ព័ត៌មានជាតិ

ស្ត្រីវិជ្ជមានកូវីដសម្រាលកូនភ្លោះដោយជោគជ័យ

បានផុស

៣ years មុន

នៅ

ថ្ងៃចន្ទ ២០ កញ្ញា ២០២១

ដោយ

ស្ត្រីដែលវិជ្ជមានជំងឺកូវីដ-១៩បានសម្រាលកូនភ្លោះដោយជោគជ័យ ក្រោមការយកចិត្តទុកដាក់ពីសំណាក់ក្រុមយុទ្ធជនអាវស ផ្នែកសម្ភពនៅមន្ទីរពេទ្យជ័យវរ្ម័នទី៧(គន្ធបុប្ផាទី៣)។

នៅលើគណនីហ្វេសប៊ុកលោកវេជ្ជបណ្ឌិត ប៊ីត រិចន័រ ដែលជាស្ថាបនិកមន្ទីរគន្ធបុប្ផាបានបង្ហោះឲ្យដឹងដឹងថានៅថ្ងៃសៅរ៍ទី១៨ ខែកញ្ញា ឆ្នាំ២០២១ ស្ត្រីមានផ្ទៃពោះគ្រប់ខែអាយុ៣៥ឆ្នាំវិជ្ជមានកូវីដ-១៩សម្រាលកូនភ្លោះតាមធម្មជាតិ សម្រាលបានកូនប្រុសទី១ ទម្ងន់ ២,៨គីឡូ និងកូនប្រុសទី២ ទម្ងន់៣,១ គីឡូ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិតបន្តថា សូមអរគុណនិងកោតសរសើរដល់ក្រុមគ្រូពេទ្យយុទ្ធជនអាវស ផ្នែកសម្ភព នៅមន្ទីរពេទ្យជ័យវរ្ម័នទី៧(គន្ធបុប្ផាទី៣)ដែលបានជួយសម្រាលកូនរបស់គាត់ប្រកបដោយជោគជ័យ ។

លោកវេជ្ជបណ្ឌិតបន្ថែមថា រាល់ការព្យាបាលទាំងអស់ គឺឥតគិតថ្លៃសម្រាប់គ្រប់ៗគ្នាដោយគ្មានការរើសអើង រាល់ការបរិច្ចាគតូចឬធំគឺពិតជាបានជួយព្យាបាលសង្គ្រោះ និងការពារជីវិត។ អរគុណគន្ធបុប្ផា អរគុណមូលនិធិគន្ធបុប្ផាកម្ពុជា-មូលនិធិគន្ធបុប្ផាស្វីសតាំងពីឆ្នាំ១៩៩២៕

អត្ថបទ៖ ចាន់រ៉ា