ព័ត៌មានជាតិ
តាមវត្តអារាម នឹងដាក់គ្រូពេទ្យត្រៀមជួយសង្គ្រោះបន្ទាន់ ពេលភ្ជុំបិណ្ឌ
មន្ទីរសុខាភិបាលខេត្តកំពង់ចាម នឹងដាក់ពង្រាយក្រុមគ្រូពេទ្យនៅតាមទីវត្តអារាមនានាដើម្បីត្រៀមជួយសង្គ្រោះប្រជាពលរដ្ឋក្នុងពិធីបុណ្យកាន់បិណ្ឌនិងភ្ជុំបិណ្ឌ ដែលនឹងឈានចូលមកដល់នៅថ្ងៃទី២២ខែកញ្ញាឆ្នាំ២០២១ខាងមុខនេះ។
លោកវេជ្ជបណ្ឌិត គឹមសួរ ភីរុណ ប្រធានមន្ទីរសុខាភិបាលខេត្តកំពង់ចាមបានមានប្រសាសន៍នៅថ្ងៃទី២០កញ្ញានេះថា មន្ទីរបានណែនាំឱ្យមណ្ឌលសុខភាពនៅតាមឃុំនីមួយៗ ចាត់គ្រូពេទ្យចំនួន២នាក់ដើម្បីដាក់ប្រចាំការនៅតាមវត្តអារាមនីមួយៗ ដើម្បីត្រៀមជួយសង្គ្រោះប្រជាពលរដ្ឋដែលមានជំងឺស្រាលៗ ពេលទៅធ្វើបុណ្យទាននៅតាមវត្តនិងផ្សព្វផ្សាយ ពីវិធានការបង្ការការពារជំងឺកូវីដ១៩ដល់ប្រគេនព្រះសង្ឃ ពុទ្ធបរិស័ទ ដើម្បីទប់ស្កាត់ជំងឺដ៏កាចសាហាវនេះកុំឱ្យឆ្លងក្នុងសហគមន៍ផងដែរ។
ថ្មីៗនេះ រដ្ឋបាលខេត្តកំពង់ចាម ក៏បានណែនាំឱ្យមន្ទីរសុខាភិបាលខេត្តពិនិត្យលទ្ធភាព ក្នុងការរៀបចំឱ្យក្រុមគ្រូពេទ្យសម្រាប់ដាក់ប្រចាំការនៅតាមវត្តអារាម ដើម្បីសហការជាមួយព្រះចៅអធិការវត្តនីមួយៗ។
ជាមួយគ្នានេះដែរ ក៏បានណែនាំឱ្យគ្រប់វត្តអារាមត្រូវរៀបចំឱ្យមានការវាស់កំដៅ បាញ់អាល់កុលលាងដៃ ឬជែលដែលនៅមុខច្រកចេញ-ចូលសាលាចាន់ ព្រះវិហារ និងកុដិជាដើម។ក្នុងនោះមិនអនុញ្ញាតឱ្យពុទ្ធបរិស័ទដែលមិនពាក់ម៉ាស់ដែលយកចង្ហាន់ទៅប្រគេនព្រះសង្ឃចូល ក្នុងបរិវេណវត្តអារាម ព្រះវិហារ សាលាឆាន់ និងកុដិឡើយ។ មិនអនុញ្ញាតឱ្យពុទ្ធបរិស័ទនៅបង្អែបង្អង់ ជួបជុំសំណេះសំណាល ដើម្បីទុកពេលនិងផ្តល់ទីកន្លែងឱ្យពុទ្ធបរិស័ទផ្សេងបន្តនិងដើម្បីកាត់បន្ថយជាអតិបរិមាក្នុងការចម្លងជំងឺកូវីដ១៩។
ត្រូវរៀបចំចំនួនព្រះសង្ឃ តាជីយាយាជី និងពុទ្ធបរិស័ទមិនឱ្យលើសចំនួនពី២០នាក់ឡើយនិងនឹងរៀបចំគម្លាតសុវត្ថិភាពទៅតាមវិធានសុខាភិបាលសម្រាប់វេរចង្ហាន់ បង្សុកូល និងឧទ្ទិសកុសលតាម កិច្ចការសាសនា។
រដ្ឋបាលខេត្តកំពង់ចាមបានអំពាវនាវ និងលើកទឹកចិត្ត បងប្អូនពុទ្ធបរិស័ទ ចូលរួមធ្វើបុណ្យ តាមគន្លងប្រពៃណី នៅតាមទីវត្តអារាមនៅក្នុងមូលដ្ឋានដែលខ្លួនរស់នៅជៀសវាងទៅ ចូលរួមពិធីបុណ្យនៅមូលដ្ឋានផ្សេងក្រៅពីតំបន់រស់នៅដែលបង្កហានិភ័យខ្ពស់ក្នុងការ ចម្លង និងការឆ្លងរីករាលដាលនៃជំងឺកូរីដ-១៩ ពីសហគមន៍មួយទៅសហគមន៍មួយ។
ទន្ទឹមនឹងនេះបងប្អូនប្រជាជន ពិសេសក្រុមគ្រួសារដែលមានសមាជិកគ្រួសារជាក្រុមប្រឈម ខ្ពស់កំពុងស្នាក់នៅរួមគ្នា ដូចជាចាស់ជរា អ្នកមានជំងឺរ៉ាំរ៉ៃ កុមាសូមជួយអប់រំណែនាំដល់ កូនចៅ សាច់សារលោហិត ដែលបានចេញ ទៅរស់នៅ ឬប្រកបរបអាជីវកម្មនៅខេត្តផ្សេងៗគ្នាសូមជៀសវាងការមកជួបជុំ ប្រមូលផ្តុំ ជាមួយសមាជិកក្រុមគ្រួសារ ដើម្បីកាត់បន្ថយឱកាស នៃការចម្លងមេរោគកូវីជ-១៩ នៅតាមមូលដ្ឋានរបស់ខ្លួន។
គួរបញ្ជាក់ថាពិធីបុណ្យកាន់បិណ្ឌ និងភ្ជុំបិណ្ឌឆ្នាំនេះនឹងប្រព្រឹត្តិទៅចាប់ពីថ្ងៃទី២២ខែកញ្ញារហូតដល់៦ ខែតុលា ឆ្នាំ២០២១ខាងមុខ៕
អត្ថបទ៖ សំអឿន
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៣ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល