ព័ត៌មានជាតិ
កុមារា វិរះបុត្រ លើកដៃសំពះ អរគុណសម្តេចតេជោ ដែលបានស្វែងរកវ៉ាក់សាំង មកចាក់ដល់រូបខ្លួន និងកុមារដទៃទៀត
កុមារា អ៊ុន ច័ន្ទវិរះបុត្រ អាយុ៦ឆ្នាំ រស់នៅភូមិអូរអណ្តូង សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ ខណៈកំពុងឈរតម្រង់ជួរ ត្រៀមចូលចាក់ថ្នាំការពារជំងឺកូវីដ-១៩ បានលើកដៃសំពះ និងគោរពអរគុណដល់សម្ដេចតេជោ ហ៊ុន សែន ដែលបានស្វែងរកវ៉ាក់សាំង មកចាក់ដល់កុមារៗ ដើម្បីឲ្យបានគេចផុត ពីជំងឺកាចសាហាវកូវីដ-១៩នេះ។
ជួបជាមួយភ្នាក់ងារកម្ពុជាថ្មី នៅមន្ទីរពេទ្យបង្អែកខណ្ឌច្បារអំពៅ នាព្រឹកថ្ងៃទី១៨ ខែកញ្ញានេះ កុមារ អ៊ុន ច័ន្ទវិរះបុត្រ បានប្រាប់ថា មូលហេតុដែលចៅលើកដៃសំពះនេះ គឺដឹងគុណដល់សម្តេចតេជោ ហ៊ុន សែន ដែលសម្តេចបានស្វែងរកវ៉ាក់សាំង មកចាក់ដល់ប្រជាពលរដ្ឋទូទាំងប្រទេស រហូតមកដល់កុមារចាប់ពីអាយុ ៦ឆ្នាំ ដល់ក្រោម ១២ឆ្នាំដែលមានរូបខ្លួនម្នាក់ផងដែរ។
កុមារ អ៊ុន ច័ន្ទវិរះបុត្រ បានបញ្ជាក់ថា រូបខ្លួនមកចាក់វ៉ាក់សាំងនៅថ្ងៃនេះ គឺដោយស្ម័គ្រចិត្ត គ្មានការបង្ខិតបង្ខំពីឪពុក-ម្តាយឡើយ។ វិរះបុត្រ ជឿជាក់ថា បើបានចាក់វ៉ាក់សាំងការពារជំងឺកូវីដ-១៩ រូបគេ និងកុមារដទៃទៀត នឹងបានចូលរៀន នៅសាលារៀនឡើងវិញ ដែលពួកគេខានបានរៀនជាច្រើនខែមកហើយ។
ដោយឡែកម្តាយបង្កើត របស់កុមារ អ៊ុន ច័ន្ទវិរះបុត្រ បានប្រាប់ឲ្យដឹងថា គ្រាន់តែឮប្រសាសន៍សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ថ្លែងក្នុងទូរទស្សន៍ដោយអនុញ្ញាត ឲ្យកុមារចាប់ពីអាយុ ៦ឆ្នាំ ដល់ក្រោម ១២ឆ្នាំ អាចចាក់វ៉ាក់សាំងរួច មកស្រាប់តែកុមារ អ៊ុន ច័ន្ទវិរះបុត្រ លើកដៃសំពះលោកតា សម្ដេចតេជោ មុខកញ្ចក់ទូរទស្សន៍ភ្លាមៗ។ ដូច្នេះវិរះបុត្រ និងមិត្តភក្រ័ សុទ្ធតែចង់បានការចាក់ថ្នាំវ៉ាក់សាំង ការពារជំងឺកូវីដ-១៩គ្រប់ៗគ្នា។
អ្នករៀបចំ សម្របសម្រួលរាល់ឯកសារនានា នៅមន្ទីរពេទ្យបង្អែក ខណ្ឌច្បារអំពៅ លោក លី ហួត បានប្រាប់ថា កម្មវិធីចាក់ថ្នាំវ៉ាក់សាំង គឺចាប់ផ្តើមពីម៉ោង ៨ព្រឹក រហូតដល់ម៉ោង ៥ល្ងាច ដោយសម្រាកតែពេលលោក-អ្នកគ្រូពេទ្យ ទទួលទានអាហារប៉ុណ្ណោះ៕
អត្ថបទ៖ នរា
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត