ព័ត៌មានជាតិ
សមត្ថកិច្ច ក្រុងប៉ោយប៉ែត ឃាត់ខ្លួនជនសង្ស័យ ៣នាក់ ពាក់ព័ន្ធនឹងករណីគ្រឿងញៀន
២នាក់ប្តី-ប្រពន្ធ ដែលធ្វើសកម្មភាពលក់គ្រឿងញៀនយ៉ាងសកម្ម នៅក្រុងប៉ោយប៉ែត និងបុរសម្នាក់ទៀត ដែលជាអ្នកប្រើប្រាស់ ត្រូវបានកងកម្លាំងនគរបាល ក្រុងប៉ោយប៉ែតឃាត់ខ្លួនបាន នៅវេលាម៉ោង២ និង៣០នាទី រសៀលថ្ងៃទី១៧ ខែកញ្ញា ឆ្នាំ២០២១ នៅចំណុចបន្ទប់ជួលមួយកន្លែង ស្ថិតនៅភូមិបាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
ដោយអនុវត្តតាមបទបញ្ជា របស់លោកឧត្តមសេនីយ៍ទោ សិទ្ធិ ឡោះ ស្នងការនគរបាល ខេត្តបន្ទាយមានជ័យ លោកវរសេនីយ៍ឯក សៅ សារឿន អធិការនគរបាល ក្រុងប៉ោយប៉ែត បានដឹកនាំកម្លាំងជំនាញ ការិយាល័យប្រឆាំងគ្រឿងញៀន ក្រុងប៉ោយប៉ែត ចុះឃាត់ខ្លួនជនសង្ស័យ បានចំនួន ៣នាក់។ ក្នុងនោះមានប្តី និងប្រពន្ធ ២នាក់ និងអ្នកប្រើប្រាស់ម្នាក់ទៀត។
ជនសង្ស័យទាំង ៣នាក់នោះ រួមមាន៖ ១-ឈ្មោះ ចាន់ គីម ភេទស្រី អាយុ ៣៣ឆ្នាំ មុខរបរ មិនពិតប្រាកដ។ ២-ឈ្មោះ ឆន សារ៉ាក់ ភេទប្រុស អាយ៤២ឆ្នាំ មុខរបរកម្មករលើកគីបខោអាវ (ជាប្តីប្រពន្ធ) មុខសញ្ញាជួញដូរ។ ៣ -ឈ្មោះ ឆួម សៀង ភេទប្រុស អាយុ៣១ឆ្នាំ នៅភូមិបាលិលេយ្យ សង្កាត់ប៉ោយប៉ែត ក្រុងប៉ោយប៉ែត ជាអ្នកប្រើប្រាស់។
លោកវរសេនីយ៍ឯក សៅ សារឿន បានឲ្យដឹងទៀតថា កងកម្លាំងនគរបាលរបស់លោក បានបង្ក្រាបដកហូតវត្ថុតាងរួមមាន៖ ម្សៅក្រាមពណ៌សថ្លាចំនួន ៣កូនថង់តូច ទម្ងន់ស្មើ៦.០៩ក្រាម ថ្លឹងទាំងសំបក, ថ្នាំប្រភេទគ្រាប់ពណ៌ក្រហមចំនួន ៦០គ្រាប់, ដែកកេះ២, សំបកថង់មួយចំនួន, និងបំពង់បឺតមួយចំនួនទៀត។
សមត្ថកិច្ចជំនាញ បានបញ្ជូនជនសង្ស័យទាំង៣នាក់ និងវត្ថុតាងខាងលើ ទៅសាលាដំបូងខេត្តបន្ទាយមានជ័យ នៅថ្ងៃទី១៨ ខែកញ្ញា ឆ្នាំ២០២១នេះ ដើម្បីចាត់ការតាមផ្លូវច្បាប់៕
អត្ថបទ៖ វ៉ាន់ ណាង
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៣ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល