ពលរដ្ឋខ្មែរ​ប្រយ័ត្ន​​ចាញ់បោក! អូស្ត្រាលីមិនទាន់ឱ្យគម្រោងទិដ្ឋាការ “កសិកម្ម” ថ្មី ទៅប្រទេសណាទេ
Connect with us
Helistar Cambodia - Helicopter Charter Services

ព័ត៌មានជាតិ

ពលរដ្ឋខ្មែរ​ប្រយ័ត្ន​​ចាញ់បោក! អូស្ត្រាលីមិនទាន់ឱ្យគម្រោងទិដ្ឋាការ “កសិកម្ម” ថ្មី ទៅប្រទេសណាទេ

បានផុស

នៅ

ស្ថានឯកអគ្គរាជទូតកម្ពុជាប្រចាំនៅប្រទេសអូស្ត្រាលី​​បានអះអាងថា ថ្មីៗនេះមានសារព័ត៌មាន បណ្តាញ​សង្គម ក្រុមហ៊ុនឯកជន និងបុគ្គលមួយចំនួន បានដើរបំផុសបំផុលផ្តល់ពត៌មានពុំច្បាស់​លាស់ និងបំភ្លៃការពិត ក្នុង​ចេតនាបោកប្រាស់ ក្នុងការជ្រើសរើសពលករខ្មែរមកធ្វើការនៅប្រទេសអូស្ត្រាលី (Australia) ក្រោមគម្រោងទិដ្ឋាការ “កសិកម្ម” ​ថ្មី​ (Australian Agriculture Visa) របស់ប្រទេសអូស្ត្រាលី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​ដើម្បីជៀសវាងការចាញ់បោកជនខិលខូចឆ្លៀតឱកាស ស្ថានទូតបញ្ជាក់ថា បច្ចុប្បន្ន​រដ្ឋាភិបាល​អូស្ត្រាលី តាមរយៈក្រសួងការបរទេស ក្រសួងមហាផ្ទៃ និងក្រសួងកសិកម្មអូស្ត្រាលី​ កំពុងពិភាក្សានៅឡើយ លើ​ការរៀបចំគម្រោងទិដ្ឋាការ “កសិកម្ម” ថ្មី ជាមួយនឹងការកំណត់លក្ខខ័ណ្ឌ​ផ្សេងៗ​ក្នុងការទទួលបានទិដ្ឋាការនេះ។

គម្រោងទិដ្ឋាការកសិកម្មថ្មីនេះ នឹងផ្ដល់ឱកាសដល់ពលរដ្ឋប្រទេសមួយចំនួននៅក្នុងតំបន់អាស៊ីអាចមកធ្វើការនៅប្រទេសអូស្ត្រាលី លើវិស័យមួយចំនួនរួមទាំង វិស័យឧស្សាកម្មកែច្នៃសាច់ (Agroature sector including meat processing) ជាមួយនឹងការផ្ដល់ឱកាសអាចស្នើសុំសិទ្ធរស់នៅអចិន្ត្រៃយ៍ ក្នុងករណី​ពលករនោះ បំពេញបាន​តាមលក្ខខ័ណ្ឌ និងមានតម្រូវការជាក់ស្តែងពីរដ្ឋាភិបាលអូស្ត្រាលី។ តាមគម្រោង​ទិដ្ឋាការថ្មីនេះ នឹងពិភាក្សាចប់សព្វ​គ្រប់នៅចុងខែកញ្ញា ឆ្នាំ​២០២១ ខាងមុខ។ ជាមួយគ្នានេះ រដ្ឋាភិបាលអូស្ត្រាលី នឹងធ្វើការពិភាក្សាចរចាទ្វេភាគី ជាមួយប្រទេសដៃគូរមួយចំនួននៅក្នុងតំបន់លើគម្រោងទិដ្ឋាការថ្មីនេះ។

ស្ថានទូត​បានបញ្ជាក់ផងដែរថា ក្រោមគោលការណ៍របស់រាជរដ្ឋាភិបាលកម្ពុជា ក្នុងការស្វែងរកទីផ្សារការងារជូនពលករខ្មែរ​កន្លងមក ស្ថានទូតបានខិតខំស្វះស្វែងរកទីផ្សារការងារជូនបងប្អូនខ្មែរទាំងនៅ​ប្រទេស​អូស្ត្រាលី ក៏ដូចជាប្រទេសនូវែលហ្សេឡង់ តាមរយៈការជួបពិភាក្សាជាមួយថ្នាក់ដឹកនាំរបស់រដ្ឋាភិបាល ប្រទេសនិមួយៗជាបន្តបន្ទាប់។ ចំពោះតម្រោងទិដ្ឋាការកសិកម្មថ្មីនេះ ក្រោមការណែនាំដ៏ខ្ពង់ខ្ពស់ពីថ្នាក់ដឹកនាំ​ក្រសួងការបរទេស និងសហប្រតិបត្តិការអន្តរជាតិ និងកិច្ចសហការគាំទ្រពីក្រសួងការងារ និងបណ្តុះបណ្តាលវិជ្ជាជីវៈកម្ពុជា ស្ថានទូត​បានត្រៀមខ្លួនជាស្រេចក្នុងការបន្តជួបចរចារកទីផ្សារការងារជូនពលរដ្ឋខ្មែរ​ជាមួយរដ្ឋាភិបាល​អូស្ត្រាលី។ ស្ថានទូត​បញ្ជាក់ជាថ្មីថា មកទល់ពេលនេះគម្រោងទិដ្ឋាការកសិកម្មនេះ កំពុងស្ថិត​ក្នុងដំណាក់​កាលរៀបចំនៅឡើយ ហើយរដ្ឋាភិបាលអូស្ត្រាលីនៅពុំទាន់សម្រេចថា នឹងផ្តល់​ទិដ្ឋាការប្រភេទនេះជូនកម្ពុជា ឬ​ប្រទេសណាមួយនៅឡើយទេ។ ហេតុនេះ ស្ថានទូតស្នើបងប្អូនប្រុងប្រយ័ត្នខ្ពស់​ចំពោះរាល់ការផ្សព្វផ្សាយព័ត៌​មានពីការជ្រើសរើស និងការ​បញ្ជូន​ពលករខ្មែរ​មកធ្វើការនៅប្រទេសអូស្ត្រាលី ដោយទីភ្នាក់ងារជ្រើសរើស បុគ្គល ឬអង្គភាពណាមួយ។

ជាមួយគ្នានោះ ស្ថានទូតបានប្រាប់ឱ្យប្រជាពលរដ្ឋ​ តាមដានព័ត៌មានផ្លូវការជុំវិញវឌ្ឍនភាពគម្រោងទិដ្ឋាការកសិកម្មថ្មីនេះ នៅលើគេហទំព័រផ្លូវការ​របស់ក្រសួងការបរទេស និងសហប្រតិបត្តិការអន្តរជាតិកម្ពុជា ស្ថានទូតកម្ពុជាប្រចាំប្រទេសអូស្ត្រាលី (https:// www.emb​ass​yofcambodi.ogr) ឬក្រសួងការងារ និងបណ្តុះបណ្តាលវិជ្ជាជីវៈកម្ពុជា​៕

អត្ថបទ៖ កោះកែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ៧ នាទី មុន

តារាចម្រៀង រតនៈ វិសាល មានទុក្ខ​ធំ​ព្រោះ​ម្តាយ​ទទួលមរណភាព

នយោបាយ៣១ នាទី មុន

គ​.​ជ​.​ប ប្រាប់​ឲ្យ​ដឹង​ពី​លទ្ធផល នៃ​ការពិនិត្យ​បញ្ជី​ឈ្មោះ និង​ការចុះឈ្មោះ​បោះឆ្នោត ឆ្នាំ​២០២១ សម្រាប់​ថ្ងៃទី​៩

ព័ត៌មានជាតិ៥៦ នាទី មុន

សប្តាហ៍​ក្រោយ រដ្ឋសភា​នឹង​បើក​កិច្ចប្រជុំ អនុម័ត​សំណើសុំ​ធ្វើ​វិសោធនកម្ម​រដ្ឋធម្មនុញ្ញ ដើម្បី​កំណត់​សញ្ជាតិ​របស់​ថ្នាក់ដឹកនាំ​កំពូលៗ

ព័ត៌មានជាតិ១ ម៉ោង មុន

ក្រសួង​អប់រំ​ប្រកាស​បើក​ដំណើរការ​សិក្សា​គ្រប់​កម្រិត​នៅ​ទូទាំងប្រទេស​ចាប់ពី​ថ្ងៃទី​១​វិច្ឆិកា​

ជីវិតកម្សាន្ដ២ ម៉ោង មុន

ស្នាដៃ​ភាពយន្ត​ល្បីៗ​ចំនួន​២​របស់​លោកតា ហ្វុ​យ ស្សូ ធ្លាប់​បាន​ប្រកួត​នៅលើ​ឆាក​អន្តរជាតិ​

Sokha Hotels

ព័ត៌មានពេញនិយម

Helistar Cambodia - Helicopter Charter Services