលចូលរៀននៅថ្ងៃទី១៥ ខែកញ្ញា ឆ្នាំ២០២១ខាងមុខនេះនៅឡើយទេ។
លោកបានបន្តថា « ចំណែកគ្រូមុនចូលទៅបង្រៀនទាំងរដ្ឋ និងឯកជន គឺតម្រូវឱ្យធ្វើតេស្ត តាមខ្ញុំដឹងធ្វើតេស្តខាងសាលាក្រុងរកកូវីដ ចំណែកសិស្សមិនទាន់មានឮសូរមានគោលការណ៍អីទេ»។
លោក ហែម ស៊ីណារ៉េត ប្រធានមន្ទីរអប់រំយុវជននិងកីឡារាជធានីភ្នំពេញ បានមានប្រសាសន៍ថាបច្ចុប្បន្ននេះអាជ្ញាធរតាមខណ្ឌនីមួយៗកំពុងមមាញឹកក្នុងការធ្វើធ្វើតេស្តរកជំងឺកូវីដ១៩ដល់លោកគ្រូអ្នកគ្រូទាំងរដ្ឋ និងឯកជនកម្រិតអនុវិទ្យាល័យ និងវិទ្យាល័យប្រមាណជាង១ម៉ឺននាក់ ក្នុងនោះគ្រូសាលារដ្ឋមានចំនួន៦០០០នាក់ មកពីសាលាចំនួន៦៨ និងគ្រូឯកជនមានប្រមាណជាង៥០០០នាក់មកពីសាលាចំនួន២៥៨សាលា។
លោកប្រធានមន្ទីរបានបន្តថា ការធ្វើតេស្តនេះ គឺខណ្ឌនីមួយៗត្រូវធ្វើយ៉ាងណាធ្វើឱ្យរួចរាល់មុនថ្ងៃបើកសាលារៀនឡើងវិញ ដែលនឹងប្រព្រឹត្តិទៅនៅថ្ងៃទី១៥ ខែកញ្ញាខាងមុខនេះ ហើយប្រសិនបើមានលោកគ្រូអ្នកគ្រូណាម្នាក់មានវិជ្ជមានកូវីដ១៩ ត្រូវបញ្ជូនទៅមណ្ឌលព្យាបាលឬធ្វើការព្យាបាលនៅតាមផ្ទះប្រសិនបើផ្ទះគាត់ស្របទៅតាមលក្ខខណ្ឌរបស់ក្រសួងសុខាភិបាល។ លោកបានលើកឡើងដែរថា សិស្សានុសិស្សដែលត្រូវចូលរៀននៅពេលខាងមុខនេះមានចំនួន១៣ម៉ឺននាក់ ទាំងរដ្ឋនិងឯកជន។
លោកបណ្ឌិត ហេង វ៉ាន់ដា បានមានប្រសាសន៍ថា សាលាឯកជនណាដែលមិនទាន់រៀបចំរួចរាល់ទេអាចអូសបន្លាយពេលក្រោយថ្ងៃទី១៥ ខែកញ្ញាក៏បានដែរ ហើយសាលាដែលរៀបចំហើយអាចចាប់ផ្តើមថ្ងៃទី១៥ ហើយដោយរៀបចំការបង្រៀនតាមវិធីបណ្តុំនិងប្រកាន់យកស្តង់ដារអនាម័យរបស់ក្រសួងអប់រំ។
លោកបណ្ឌិត សភាចារ្យ ហង់ជួនណារ៉ុន រដ្ឋមន្ត្រីក្រសួងអប់រំយុវជននិងកីឡាបានណែនាំដល់អភិបាលរាជធានីខេត្តថា ចំពោះសាលាណាមានហានិភ័យទាបត្រូវបន្តរៀនតាមបណ្តុំដែលមានចំនួនតិចជាង១៥នាក់ និងឆ្លាស់វេន ឬការរៀនតាមបែបចម្រុះពិសេសចំពោះតំបន់ប្រជុំជន និងទីក្រុងដែលមានការឆ្លងតិច និងមានការចាក់វ៉ាក់សាំងរួចហើយ។ ចំពោះភូមិសាស្ត្រណាដែលមានហានិភ័យឆ្លងខ្ពស់ត្រូវបន្តការបង្រៀននិងរៀនពីចម្ងាយតាមអនឡាញដដែល និងត្រូវបង្កើតគណៈកម្មការគ្រប់គ្រងសាលារៀនដោយមានការចូលរួមពីមាតាបិតា និងអាជ្ញាធរមូលដ្ឋានដើម្បីសម្រេចនៅកម្រិតសាលារៀន ក្នុងការបើកឬផ្អាកដំណើរការសាលារៀន៕
អត្ថបទ៖ សំអឿន
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ