ព័ត៌មានជាតិ
ប.ស.ស ចាប់ផ្តើមចុះស្រង់ មធ្យោបាយដឹកជញ្ជូនកម្មករ ដើម្បីពិនិត្យលទ្ធភាព ផ្លាស់ប្តូររថយន្តថ្មី
បេឡាជាតិសន្តិសុខសង្គម ហៅកាត់ ប.ស.ស បានចាប់ផ្តើមចុះស្រង់ស្ថិតិ លើមធ្យោបាយដឹកជញ្ជូនកម្មករ-និយោ ជិត និងអ្នកបើកបរតាមរោងចក្រ សហគ្រាសនៅទូទាំងប្រទេស ដើម្បីពិនិត្យលទ្ធភាពផ្លាស់ប្តូររថយន្តដឹកកម្មករទាំងនោះ ឲ្យសមស្របតាមលក្ខណៈបច្ចេកទេសត្រឹមត្រូវ និងធានាសុវត្តិភាពដល់កម្មករ ពេលធ្វើដំណើរ។
លោក ចាយ សំណាង អនុប្រធាននាយកដ្ឋានសេវាអតិថិជន និងទំនាក់ទំនងសាធារណៈ នៃបេឡាជាតិសន្តិសុខសង្គម ហៅកាត់ ប.ស.ស បានឲ្យដឹងថា ការចុះស្រង់ស្ថិតិ លើមធ្យោបាយដឹកជញ្ជូនកម្មករ-និយោជិត និងអ្នកបើកបរតាមរោងចក្រ សហគ្រាសនៅទូទាំងប្រទេសនេះ ដើម្បីពិនិត្យលើលទ្ធភាពផ្លាស់ប្តូរ រថយន្តដឹកកម្មករនិយោជិតពីរថយន្តដឹកទំនិញ ឬហៅថារថយន្តកូរ៉េ មកជារថយន្តដែលមានសុវត្ថិភាពត្រឹមត្រូវ ដូចជារថយន្តក្រុង ឬរថយន្ត ដែលមានកៅអីអង្គុយត្រឹមត្រូវ និងមានខ្សែក្រវាត់សុវត្ថិភាព ដើម្បីធានាសុវត្តភាពដល់កម្មករ ពេលធ្វើដំណើរទាំងទៅធ្វើការ និងទាំងវិលត្រឡប់ទៅផ្ទះវិញ ខណៈបច្ចុប្បន្នគ្រោះថ្នាក់ចររាចរណ៍ ទៅលើកម្មករ-និយោ ជិតមានការកើនឡើង គួរឲ្យព្រួយបារម្ភ។
ថ្លែងក្នុងវេទិកាប្រចាំឆ្នាំ ស្ដីពី ការលើកកម្ពស់សុវត្ថិភាពចរាចរណ៍ផ្លូវគោក កាលពីថ្ងៃម្សិលមិញ លោក ចាយ សំណាង បានបញ្ជាក់ថា ការដែលកម្មករ ជួបបញ្ហាគ្រោះថ្នាក់ច្រើនេះ ដោយសារការធ្វើដំណើររបស់កម្មករ តាមរថយន្តដឹកកម្មករធ្វើឡើងដោយឈរ និងមានចំនួនច្រើន មានលក្ខណៈចង្អៀតពិបាកធ្វើចលនា ព្រមទាំងមានភាពរញ៉េរញ៉ៃ និងគ្មានសណ្តាប់ធ្លាប់ ទើបធ្វើឲ្យប្រឈម នឹងគ្រោះថ្នាក់ចរាចរណ៍ជាក្រុមខ្ពស់។ លោក បានបន្តទៀតថា ក្រុមការងារ កំពុងជំរុញអ្នកបើកបរ រថយន្តប្រភេទដឹកទំនិញ ធ្វើការកែច្នៃឲ្យមានកៅអីអង្គុយ សម្រាប់កម្មករ-និយោជិត ឲ្យបានត្រឹមត្រូវ។
លោក គឹម បញ្ញា នាយកប្រតិបត្តិអង្គការបង្ការរបួសអាស៊ី ហៅកាត់ AIP ប្រចាំកម្ពុជា លើកឡើងថា កម្មករ-និយោជិត ដែលធ្វើដំណើរតាមរថយន្តដឹកកម្មកររួម នៅតែបន្តទទួលរងគ្រោះ នៅពេលធ្វើដំណើរទៅមកបំពេញការងារ បើទោះបីជាករណីគ្រោះថ្នាក់ភាគច្រើន កើតមានឡើងលើកម្មករ ដែលធ្វើដំណើរតាមយានយន្តផ្ទាល់ខ្លួនដូចជាម៉ូតូ។
លោកបានបន្តថា ការឈានទៅលប់បំបាត់ទាំងស្រុង ការយករថយន្តដឹកទំនិញ ទៅដឹកកម្មករទាមទារ នូវការប្តេជ្ញាខ្ពស់ ពីគ្រប់ភាគីពាក់ព័ន្ធរាប់តាំងរាជរដ្ឋាភិបាល ដៃគូអភិវឌ្ឍន៍ អង្គការសង្គមស៊ីវិល ម្ចាស់រថយន្ត និងការចូលរួមរបស់ថៅកែរោងចក្រ។
យោងតាមរបាយការណ៍របស់ ប.ស.ស ស្តីពី ស្ថានភាពរថយន្តដឹកកម្មក រនៅតាមរោងចក្រកាត់ដេរសម្លៀកបំពាក់ និងស្បែកជើង គិតត្រឹមឆ្នាំ២០១៩ បានបង្ហាញថា អ្នកបើកបរបានប្រើប្រាស់ រថយន្តដឹកទំនិញរហូតដល់ជាង២.៣០០គ្រឿង ដែលស្មើនឹង៦០ភាគរយ នៃមធ្យោបាយធ្វើដំណើរសរុបរបស់កម្មករ៕
អត្ថបទ៖ សំអឿន
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៣ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល