ព័ត៌មានជាតិ
បុរសបែកថ្នាំ ដុតផ្ទះខ្លួនឯង ទាំងកណ្ដាលរាត្រី បណ្ដាលឱ្យ លោកយាយវ័យ ៨០ ឆ្នាំ ស្លាប់ក្នុងភ្នក់ភ្លើង
អាជ្ញាធរសង្កាត់ស្ទឹងមានជ័យ បានឱ្យដឹងថា ហេតុការណ៍អគ្គិភ័យ បង្កដោយចៅប្រុសញៀនថ្នាំម្នាក់ បានដុតផ្ទះខ្លួនឯង បណ្ដាលឱ្យលោកយាយ ៨០ ឆ្នាំបានស្លាប់នៅក្នុងផ្ទះ។
ហេតុការណ៍នេះបានកើតឡើងកាលពីវេលាម៉ោង ១២៖ ៤៥នាទីយប់ រំលងអាធ្រាតឈានចូលថ្ងៃទី ២០ ខែកញ្ញា ស្ថិតនៅភូមិដំណាក់ធំ ៤ សង្កាត់ស្ទឹងមានជ័យ ខណ្ឌមានជ័យរាជធានីភ្នំពេញ។ លោកយាយដែលស្លាប់នោះមានឈ្មោះ រស់ ហឹមយ៉ា អាយុ ៨០ ឆ្នាំ។ ចំណែកបុរសជនបង្កដែលត្រូវជាចៅ សមត្ថកិច្ចអះអាងថាបែកថ្នាំ ឈ្មោះ វូ ម៉ានមាន អាយុ៣៣ឆ្នាំ។
លោក សេង វ៉ាន់ថា ចៅរងទី១ សង្កាត់ស្ទឹងមានជ័យ២ បានឱ្យដឹងថា ករណីអគ្គិភ័យនេះបង្កឡើងដោយចៅប្រុសម្ចាស់ដែលជាជនបែកថ្នាំ។ ហើយផ្ទះដែលរងការបំផ្លាញដោយអគ្គិភ័យ មានធ្វើពីថ្មក្រោមឈើលើមានទំហំ ៨ ម៉ែត្រគុណ១៥ម៉ែត្រ ហើយក៏ពុំបណ្តាលឱ្យឆេះរាលដាលដល់ផ្ទះអ្នកជិតខាងឡើយ។
ក្នុងនោះមានរថយន្តពន្លត់អគ្គិភ័យចំនួន៥គ្រឿងបានចុះទៅអន្តរាគមន៍ឱ្យរលត់ដោយប្រើពេលប្រមាណ ៣០ នាទីដោយឡែកចៅប្រុសជាជនបង្កក៏ត្រូវបានចាប់ខ្លួនផងដែរ។
លោកសេង វ៉ាន់ថា បានបញ្ជាក់ទៀតថាចៅដែលជាជនបែកថ្នាំនេះត្រូវបានក្រុមគ្រួសារយកទៅមណ្ឌលបន្សាបគ្រឿងញៀនចំនួន២ដងមកហើយប៉ុន្តែនៅតែមិនអាចជាសះស្បើយដូចដើម៕
អត្ថបទ៖ នរា
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៨ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ