ព័ត៌មានជាតិ
អូស្ត្រាលី នឹងបន្ថែមហិរញ្ញប្បទាន ២៥លានដុល្លារ ដល់កម្ពុជា សម្រាប់គាំទ្រការទិញ វ៉ាក់សាំង
រដ្ឋាភិបាលអូស្ត្រាលីនឹងបន្ថែម ហិរញ្ញប្បទានប្រមាណ ៣៥លានដុល្លារអូស្ត្រាលី ឬស្មើនឹង២៥លានដុល្លារអាមេរិក សម្រាប់គាំទ្រដល់ការបញ្ជាទិញវ៉ាក់សាំងកូវីដ-១៩ ប្រមាណ៣លានដូសចាក់ ជូនដល់ប្រជាពលរដ្ឋកម្ពុជា។
ការបន្ថែមហិរញ្ញប្បទាន ប្រមាណ៣៥លានដុល្លារអូស្ត្រាលីនេះ បានធ្វើឡើងខណៈលោក Andreas Zurbrugg អនុប្រធានបេសកកម្ម នៃស្ថានទូតអូស្ត្រាលីប្រចាំនៅកម្ពុជា បានជួបពិភាក្សាការងារជាមួយលោក ឈៀង យ៉ាណារ៉ា រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គលេខាធិការគណៈកម្មាធិការនីតិសម្បទា និងអភិវឌ្ឍន៍កម្ពុជា នៃក្រុមប្រឹក្សាអភិវឌ្ឍន៍កម្ពុជា។
លោក Andreas Zurbrugg បានឱ្យដឹងថា ហិរញ្ញប្បទានប្រមាណ ៣៥លានដុល្លារអូស្ត្រាលី ឬត្រូវជា២៥ លានដុល្លារអាមេរិក សម្រាប់គាំទ្រដល់ការបញ្ជាទិញវ៉ាក់សាំងកូវីដ-១៩ ប្រមាណ៣លានដូសធ្វើឡើង តាម រយៈអង្គការយូនីសេហ្វ និងអង្គការសុខភាពពិភពលោក ដើម្បីគាំទ្រដល់កិច្ច ខិតខំប្រឹងប្រែងរបស់រាជរដ្ឋាភិ បាលកម្ពុជា ក្នុងផែនការចាក់វ៉ាក់សាំងជូនប្រជាពលរដ្ឋក្នុងក្របខ័ណ្ឌទូទាំងប្រទេស។
លោក Andreas Zurbrugg បានបន្តថា ភាគីអូស្ត្រាលី ក៏បន្តគាំទ្រហិរញ្ញប្បទានបន្ថែម លើកម្មវិធីចំនួន២ ផ្សេងទៀត គឺកម្មវិធីលើកកម្ពស់គុណភាព និងសមភាពសុខាភិបាលដំណាក់កាលទី២ ដែលមានទឹកប្រាក់ប្រមាណ ៣០លានដុល្លារអូស្ត្រាលី (ជិត២២លានដុល្លារអាមេរិក) និងគម្រោងក្របខ័ណ្ឌគណនេយ្យភាពសង្គម ដំណាក់កាលទី២ ដែលមានទឹកប្រាក់ ប្រមាណ១៥លានដុល្លារអូស្ត្រាលី (ជាង១០លានដុល្លារអាមេរិក) សម្រាប់រយៈពេល៥ឆ្នាំខាងមុខ។
សម្រាប់ឆ្នាំ២០២១នេះ រដ្ឋាភិបាលអូស្ត្រាលី ក៏បានផ្តល់ហិរញ្ញប្បទាន ប្រមាណ៦៦លានដុល្លារអូស្ត្រាលី (ជាង៤៨លានដុល្លារអាមេរិក) ដើម្បីគាំទ្រដល់កម្មវិធីអភិវឌ្ឍន៍នៅកម្ពុជា ដោយផ្តោតលើវិស័យសន្តិសុខសុខាភិបាល ភាពធន់សេដ្ឋកិច្ច កសិកម្ម និងអប់រំ។ ទន្ទឹមនេះ ក៏បានរៀបចំកញ្ចប់ហិរញ្ញប្បទាន ប្រមាណ ៩០លានដុល្លារ អូស្ត្រាលីបន្ថែមទៀត (ជាង៦៥លានដុល្លារអាមេរិក) សម្រាប់រយៈពេល៥ឆ្នាំ ដែលនឹងអនុវត្តចាប់ពីឆ្នាំ២០២២ ដើម្បីគាំទ្រដល់ការអភិវឌ្ឍភាពធន់ វិស័យសេដ្ឋកិច្ចមានដូចជា៖ វិស័យពាណិជ្ជកម្ម និងវិនិយោគ, កសិកម្មនិងការកែច្នៃផលិតផលកសិកម្ម, ហេដ្ឋារចនាសម្ព័ន្ធ, និងបរិយាប័ន្នសង្គមនិងយេនឌ័រ។
លោក ឈៀង យ៉ាណារ៉ា បានថ្លៃងអំណរគុណដល់ រដ្ឋាភិបាលអូស្ត្រាលី ក្នុងការគាំទ្រកិច្ចអភិវឌ្ឍន៍សង្គម និងសេដ្ឋកិច្ចនៅកម្ពុជា ជាពិសេសផ្តល់វ៉ាក់សាំងការពារជំងឺកូវីដ-១៩ ដែលមានសុវត្តិភាពនិងប្រសិទ្ធភាពជូនប្រជាពលរដ្ឋកម្ពុជា៕
អត្ថបទ៖ សំអឿន
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ