ព័ត៌មានជាតិ
សម្ដេចតេជោ ហ៊ុន សែន ស្នើឲ្យពិចារណា ថាតើគួរផ្អាកពិធីកាន់បិណ្ឌ ឬក៏កាត់បន្ថយតាមរបៀបណាមួយ?
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងថា ក្នុងពេលកាន់បិណ្ឌ នៃពិធីបុណ្យភ្ជុំបិណ្ឌរយៈពេល ២ថ្ងៃមកនេះ សង្កេតឃើញថា ទីវត្តអារាមមួយចំនួន បានផ្ទុះឡើងនូវជំងឺកូវីដ-១៩ ជាបន្តបន្ទាប់។ ស្ថានភាពបែបនេះ បានបង្កើតទៅជាកង្វល់មួយទៅដល់សម្ដេចតេជោ ក្នុងនាមជាប្រមុខដឹកនាំរាជរដ្ឋាភិបាល ដែលកំពុងដឹកនាំការប្រយុទ្ធប្រឆាំង នឹងជំងឺកូវីដ-១៩នេះ។
ក្នុងសារជាសំឡេងនៅល្ងាចថ្ងៃទី២៣ ខែកញ្ញានេះ សម្ដេចតេជោនាយករដ្ឋមន្ត្រី មានប្រសាសន៍ថា ប្រសិនបើមានការឆ្លងរាលដាលបែបនេះ ច្បាស់ណាស់ថា បញ្ហាកូវីដនឹងកើតឡើង ដោយបើត្រឹម២០ ទៅ៣០ភាគរយ នៃវត្តអារាមនៅទូទាំងប្រទេស ដែលនឹងនាំទៅដល់ការឆ្លង រហូតទៅដល់ជាង២ពាន់វត្ត ហើយនឹងអាចឆ្លងទៅដល់សហគមន៍នានាថែមទៀត។
ត្រង់ចំណុចនេះសម្ដេចតេជោ ហ៊ុន សែន បានគោរពស្នើដល់សម្ដេចព្រះសង្ឃរាជទាំងពីរគណៈ និងសម្ដេចព្រះសង្ឃនាយកមេត្តាពិចារណា តើគួរគប្បីធ្វើយ៉ាងណា នៅក្នុងកាលៈទេសៈដ៏លំបាកនេះ។ តាមរបាយការណ៍ ដែលសម្ដេចតេជោ ហ៊ុន សែន ទទួលបាន គឺនៅវត្តចំពុះក្អែក មានករណីឆ្លងរហូតដល់៤៥ករណី ហើយតម្រូវឲ្យមានការបិទវត្តតែម្ដង។ ដូច្នេះសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានស្នើឲ្យគណៈសង្ឃនាយក ចូលរួមជាមួយក្រសួងធម្មការ និងសាសនា ធ្វើការពិនិត្យបន្ទាន់ ដោយគិតគូទៅលើវិធានការបន្ទាន់ទាំងឡាយ ដែលរៀបចំឡើងដោយក្រសួងសុខាភិបាល។
សម្ដេចតេជោនាយករដ្ឋមន្ត្រី បានថ្លែងបន្តថា «ប្រសិនបើយើងបន្ត អាចថា លទ្ធផលដែលយើងទទួលបាន ក្នុងរយៈពេលកន្លងទៅនេះ គឺនឹងមានការរីករាលដាលធ្ងន់ធ្ងរ ហួសពីការគិត ដែលយើងបានគិតនៅមុនពេលបុណ្យ ព្រោះជាតំបន់ឆ្លង ព្រោះមនុស្សពីគ្រប់ទីកន្លែង ចូលទៅកាន់វត្តអារាម ក្នុងពេលដែលមានវត្តដែលតា ចូលមកដល់ សភាពការណ៍នេះ គឺជាសភាពការណ៍គ្រោះអាសន្នមួយដ៏ធ្ងន់ធ្ងរ»។
សម្ដេចតេជោ ហ៊ុន សែន បានលើកឡើង ថា ក្នុងរយៈពេល ១៥ថ្ងៃ នៃការកាន់បិណ្ឌ រហូតដល់ថ្ងៃបុណ្យភ្ជុំបិណ្ឌ តើយើងនឹងមានមនុស្សប៉ុន្មានពាន់ ប៉ុន្មានម៉ឺននាក់នឹងត្រូវឆ្លង ប្រសិនបើមានការផ្ទុះការឆ្លងកូវីដនៅក្នុងវត្ត? ហើយការឆ្លងនេះ មិនមែនកើតឡើងតែក្នុងវត្តទេ នៅពេលពុទ្ធបរិស័ទចេញពីវត្ត គឺនឹងនាំជំងឺនេះ ទៅកាន់ផ្ទះសម្បែង និងភូមិឋានរបស់ខ្លួន ដែលអាចនាំទៅដល់ការឆ្លងគ្រប់ផ្ទះតែម្ដង។
ប្រសិនបើអាចធ្វើទៅបាន សម្ដេចតេជោ សូមអំពាវនាវឲ្យក្រសួងសុខាភិបាល ធ្វើការពិចារណា ថាតើយើងគួរផ្អាកនូវពិធីកាន់បិណ្ឌនេះដែរឬទេ? ឬក៏កាត់បន្ថយតាមរបៀបណាមួយ។ ប្រសិនបើឲ្យបន្តធ្វើដូចពេលនេះ សម្ដេចតេជោ ហ៊ុន សែន យល់ឃើញថា ទោះបីជាយើងបានស្រោចវ៉ាក់សាំងគ្រប់ទីកន្លែងក៏ដោយ និងទោះបីជាយើងធ្វើយ៉ាងណាក៏ដោយ យើងមិនអាចចៀសផុតនូវការជួបជុំនៅតាមវត្ត ដែលជាប្រភពនៃការឆ្លងដ៏គ្រោះថ្នាក់បំផុតនោះ។ ជាមួយគ្នានេះសម្ដេចតេជោ ហ៊ុន សែន បានស្នើឲ្យមន្ត្រីពាក់ព័ន្ធទាំងអស់ ពិនិត្យពិចារណាលើបញ្ហានេះ ឲ្យបានម៉ត់ចត់៕
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៣ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល