ព័ត៌មានជាតិ
អាជ្ញាធរខេត្តបន្ទាយមានជ័យជម្លៀសពលរដ្ឋ៨០គ្រួសារពីជំនន់ទឹកភ្លៀង
ប្រជាពលរដ្ឋ៣ភូមិមានចំនួន៨០គ្រួសារត្រូវបានអាជ្ញាធរជម្លៀសចេញពីជំនន់ទឹកភ្លៀងមកទីទួលសុវត្ថិភាពទាន់ពេលវេលាហើយមានការដោះស្រាយស្បៀងអាហារប្រចាំថ្ងៃជួយដល់ពួកគាត់ទៀតផង។
សូមបញ្ជាក់ដែរថា ចាប់ពីថ្ងៃទី១៩ មកដល់ថ្ងៃ២១ ខែកញ្ញា ឆ្នាំ២០២១ នេះ មានជំនន់ទឹកភ្លៀងបានហក់ឡើងខ្ពស់បំផុតធ្វើឲ្យអាជ្ញាធរសម្រេចចិត្តរួមគ្នាជួយជម្លៀសប្រជាពលរដ្ឋដែរនៅតាមអូរព្រំដែនកម្ពុជាថៃ មកទីទួលសុវត្ថិភាពជាបន្តបន្ទាប់។
ចំពោះពលរដ្ឋរងគ្រោះចំនួន៨០គ្រួសារមកពីភូមិចំនួន៣ ក្នុងនោះរួមមានភូមិក្បាលកោះ២៧គ្រួសារ ភូមិប៉ោយប៉ែត៤៤គ្រួសារ និងភូមិគីឡូម៉ែត្រលេខ ក្នុងសង្កាត់ផ្សារកណ្ដាលចំនួន១៩ គ្រួសារ ដែលស្ថិតនៅក្រុងប៉ោយប៉ែត ខេត្តបន្ទាយមានជ័យ។
សូមបញ្ជាក់ដែរថា នៅព្រឹកថ្ងៃទី២១ ខែកញ្ញា ឆ្នាំ២០២១ នេះ លោក អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ បាននាំយកស្បៀងអាហារដូចជាអង្ករ ទឹកត្រីមួយចំនួន ចែកជូនដល់ពលរដ្ឋដែលកំពុងរស់នៅលើទីទួលសុវត្ថិភាពដើម្បីឲ្យពលរដ្ឋរបស់យើងបានស្បៀងអាហារដោះស្រាយជីវភាពប្រចាំថ្ងៃជាបណ្ដោះអាសន្ន និងមានអំណោយផ្សេងមកជូនដល់ពួកគាត់បន្ថែមទៀតនាពេលខាងមុខនេះ។
លោក អ៊ុំ រាត្រី បានបញ្ជាក់ប្រាប់ពលរដ្ឋថា សូមបងប្អូនរស់នៅលើទីទួលសុវត្ថិភាពមួយរយៈខ្លីសិន តែធ្វើយ៉ាងណាបងប្អូនត្រូវរក្សាគម្លាតអោយឆ្ងាយពីគ្នា និងអនុវត្តឲ្យបានល្អទៅតាមវិធានការរបស់ក្រសួងសុខាភិបាលគឺ ៣កុំនិង៣ការពារ អោយបានជាប់បំផុត។ លោកបានបន្តទៀតថា បើសិនជាបងប្អូនមានការមិនស្រួលខ្លួន ឬយ៉ាងណានោះ សូមទាក់ទងទៅមន្ទីរពេទ្យឬអាជ្ញាធរដែលនៅក្បែរខ្លួនដើម្បីងាយស្រួលឲ្យគេដោះស្រាយជួយទាន់ពេលវេលា។ ចំពោះស្បៀងអាហារដែលអាជ្ញាធរយកមកនាពេលនេះ លោកក៏បានបញ្ជាក់ដែរថា បងប្អូនយកអង្ករនិងទឹកត្រីដើម្បីដោះស្រាយជីវភាពប្រចាំថ្ងៃជាបណ្ដោះអាសន្នតែប៉ុណ្ណោះ យើងមានអំណោយផ្សេងៗជាច្រើនទៀតតែធ្វើយ៉ាងណាបងប្អូនត្រូវតែចូលរួមថែរក្សាអនាម័យសុខភាពឱ្យបានដិតដល់បំផុតដើម្បីជៀសវាងឲ្យបាននូវមេរោគផ្សេងៗមកចូលក្នុងខ្លួនរបស់យើង៕
អត្ថបទ៖ ពៅរិ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ