ព័ត៌មានជាតិ
អ្នកនាំពាក្យ៖ គ្រប់វត្តអារាមមិនឱ្យមានការជួបជុំលើសពី១៥អង្គនាក់ឡើយ
អ្នកនាំពាក្យក្រសួងក្រសួងធម្មការ និងសាសនាបានឱ្យដឹងថា នៅក្នុងពិធីបុណ្យកាន់បិណ្ឌ និងភ្ជុំបិណ្ឌខាងមុខនេះគ្រប់វត្តអារាមទាំងអស់ត្រូវរក្សាគម្លាតសុវត្តិភាព ដោយមិនឱ្យមានការជួបជុំលើសពី១៥អង្គនាក់ឡើយដើម្បីទប់ស្កាត់ការឆ្លងរាលដាលជំងឺកូវីដ១៩។
លោក សេង សុមុនី អ្នកនាំពាក្យក្រសួងធម្មការ និងសាសនាបានមានប្រសាសន៍នៅព្រឹកថ្ងៃទី១៤កញ្ញានេះថាការកំណត់ចំនួនមនុស្ស១៥អង្គនាក់នេះគឺសម្រាប់បងប្អូនពុទ្ធបរិស័ទដែលយកចង្វាន់ទៅប្រគេនព្រះសង្ឃនៅក្នុងសាលាឆាន់ដោយក្នុងនោះកំណត់ព្រះសង្ឃ៥អង្គ អាចារ្យ៥នាក់ និងពុទ្ធបរិស័ទ៥នាក់។
លោកបានបន្តថាពេលប្រគេនចង្វាន់ព្រះសង្ឃរួចហើយអាចអញ្ជើញត្រឡប់ទៅផ្ទះវិញបានដោយទុកឱ្យពុទ្ធបរិស័ទផ្សេងៗទៀតចូលប្រគេនម្តងដោយធ្វើការឆ្លាស់គ្នាដើម្បីរក្សាគម្លាតសុវត្តិភាពការពារកុំឱ្យឆ្លងជំងឺកូវីដ១៩។
លោកបានបន្តទៀតថាចំណែកការរាប់បាតវិញក៏ត្រូវរក្សាគម្លាតសុវត្តិភាពដែរដោយមិនត្រូវមានការចូលទៅប្រជ្រៀតគ្នាកកកុញដូចមុនបានទេព្រោះអាចមានហានិភ័យខ្ពស់ក្នុងការចម្លងជំងឺកូវីដ១៩។
អ្នកនាំពាក្យក្រសួងធម្មការបានណែនាំដល់គ្រប់វត្តអារាមពិសេសវត្តតាមជនបទដែលខ្វះខាតត្រូវរៀបចំពាងឬធុងទឹកដាក់នៅតាមច្រកទ្វារវត្តនិងសាលាឆាន់ដោយមានដាក់សាប៊ូដុំឬសាប៊ូកញ្ចប់សម្រាប់ពុទ្ធបរិស័ទលាងសំអាតដៃមុនចូលទីធ្លាវត្តអារាមឬក្រោយប្រគេនចង្វាន់ព្រះរួចវិលត្រឡប់ទៅផ្ទះវិញ។
លើសពីនេះទៀតព្រះសង្ឃនិងពុទ្ធបរិស័ទត្រូវពាក់ម៉ាស់ ធ្វើការវាស់កម្ដៅ រក្សាអនាម័យ លាងដៃសាប៊ូ ឬអាល់កុល ជែល និងរក្សាតម្កាតសុវត្ថិភាពសង្គម បុគ្គលជាពិសេសត្រូវប្រកាន់ភ្ជាប់ជានិច្ចនូវវិធានការ “៣កុំ ៣ការពាររបស់សម្តេចនាយករដ្ឋមន្ត្រី។
គួរបញ្ជាក់ថាឆ្នាំនេះ ពិធីបុណ្យកាន់បិណ្ឌ ភ្ជុំបិណ្ឌ នឹងប្រព្រឹត្តទៅពីថ្ងៃ១រោច ដល់ថ្ងៃ១៥រោច ខែភទ្របទ ត្រូវនឹងថ្ងៃទី២២ ខែកញ្ញា ដល់ថ្ងៃទី០៦ ខែតុលា ឆ្នាំ២០២១៕
អត្ថបទៈ សំអឿន
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ