រយៈពេល៧ថ្ងៃមានព្រះសង្ឃជាង ១០អង្គឆ្លងកូវីដ-១៩ និងជិត ១៦០អង្គធ្វើចត្តាឡីស័កនៅទូទាំងប្រទេស
Connect with us
Helistar Cambodia - Helicopter Charter Services

ព័ត៌មានជាតិ

រយៈពេល៧ថ្ងៃមានព្រះសង្ឃជាង ១០អង្គឆ្លងកូវីដ-១៩ និងជិត ១៦០អង្គធ្វើចត្តាឡីស័កនៅទូទាំងប្រទេស

បានផុស

នៅ

នៅក្នុងរយៈពេល៧ថ្ងៃនេះមានព្រះសង្ឃព្រះពុទ្ធសាសនានៅទូទាំងប្រទេសចំនួ១២អង្គនាក់បានឆ្លងជំងឺកូវីដ-១៩ និង ១៥៩អង្គទៀតកំពុងធ្វើចត្តាឡីស័ក។ 

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សេង សុមុនី អ្នកនាំពាក្យក្រសួងធម្មការ និងសាសនា បានមានប្រសាសន៍នៅថ្ងៃទី១៦ ខែកញ្ញានេះថា គិតចាប់ពីថ្ងៃទី៦ រហូតដល់ថ្ងៃទី១២ ខែកញ្ញា ឆ្នាំ២០២១កន្លងទៅនេះ មានព្រះព្រះពុទ្ធសាសនានៅទូទាំងប្រទេសចំនួន ១២អង្គបានឆ្លងជំងឺកូវីដ-១៩ ជាសះស្បើយចំនួន១២អង្គ កំពុងសម្រាកព្យាបាលជំងឺចំនួន៤អង្គ និងកំពុងធ្វើចត្តាឡីស័កចំនួន ១៥៩អង្គ។

លោក សេង សុមុនី បានបន្តថា ក្នុងចំណោមព្រះសង្ឃឆ្លង ១២អង្គនោះ នៅខេត្តសៀមរាបឆ្លង៦អង្គ ខេត្តតាកែវឆ្លង១អង្គ ខេត្តកណ្តាលឆ្លង៤អង្គ និងខេត្តបន្ទាយមានជ័យឆ្លង១អង្គ។ ចំណែកព្រះសង្ឃចំនួន៤អង្គកំពុងព្យាបាល នៅខេត្តតកែវ។

រីឯព្រះសង្ឃកំពុងធ្វើចត្តាឡីស័ក ១៥៩អង្គមាននៅ ខេត្តបន្ទាយមានជ័យចំនួន១១១អង្គ ខេត្តតាកែវចំនួន៤អង្គ ខេត្តកណ្តាលចំនួន៣៧អង្គ និងខេត្តសៀមរាបចំនួន១១អង្គ។ ដោយឡែកព្រះសង្ឃជាសះស្បើយមានចំនួន១២អង្គ ក្នុងនោះនៅភ្នំពេញ៨អង្គ និងខេត្តតាកែវចំនួន៤អង្គ។

លោក សេង សុមុនី បានបន្តទៀតថា មូលហេតុដែលបណ្តាលឱ្យព្រះសង្ឃឆ្លងជំងឺកូវីដ-១៩ គឺមានព្រះសង្ឃខ្លះបានឆ្លងពីក្មេងវត្តចេញទៅធ្វើជាកម្មករនៅខាងក្រៅ ហើយបានមកចម្លងជំងឺដល់ព្រះសង្ឃ និងព្រះសង្ឃខ្លះទៀតបានឆ្លងជំងឺកូវីដ-១៩ ពេលព្រះអង្គចេញនិមន្តបិណ្ឌបាត្រនៅខាងក្រៅ ដែលករណីទាំងនេះកើតនៅរាជធានីភ្នំពេញ។ ចំណែកព្រះសង្ឃតាមខេត្តឆ្លងជំងឺកូវីដ-១៩វិញ ភាគច្រើនព្រះអង្គបានចូលរួមពិធីបុណ្យទានផ្សេងៗ។

អ្នកនាំពាក្យក្រសួងធម្មការបានអំពាវនាវព្រះសង្ឃនិមន្តទៅចាក់វ៉ាក់សាំងការពារជំងឺកូវីដ-១៩ ឱ្យបានគ្រប់អង្គដើម្បីឱ្យមានភាពស៊ាំសំដៅទប់ស្កាត់ការឆ្លងរីករាលដាលជំងឺកូវីដ-១៩ ខណៈរហូតមកដល់ពេលនេះមានព្រះសង្ឃប្រមាណ ៥,០០០អង្គ នៅទូទាំងប្រទេសទទួលបានការចាក់វ៉ាក់សាំងការពារជំងឺកូវីដ-១៩ ក្នុងចំណោមព្រះសង្ឃជាង២ម៉ឺនអង្គ ដែលមានព្រះជន្មពី១៨ឆ្នាំឡើងទៅ។

បើតាមរបាយការណ៍របស់ក្រសួងធម្មការ និងសាសនាបានឱ្យដឹងថា ក្នុងរយៈពេល៦ខែ ឆ្នាំ២០២១នេះមានព្រះសង្ឃព្រះពុទ្ធសាសនាសរុប ២៣៩អង្គបានឆ្លងជំងឺកូវីដ-១៩ នៅទូទាំងប្រទេស ដែលភាគច្រើនជាព្រះសង្ឃគង់នៅវត្តក្នុងរាជធានីភ្នំពេញ៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

លោក ម៉ៅ ធនិន សន្យា​រៀប​ចំ​ប្រព័ន្ធ​លូ​បង្ហូរទឹក​កខ្វក់​នៅ​ផ្សារ​កំពង់ត្រាច ដើម្បី​បញ្ចៀស​ការ​ជន់​លិច​និង​ក្លិន​ស្អុយ

ព័ត៌មានជាតិ២ ម៉ោង មុន

បេសកកម្ម​ក្នុង​ការ​ទប់ស្កាត់​ទឹកជំនន់​សណ្តរ​ស្ទឹង​ព្រែក​ត្នោត ទទួល​បាន​លទ្ធផល​ជោគជ័យ អភិបាល​រាជធានី ថ្លែង​ការ​អរគុណ​និង​លើកទឹកចិត្ត កម្លាំង​ដែល​ចូលរួម

ព័ត៌មានជាតិ២ ម៉ោង មុន

សេចក្តីព្រាងច្បាប់ ដើម្បី​បង្កើត​ស្ថាប័ន​សិទ្ធិ​មនុស្សជាតិ ក្រោម​ដៃ​អង្គការ​សង្គម​ស៊ីវិល​រយៈពេល​១៥​ឆ្នាំ​អត់​ចេញ​ជា​រូបរាង

ព័ត៌មានជាតិ៣ ម៉ោង មុន

គ្រែ​ពេទ្យ​សម្រាក​ព្យាបាល​អ្នក​ជំងឺ​ចំនួន​៦គ្រឿង​ តម្លៃ​ស្មើ​ជាង​៦.០០០​ដុល្លារ​របស់​ក្រុមហ៊ុន​កាស៊ីណូ ដាយ​មិ​ន​ស៊ី​ធី ធ្វើការ​ឧបត្ថម្ភ​ដល់​អង្គភាព​អាវុធហត្ថ

ព័ត៌មានជាតិ៣ ម៉ោង មុន

រដ្ឋបាល​រាជធានី​នឹងធ្វើ​ការ​បិទ​ចរាចរ​លើ​កំណាត់​ផ្លូវ​មួយ​ចំនួន​នៅ​ក្បែរ​ការដ្ឋាន​សាងសង់​ស្ពាន​អាកាស​ថ្មើរជើង​សន្ធរម៉ុក ចាប់ពី​យប់​ថ្ងៃ​ទី​២៩ ដល់​យប់​ថ្ងៃទី​០២ ខែវិច្ឆិកា​

Sokha Hotels

ព័ត៌មានពេញនិយម

Helistar Cambodia - Helicopter Charter Services