ព័ត៌មានជាតិ
ស្អែកបិណ្ឌមួយ ប្រការចៀសវាង កុំនាំកូវីដចម្លងចូលសហគមន៍
អាជ្ញាធរសុខាភិបាល ក៏ដូចជាខាងមន្រ្តីខាងធម្មការនិងសាសនា បានចេញសេចក្ដីណែនាំលើការអនុវត្តវិធានសុខាភិបាល ខណៈបុណ្យកាន់បិណ្ឌនឹងចាប់ផ្ដើមនៅថ្ងៃស្អែកនេះទៅ។
បុណ្យកាន់បិណ្ឌនិងភ្ជុំបិណ្ឌ ជាបុណ្យប្រពៃណីព្រះពុទ្ធសាសនាដ៏សំខាន់ និងក៏ជាឱកាសជួបជុំឪពុកម្តាយ បងប្អូនញាតិមិត្ត។ យ៉ាងណាក្នុងបរិយាកាសនៃការរាលដាលនៃជំងឺកាចសាហាវកូវីដ ១៩ ក្រសួងធម្មការនិងសាសនា និងមន្រ្តីសុខាភិបាល បានចេញការអំពាវនាវអនុវត្តដោយប្រុងប្រយ័ត្នបំផុត ចៀសវាងការនាំជំងឺកូវីដដ៏កាចសាហាវប្រកបដោយគ្រោះថ្នាក់ ឆ្លងរាលដាលចូលសហគមន៍។
តាមវត្តអារាម ត្រូវត្រូវរៀបចំឱ្យមានការវាស់កំដៅ បាញ់អាល់កុលលាងដៃ ឬជែលនៅមុខច្រកចេញ-ចូលសាលាឆាន់ ព្រះវិហារ និងកុដិជាដើម។ ក្នុងនោះមិនអនុញ្ញាតឱ្យពុទ្ធបរិស័ទ ដែលមិនពាក់ម៉ាស់យកចង្ហាន់ទៅប្រគេនព្រះសង្ឃចូល ក្នុងបរិវេណវត្តអារាម ព្រះវិហារ សាលាឆាន់ និងកុដិឡើយ។ មិនអនុញ្ញាតឱ្យពុទ្ធបរិស័ទនៅបង្អែបង្អង់ ជួបជុំសំណេះសំណាល ដើម្បីទុកពេលនិងផ្តល់ទីកន្លែងឱ្យពុទ្ធបរិស័ទផ្សេងបន្ត ដើម្បីកាត់បន្ថយជាអតិបរិមាក្នុងការចម្លងជំងឺកូវីដ១៩។
ត្រូវរៀបចំចំនួនព្រះសង្ឃ តាជីយាយជីនិងពុទ្ធបរិស័ទឲ្យបានតិចបំផុត ដោយរក្សាគម្លាតសុវត្ថិភាពទៅតាមវិធានសុខាភិបាលសម្រាប់វេរចង្ហាន់ បង្សុកូល និងឧទ្ទិសកុសលតាមកិច្ចការសាសនា។
ជាមួយគ្នានេះ លើកទឹកចិត្ត បងប្អូនពុទ្ធបរិស័ទ ចូលរួមធ្វើបុណ្យតាមគន្លងប្រពៃណី នៅតាមទីវត្តអារាមនៅក្នុងមូលដ្ឋាន ដែលខ្លួនរស់នៅជៀសវាងទៅ ចូលរួមពិធីបុណ្យនៅមូលដ្ឋានផ្សេងក្រៅពីតំបន់រស់នៅ ដែលបង្កហានិភ័យខ្ពស់ក្នុងការចម្លង និងការឆ្លងរីករាលដាលនៃជំងឺកូរីដ-១៩ ពីសហគមន៍មួយទៅសហគមន៍មួយ។
ទន្ទឹមនេះបងប្អូនប្រជាជន ពិសេសក្រុមគ្រួសារដែលមានសមាជិកគ្រួសារជាក្រុមប្រឈមខ្ពស់កំពុងស្នាក់នៅរួមគ្នា ដូចជាចាស់ជរា អ្នកមានជំងឺរ៉ាំរ៉ៃ ត្រូវក្រើនរំលឹកដល់កូនចៅ សាច់សាលោហិត ដែលបានចេញទៅរស់នៅ ឬប្រកបរបរអាជីវកម្មនៅខេត្តផ្សេងៗគ្នា សូមជៀសវាងការមកជួបជុំ ប្រមូលផ្តុំ ជាមួយសមាជិកក្រុមគ្រួសារ ដើម្បីកាត់បន្ថយឱកាស នៃការចម្លងមេរោគកូវីជ-១៩ នៅតាមមូលដ្ឋានរបស់ខ្លួន៕
អត្ថបទ៖ ប៊ុណ្ណារ៉ា
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត