ព័ត៌មានជាតិ
ស្នងការថ្មីខេត្តសៀមរាប ប្រកាសចូលកាន់តំណែងជាផ្លូវការ
សៀមរាប៖ ដូចការព្រាងទុក លោកឧត្តមសេនីយ៍ត្រី តេង ច័ន្ទណាត បានចូលកាន់តំណែងជាស្នងការនគរបាលខេត្តសៀមរាប ជំនួសលោកឧត្តមសេនីយ៍ទោ ទិត្យ ណារ៉ុង ដែលត្រូវចូលនិវត្តន៍។
ការប្រកាសចូលកាន់តំណែងស្នងការនគរបាលខេត្តសៀមរាបថ្មី ធ្វើឡើងនៅព្រឹកថ្ងៃច័ន្ទទី១៣ ខែកញ្ញា ឆ្នាំ២០២១ នាសាលប្រជុំរដ្ឋបាលខេត្ត ដោយមានការចូលរួមពីសំណាក់នាយឧត្តមសេនីយ៍សន្ដិបណ្ឌិត នេត សាវឿន អគ្គស្នងការនគរបាលជាតិ លោក អ៊ាន ឃុន ប្រធានក្រុមប្រឹក្សាខេត្តសៀមរាប និងលោក ទៀ សីហា អភិបាលនៃគណៈអភិបាលខេត្តសៀមរាប ព្រមទាំងមានការចូលរួមមន្ត្រីរាជការមួយចំនួន។
លោកទៀ សីហា អភិបាល នៃគណៈអភិបាលខេត្តសៀមរាបបានថ្លែងកោតសរសើរ និងបានណែនាំដល់ស្នងការថ្មីត្រូវបន្តអនុវត្តន៍ការងារប្រកបដោយតម្លាភាព និងស្មារតីទទួលខុសត្រូវខ្ពស់នូវគោលការដែលប្រមុខថ្នាក់ដឹកនាំប្រគល់ជូន។
នាយឧត្តមសេនីយ៍សន្ដិបណ្ឌិត នេត សាវឿន អគ្គស្នងការនគរបាលជាតិ ក៏មានមតិសំណេះសំណាលនិងក្រើនរម្លឹកការងារមួយចំនួន ដល់ស្នងការដ្ឋាននគរបាលខេត្តសៀមរាបថ្មី ឲ្យបន្តអនុវត្តគោលនយោបាយភូមិឃុំមានសុវត្ថិភាព ឲ្យបានល្អប្រសើរថែមទៀត។ ក្នុងនោះត្រូវចូលរួមសហការជាមួយស្ថាប័នផ្សេងៗអោយបានល្អ និងត្រូវចូលរួមទប់ស្កាត់នៃការរាលដាលនៃជម្ងឺកូវីដ១៩ ជាមួយអាជ្ញាធរដើម្បីឲ្យមានការថយចុះនៃការឆ្លងមកវិញ។
សូមជម្រាបថា លោកឧត្តមសេនីយ៍ត្រី តេង ច័ន្ទណាត ស្នងការរងទទួលផែនចរាចរណ៍ផ្លូវគោកនៃស្នងការដ្ឋាននគរបាលខេត្តសៀមរាប ត្រូវបានក្រសួងមហាផ្ទៃ តែងតាំងជាស្នងការថ្មី នៃស្នងការដ្ឋាននគរបាលខេត្តសៀមរាប ជំនួសលោកឧត្តមសេនីយ៍ទោ ទិត្យ ណារ៉ុង ដែលត្រូវចូលនិវត្តន៍៕
អត្ថបទ៖ កុសល
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង