ព័ត៌មានជាតិ
ស្ពានសំខាន់៤កន្លែង ក្នុងខេត្តកំពង់ស្ពឺ គម្រោងធ្វើឲ្យប្រសើរឡើងវិញ ដើម្បីសម្រួលការធ្វើចរាចរណ៍
ក្រុមមន្ត្រីជំនាញរបស់ក្រសួងសាធារណការ និងដឹកជញ្ជូន សហការជាមួយនឹងមន្ទីរសាធារណការខេត្ត និងអាជ្ញាធរ បានចុះសិក្សាលើគម្រោងធ្វើឱ្យប្រសើរឡើងវិញ ផ្លូវជាតិលេខ៤ ក្នុងការសាងសង់ពង្រីកស្ពានសំខាន់ៗ ចំនួន៤កន្លែង ក្នុងខេត្តកំពង់ស្ពឺ។
ក្រុមការងារក្រសួងសាធារណការ និងអាជ្ញាធរពាក់ព័ន្ធ បានចុះសិក្សាលើគម្រោងធ្វើឲ្យប្រសើរឡើងវិញ នៃផ្លូវជាតិលេខ៤ នៅថ្ងៃទី២៣ ខែកញ្ញា ឆ្នាំ២០២១នេះ ។
ក្រុមមន្ត្រីបរិស្ថាន និងសង្គម នៃនាយកដ្ឋានផែនការ របស់ក្រសួងសាធារណការ និងដឹកជញ្ជូន ដោយមានការចូលរួមពីលោក ស៊ូ ស៊ុន្ធរ៉ា ប្រធានមន្ទីរសាធារណការ និងដឹកជញ្ជូន ខេត្តកំពង់ស្ពឺ និងលោក ហុក ម៉ារ៉ាឌី អភិបាលក្រុងច្បារមន បានចុះសិក្សារលើគម្រោងធ្វើឱ្យប្រសើរឡើងវិញ នៃផ្លូវជាតិលេខ៤ ជាពិសេសក្នុងការសាងសង់ពង្រីកស្ពាន០៣កន្លែង ស្ថិតក្នុងក្រុងច្បារមន ០២កន្លែង និងស្រុកភ្នំស្រួច ០១កន្លែង។ ចំពោះស្ពាន ដែលត្រូវសាងសង់ពង្រីកថែមនោះ រួមមានដូចជា៖
១. ស្ពានឆ្លងអាងស្តុបទឹកត្រពាំងឈូក ផ្លូវជាតិលេខ៤ ចំណុចផ្សារកំពង់ស្ពឺ ក្នុងភូមិក្រាំងពលទេព សង្កាត់រការធំ ក្រុងច្បារមន។
២. ស្ពានអកទន្ទឹមឆ្លងប្រឡាយ ផ្លូវជាតិលេខ៤ ចំណុចទល់មុខសាលាអនុវិទ្យាល័យឆាយឆុប ក្នុងភូមិព្រៃស្លឹក សង្កាត់ច្បារមន ក្រុងច្បារមន ។
៣. ស្ពានភ្នួសហ្លួងឆ្លងឆ្លងស្ទឹងព្រែកត្នោត ផ្លូវជាតិលេខ៤ ចំណុច ភូមិរំលោង សង្កាត់កណ្តោលដុំ ក្រុងច្បារមន ។
៤. ស្ពានស្ទឹងស្រែក្លុងឆ្លងស្ទឹងស្រែខ្លុង ផ្លូវជាតិលេខ៤ ឃុំអូរ ស្រុកភ្នំស្រួច ។
សូមបញ្ជាក់ថា គម្រោងធ្វើឲ្យប្រសើរឡើងវិញផ្លូវជាតិលេខ៤ ត្រូវប្រើពេលប្រមាណ២ឆ្នាំ ដើម្បីពង្រីកផ្លូវកៅស៊ូមួយនេះ ឲ្យបានធំទូលាយជាងមុនងាយស្រួល ក្នុងការធ្វើចរាចរទៅមក។ ម្យ៉ាងផ្លូវជាតិលេខ៤ជាជំនួយរបស់សហរដ្ឋអាមេរិក នឹងត្រូវពង្រីកឱ្យធំដោយគ្រោង ប្រើប្រាស់ថវិកា ប្រមាណ១០០លានដុល្លារអាមេរិក ដែលជាកម្ចីហិរញ្ញប្បទានរបស់ធនាគារពិភពលោក។
ចំពោះគម្រោងធ្វើឲ្យប្រសើរឡើងវិញ នៃផ្លូវជាតិលេខ៤នេះ គ្រោងចាប់ផ្តើម ក្នុងអំឡុងឆ្នាំ២០២២បញ្ចប់នៅឆ្នាំ២០២៣ ក្រោយពីស្ថាបនារួចរាល់អ្នកទទួលខុសត្រូវគម្រោង ត្រូវថែទាំផ្លូវនេះរយៈពេលប្រមាណ ៤ឆ្នាំទៀត៕
អត្ថបទ៖ ភួង រដ្ឋា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ