ព័ត៌មានជាតិ
៦ខែឆ្នាំនេះមានកម្មករជាង១ពាន់នាក់ស្លាប់និងរបួសដោយសារគ្រោះថ្នាក់ចរាចរណ៍ថយចុះជាង៥០ភាគរយ
នៅក្នុងរយៈពេល៦ខែ ឆ្នាំ២០២១នេះ មានកម្មករនិយោជិតក្នុងវិស័យកាត់ដេរសម្លៀកបំពាក់ និងស្បែកជើងចំនួន១.៣៣៣នាក់ បានស្លាប់និងរងរបួសដោយសារគ្រោះថ្នាក់ចរាចរណ៍ថយចុះជាង៥០ភាគរយ។
ថ្លែងក្នុងវេទិកាស្តីពីការលើកកម្ពស់សុវត្ថិភាពចរាចរណ៍ផ្លូវគោកសម្រាប់កម្មករនិយោជិត ជាមួយបណ្តាញសុវត្ថិភាពចរាចរណ៍ផ្លូវគោកនៅកម្ពុជា នៅព្រឹកថ្ងៃទី២១ ខែកញ្ញានេះ លោក ចាយ សំណាង អនុប្រធាននាយកដ្ឋានសេវាអតិថិជន និងទំនាក់ទំនងសាធារណៈនៃបេឡាជាតិសន្តិសុខសង្គមបានមានប្រសាសន៍ថាចំនួននេះបើប្រៀបធៀបនឹងរយៈពេលដូចគ្នានឹងឆ្នាំ២០២០កន្លងទៅឃើញថា មានការថយចុះ៥២ភាគរយខណៈ៦ខែឆ្នាំមុនមានកម្មករនិយោជិត២.៧០០ករណីជួបគ្រោះថ្នាក់ចរាចរណ៍។
លោក ចាយ សំណាង បានបន្តថា ក្នុងចំណោមកម្មករនិយោជិតជួបគ្រោះថ្នាក់ចរាចរណ៍នេះក្នុងនោះមានកម្មករនិយោជិតស្លាប់ចំនួន៣៣នាក់ របួសធ្ងន់៣២៨នាក់ និងរបួសស្រាល១.១៦៣នាក់។
បើតាមលោក ចាយ សំណាង ករណីគ្រោះថ្នាក់កើតឡើងភាគច្រើនចំពោះរថយន្តដឹកកម្មករប្រភេទរថយន្តដឹកទំនិញ(រថយន្តកូរ៉េ) និងទោចក្រយានយន្ត។ ព្រោះថាក្នុងឆមាសទី១ឆ្នាំ២០២១នេះ គ្រោះថ្នាក់ចរាចរណ៍មកលើរថយន្តដឹកកម្មករមានចំនួន៦ករណី ដោយមានជនរងគ្រោះសរុប២៧៦នាក់។
តាមរបាយការណ៍របស់បេឡាជាតិសនិ្តសុខសង្គម បានបង្ហាញថា បើគិតជាមធ្យមក្នុងមួយខែៗមានករណីគ្រោះថ្នាក់លើរថយន្តដឹកកម្មកររួមបែបនេះយ៉ាងតិចណាស់ក៏មួយករណីដែរ និងបណ្តាលឱ្យកម្មករនិយោជិតរងរបួសធ្ងន់ស្រាលជាច្រើនសិបនាក់ក្នុងករណីនីមួយៗ និងករណីខ្លះរហូតដល់ស្លាប់បាត់បង់ជីវិត។
លោក គឹម បញ្ញា នាយកអង្គការបង្ការរបួសអាស៊ី ហៅកាត់ AIPប្រចាំកម្ពុជាអំពាវនាវឱ្យមានការប្តេជ្ញាចិត្តពីគ្រប់ភាគីពាក់ព័ន្ធទាំងអស់ក្នុងការផ្លាស់ប្តូររថយន្តដឹកកម្មករនិយោជិតពីរថយន្តដឹកទំនិញ ឬហៅថា រថយន្តកូរ៉េមកជារថយន្តដែលមានសុវត្ថិភាពត្រឹមត្រូវដូចជារថយន្តក្រុង ឬរថយន្តដែលមានកៅអីអង្គុយត្រឹមត្រូវ និងមានខ្សែក្រវាត់សុវត្ថិភាព។
បើតាមលោក អាត់ ធន់ ប្រធានសហភាពការងារកម្ពុជា បច្ចុប្បន្ននេះមានរោងចក្រសហគ្រាស ផ្នែកវាយនភណ្ឌកាត់ដេរ ផលិតស្បែកជើង និងផលិតផលធ្វើដំណើរនិងកាបូបនៅទូទាំងប្រទេសប្រមាណជាង១២០០ដែលមានកម្មករនិយោជិតប្រមាណ៨៥ម៉ឺននាក់៕
អត្ថបទ៖ សំអឿន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១០ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)