ព័ត៌មានជាតិ

យកសំណាកមនុស្ស ១៤២នាក់ នៅផ្សារក្រមួន ភូមិឬស្សី បន្ទាប់ពីអ្នកជំងឺកូវីដបំប្លែងថ្មី ចូលទៅទិញម្ហូប

បានផុស

២ years មុន

នៅ

ថ្ងៃអង្គារ ២១ កញ្ញា ២០២១

ដោយ

បន្ទាប់ពីទទួលព័ត៌មានថា មានអ្នកជំងឺបំប្លែងខ្លួនថ្មីម្នាក់ បានចូលទៅទិញម្ហូប នៅក្នុងផ្សារក្រមួន ភូមិឬស្សី ស្ថិតក្នុងសង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ រួចមកក្រុមគ្រូពេទ្យស្ម័គ្រចិត្តសម្តេចតេជោ បានចុះទៅយកសំណាកដល់បងប្អូនអាជីវករភ្លាមៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីរាយការណ៍ពីលោក សេង វ៉ាន់ថា ចៅរងទី១សង្កាត់ស្ទឹងមាន២ បានឲ្យដឹងថា កាលពីវេលាម៉ោង៩និង១៥នាទីព្រឹក ថ្ងៃទី២១ ខែកញ្ញានេះ ក្រុមគ្រូពេទ្យស្ម័គ្រចិត្តសម្តេចតេជោ បានចុះទៅយកសំណាកដល់បងប្អូនអាជីវករ និងអ្នកចូលផ្សារក្រមួន ភូមិឬស្សី សង្កាត់ស្ទឹងមានជ័យ២ បន្ទាប់ពីមានអ្នកកើតជំងឺកូវីដ១៩ បំប្លែងខ្លួនថ្មី បានចូលទៅទិញបន្លែត្រីសាច់ នៅផ្សារក្រមួននេះ។

លោកចៅរង បានបញ្ជាក់ចំពោះការចុះមកយកសំណាក ពីមនុស្សក្នុងផ្សារសរុប១៤២នាក់ ក្នុងនោះមានស្រី១០១ ប្រុស៤១នាក់ ជាលទ្ធផលរកឃើញអ្នកកើតជំងឺកូវីដបំប្លែងខ្លួនថ្មីម្នាក់ ជាស្ត្រីឈ្មោះ ទីម ស្រីមុំ អាយុ៣៧ឆ្នាំ ស្នាក់នៅបន្ទប់ជួលលេខ១២កា ភូមិដំណាក់ធំ២ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ ហើយត្រូវបានក្រុមគ្រូពេទ្យដឹកយកទៅព្យាបាលនៅមជ្ឈមណ្ឌលម៉ូឌែន២ភ្លាមៗផងដែរ។

លោក សេង វ៉ាន់ថា បានបញ្ជាក់ថា មុនដំបូងអាជ្ញាធរមានក្តីបារម្ភថា នឹងមានអ្នកឆ្លងជំងឺនេះច្រើន តែទីបំផុតមានតែម្នាក់ ក្នុងចំណោមមនុស្ស១៤២នាក់នេះ គឺដោយសារតែប្រជាពលរដ្ឋយើងបានទទួលការចាក់វ៉ាក់សាំងការពារជំងឺកូវីដ១៩ បានគ្រប់ៗគ្នាទៅហើយនោះ៕

អត្ថបទ៖ នរា

Related Topics:ខណ្ឌមានជ័យ