ព័ត៌មានជាតិ
អាជ្ញាធរស្ថាបនាទំនប់ស្ទាក់ទឹក អូរតាង៉យ សម្រាប់ទុកឲ្យពលរដ្ឋ រស់នៅតំបន់នោះប្រើប្រាស់
អាជ្ញាធរខេត្តស្ទឹងត្រែង រួមជាមួយស្ថាប័នជំនាញ និងអង្គការដៃគូពាក់ព័ន្ធ នៅថ្ងៃទី១៦ ខែកញ្ញាម្សិលមិញ បានចុះសិក្សាទីតាំងស្ថាបនាទំនប់ស្ទាក់ទឹក (អូរតាង៉យ) សម្រាប់បងប្អូនជនជាតិព្រៅ កំពុងរស់នៅភូមិការតូត ឃុំកំភុន ស្រុកសេសាន ក្នុងពេលដែលពួកគាត់ប្រឈម និងការខ្វះខាតទឹកស្អាតប្រើប្រាស់។
លោក ជា ថាវរិទ្ធ អភិបាលរងខេត្តស្ទឹងត្រែង មានប្រសាសន៍ថា នេះជាការដោះស្រាយបញ្ហាចំពោះមុខ ដើម្បីជួយបងប្អូនជនជាតិព្រៅ ឱ្យមានទឹកប្រើប្រាស់គ្រប់គ្រាន់ និងសម្រាប់ស្រោចស្រប់ដំណាំកសិកម្មផង ហើយពេលស្ថាបនាទំបន់ទឹកនេះរួច វាអាចក្លាយទៅជាតំបន់រមនីយដ្ឋានទេសចរណ៍ បានបន្ថែមទៀត។
លោកអភិបាលរងបន្តថា យុទ្ធសាស្ត្រនេះ សូមឱ្យក្រុមការងារ ធ្វើប្រឹក្សាយោបល់ផ្ទាល់ ជាមួយអាជ្ញាធរមូលដ្ឋាន រួមគ្នាដោះស្រាយបញ្ហាផលប៉ះពាល់ ដូចជាផលដំណាំ ដីកសិកម្មរបស់ប្រជាពលរដ្ឋ ដើម្បីធ្វើឱ្យការស្ថាបនាទំបន់ទឹកនេះសម្រេចទៅបានឆាប់រហ័ស។
លោក សុវណ្ណ ពិសេដ្ឋ អភិបាលស្រុកសេសាន បានសាទរ ចំពោះអង្គការឆេន ប្រចាំនៅខេត្តស្ទឹងត្រែង បានចាប់ដៃគូជួយអភិវឌ្ឍន៍ សមិទ្ធផលក្នុងស្រុកសេសាន ហើយអាជ្ញាធរ និងចូលរួមថវិកាជាបដិភាគជួយគ្នា ដើម្បីធ្វើឱ្យគម្រោងស្ថាបនាទំនប់ស្ទាក់ទឹកសម្រេចទៅបាន តាមការគ្រោងទុក។
លោក វ៉ាន់ វែង តំណាងឱ្យប្រជាពលរដ្ឋជនជាតិព្រៅ នៅភូមិការតូត បានបញ្ជាក់ថា ទំបន់ស្ទាក់ទឹកនេះបងប្អូនជនជាតិចង់បានយូរមកហើយ តែគ្មានលទ្ធភាពធ្វើទៅបានទេ ព្រោះត្រូវចំណាយធនធានច្រើន។ លោកបន្តថា ទឹកអូរតាង៉យនេះ ជាប្រភពទឹកធម្មជាតិ ហូរចេញពីចង្កេះភ្នំមក ហើយបងប្អូនជនជាតិ និយមប្រើប្រាស់ទឹកអូរនេះជាប្រចាំ ទាំងការដាំស្ល-បោកគក់-ងូត-និងស្រោចស្រប់ដំណាំកសិកម្មផងដែរ។
សូមបញ្ចាក់ថា (អូរតាង៉យ) ជាទីតាំងបងប្អូនជនជាតិព្រៅ ធ្លាប់យកទឹកមកប្រើប្រាស់ តាំងពីដើមតរៀងមក ព្រោះជាប្រភពទឹកធម្មជាតិ មានទាំងរដូវប្រាំង និងរដូវវស្សា ហូរធ្លាក់មកពីជើងភ្នំការតូតនិងភ្នំនាងតែង អំណោយល្អ សម្រាប់បម្រើឱ្យជីវភាពប្រចាំថ្ងៃ និងស្រោចស្រប់ដំណាំកសិកម្មផងដែរ៕
អត្ថបទ៖ ងិន លីម
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង