ព័ត៌មានជាតិ
អភិបាលខេត្តប៉ៃលិន ប្រកាសផ្តល់ប្រាក់រង្វាន់ ចំពោះគ្រឹះស្ថានសិក្សាដែលរៀបចំស្អាត
ការប្រកាសផ្តល់ប្រាក់រង្វន់ ចំពោះគ្រឹះស្ថានសិក្សាសាធារណៈរបស់លោកស្រីអភិបាលខេត្តប៉ៃលិនបែបនេះ ត្រូវបានធ្វើឡើងនៅថ្ងៃទី១៣ ខែកញ្ញា ឆ្នាំ២០២១ ខណៈលោកស្រីអភិបាលខេត្ត ដឹកនាំក្រុមការងារ មន្រ្តីរាជការ អញ្ជើញចុះពិនិត្យគ្រឹះសា្ថនសិក្សាសាធារណៈនៅក្រុងប៉ៃលិន និងស្រុកសាលាក្រៅ ក្នុងខេត្តប៉ៃលិន ដើម្បីត្រៀមបើកឱ្យសិស្សានុសិស្សចូលរៀនឆាប់ៗខាងមុខនេះ។
លោកស្រី បាន ស្រីមុំ អភិបាលខេត្តប៉ៃលិន បានមានប្រសាសន៍ថា លោកគ្រូអ្នកគ្រូត្រូវយកចិត្តទុកដាក់ មើលការខុសត្រូវចំពោះសិស្សានុសិស្សទាំងអស់តាមសាលារៀងៗខ្លួន ធ្វើយ៉ាងណាកុំឱ្យសាលារៀនដែលបើកបង្រៀនហើយត្រូវបិទទៅវិញម្តងទៀត ដោយសារការឆ្លងជំងឺកូវីដ-១៩។ ដូច្នោះត្រូវចូលរួមអនុវត្តតាមវិធានការ ៣ការពារ៣កុំ របស់ប្រមុខរាជរដ្ឋភិបាល និងធ្វើតាមការណែនាំនានារបស់ក្រសួងសុខាភិបាល គឺលាងដៃជាមួយទឹកអាល់កុល ឬជែល ត្រូវឱ្យសិស្សពាក់ម៉ាសជាប់ជានិច្ច មិនត្រូវឱ្យចេញលេងជួបជុំគ្នានោះឡើយ។ បើសិនពិនិត្យឃើញសិស្សណាម្នាក់ពាក់ម៉ាសចាស់ដដែលៗត្រូវប្តូរជូនភ្លាម ហើយសាលារៀនណាមួយខ្វះម៉ាស អាចស្នើសុំបន្ថែមទៀត។
លោកស្រីអភិបាលខេត្ត មានប្រសាសន៍បន្តថា គណៈគ្រប់គ្រងសាលាមិនត្រូវកាត់ថវិកាពីលោកគ្រូអ្នកគ្រូ ដើម្បីយកទៅទិញសម្ភារៈសាលារៀននោះឡើយ ប្រសិនជាខ្វះខាតពិតមែន អាចទាក់ទងទៅខាងរដ្ឋបាលខេត្ត ចុះពិនិត្យជាក់ស្តែង អាចជួយឧបត្ថម្ភទាន់ពេលវេលា។ ចំណែកលោកគ្រូអ្នកគ្រូ ក៏ត្រូវប្រុងប្រយ័ត្នខ្លួនឯងជាប់ជានិច្ច មិនត្រូវចេញទៅក្រៅដោយធ្វេសប្រហែសដែលនាំឱ្យឆ្លងជំងឺកូវីដ-១៩ រួចបន្តឆ្លងរាលដាលដល់សិស្សក្នុងសាលា បង្កជាបញ្ហានោះឡើយ។
ជាមួយគ្នានេះលោកស្រី បាន ស្រីមុំ មានប្រសាសន៍បញ្ជាក់ដែរថា បើសិនជាលោកគ្រូអ្នកគ្រូ ឬគណៈគ្រប់គ្រងនៃសាលារៀនណាមួយនៅទូទាំងខេត្ត ខិតខំប្រឹងប្រែងបំពេញតួនាទីភារកិច្ចរបស់ខ្លួនដោយរៀបចំកែច្នៃទីធ្លាសាលារៀនដែលជាសម្បត្តិរដ្ឋឱ្យក្លាយទៅជាកន្លែងមានរបៀបរៀបរយល្អ ជាពិសេសមានសោភ័ណភាពស្រស់ស្អាតជាងគេ ទទួលបានជ័យលាភីជាប់ចំណាត់ថ្នាក់លេខ១ទូទាំងខេត្ត នឹងទទួលបានពានរង្វាន់ ពីរដ្ឋបាលខេត្ត ចាប់ពី ១០លានរៀលទៅ ២០លានរៀល។
សូមបញ្ជាក់ផងដែរថា បើតាមរបាយការណ៍ លោក តង់ ធារ៉ា ប្រធានមន្ទីរអប់រំ យុវជន និងកីឡា ខេត្តប៉ៃលិន បានឲ្យ ដឹងថា នៅទូទាំងខេត្តប៉ៃលិន មានគ្រឹះស្ថានអប់រំរបស់រដ្ឋមានចំនួន ៥៧កន្លែង ខណៈគ្រឹះស្ថានអប់រំឯកជន មានចំនួន១២កន្លែង។ ដោយឡែក សម្រាប់ការបើកដំណើរការគ្រឹះស្ថានអប់រំឡើងវិញនេះ មានសាលារៀនមួយចំនួនដូចជា អនុវិទ្យាល័យ និងបឋមសិក្សា បរយ៉ាខា អនុវិទ្យាល័យ និងបឋមសិក្សា ប៉ាងរលឹម អនុវិទ្យាល័យ ហ៊ុន សែន អូរដូនតា បឋមសិក្សា ដីស បឋមសិក្សា ផ្ទះស្បូវ បឋមសិក្សា កូនដំរី ឯសាលាមួយចំនួនទៀតដែលនៅសេសសល់នឹងត្រូវសិក្សាពិនិត្យស្ថានភាពជាក់ស្តែងបើកឱ្យដំណើរការជាបន្តបន្ទាប់៕
អត្ថបទ៖ សេង សុវណ្ណារិទ្ធ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង