ព័ត៌មានជាតិ
រដ្ឋបាលរាជធានីនាំយកអំណោយសម្តេចតេជោ ជូនកងទ័ពការពារព្រំដែនប្រាសាទព្រះវិហារក្នុងឱកាសបុណ្យកាន់បិណ្ឌ និងភ្ជុំបិណ្ឌ
ប្រតិភូសាលារាជធានីភ្នំពេញដឹកនាំដោយលោក ស៊ុយ សេរិទ្ធ តំណាងឲ្យលោក ឃួង ស្រេង អភិបាល នៃគណៈអភិបាលរាជធានីភ្នំពេញ នៅព្រឹកថ្ងៃទី២៣ ខែកញ្ញា បានចុះទៅសួរសុខទុក្ខ និងនាំយកអំណោយដ៏ថ្លៃថ្លារបស់សម្តេចអគ្គមហាសេនាបតី តេជោហ៊ុនសែន និងសម្តេចគតិព្រឹទ្ធបណ្ឌិតប៊ុនរ៉ានី ហ៊ុន សែន ទៅប្រគល់ជូនវិរះកងទ័ព វីរះនគរបាលដែលកំពុងឈរជើងការពារព្រំដែននៃកងពលធំអន្តរាគមលេខ៣ទិសប្រាសាទព្រះវិហារ ក្នុងឱកាសបុណ្យកាន់បិណ្ឌ និងភ្ជុំបិណ្ឌដែលជាបុណ្យក្នុងព្រះពុទ្ធសាសនា ដែលប្រជាពុទ្ធបរិស័ទតែងបានប្រារព្ធធ្វើជារៀងរាល់ឆ្នាំនោះ។
លោកឧត្តមសេនីយ៍ ស្រី ឌឹក មេបញ្ជាការកងពលធំអន្តរាគមលេខ៣បានឲ្យដឹងថា ទោះបីសភាពការណ៍នៅតាមបន្ទាត់ព្រំដែនមានសភាពស្ងប់ស្ងាត់ និងកំពុងបានប្រែក្លាយជាព្រំដែនសន្តិភាព និងអភិវឌ្ឍន៍ជាមួយប្រទេសជិតខាងក្តី តែកងទ័ពយើងមិនបានធ្វេសប្រហែស និងមើលស្រាលសភាពការណ៍នោះឡើយ គឺការពង្រឹងស្មារតីការពារបូរណៈភាពទឹកដីពីសត្រូវឈ្លានពាន។ ស្ថិតក្នុងបរិបទនៃការរីករាលដាលនៃជំងឺកូវីដ-១៩ កងទ័ពយើងបានចូលរួមយ៉ាងសកម្មក្នុងការទប់ស្កាត់ការរីករាលដាលជំងឺកូវីដ.១៩ ក្នុងសហគមតាមវិធានរបស់ក្រសួងសុខាភិបាល និងការពារអង្គភាពទ័ពមិនឲ្យមានការឆ្លងរាលដាលនៃជំងឺដ៏កាចសាហាវនេះ។
លោកឧត្តមសេនីយ៍ ស្រី ឌឹក ក៏បានថ្លែងអំណរគុណយ៉ាងជ្រាលជ្រៅដល់សម្តេចតេជោ និងសម្តេចគតិព្រឹទ្ធបណ្ឌិត ក៏ដូចរដ្ឋបាលរាជធានីភ្នំពេញ ដែលដឹកនាំដោយលោក ឃួង ស្រេង ក្នុងនាមជាអង្គភាពសម្ព័ន្ធមេត្រីភាពជាមួយកងពលធំអន្តរាគមលេខ៣និងអង្គភាពចំណុះ ដែលតែងបានគិតគូសុខទុក្ខរបស់កងទ័ពយើងក្នុងន័យផ្សារភ្ជាប់រវាងសមរភូមិមុខ និងសមរភូមិក្រោយ ហើយនៅពេលនេះដែររដ្ឋបាលរាជធានីភ្នំពេញក៏បានជួយសាងសង់រោងដាក់រថយន្តមួយខ្នងដែលមានតម្លៃជាង៥ម៉ឺនដុល្លារសម្រាប់កងពលប្រើប្រាស់ផងដែរ។
លោក ស៊ុយ សេរិទ្ធ ក្នុងនាមលោក ឃួង ស្រេង អភិបាលរាជធានីភ្នំពេញ បានលើកឡើងថា ទោះបីក្នុងដំណាក់កាលនេះ រដ្ឋបាលរាជធានីភ្នំពេញកំពុងជាប់ដៃមមាញឹកក្នុងការទប់ស្កាត់ការរីករាលដាលជំងឺកូវីដ-១៩ និងមេរោគបំប្លែងថ្មីDelta ក្តី ក៏រដ្ឋបាលរាជធានីភ្នំពេញមិនដែលភ្លេចបងប្អូនកងទ័ព និងនគរបាលការពារព្រំដែនដែលជាអង្គភាពសម្ពន័ភាពនោះឡើយ។
លោកសុំអោយវិរះកងទ័ពយើងបន្តពង្រឹង វិធានការទប់ស្កាត់ការរីករាលដាលនៃជំងឺកូវីដ-១៩ទាំងក្នុងជួរកងទ័ព និងប្រជាពលរដ្ឋក្នុងសហគមឪ្យបានប្រសើរថែមទៀត។ ចំពោះអំណោយរបស់សម្តេចតេជោហ៊ុន សែន និងសម្តេចគតិព្រឹទ្ធបណ្ឌិតជូនដល់អង្គភាពកងទ័ពរួមមាន៖ កងពលធំអន្តរាគមលេខ៣មានថវិកា១០លានរៀល,ប្រេងម៉ាស៊ូត ៦០០០លីត្រ,ទឹកក្រូច៥០០កេស,មី៥០០កេស,ម៉ាស៥ម៉ឺន,អាល់កុល៣០កាន និងថវិកាសំរាប់សាងសង់អាគារដាក់រថយន្តលើកទី២ចំនួន២៧៧០០ដុល្លា។ ផ្តល់ ជូនកងពលតូចអន្តរាគមលេខ៩មានថវិកា១០លានរៀល,ប្រេងម៉ាស៊ូត៦០០០លីត្រ,ទឹកក្រូច៦៤០កេស,មី ៦៤០កេស,ម៉ាស់៥ម៉ឺនម៉ាស់,អាល់កុល៣០កាន។ផ្តល់ ជូនវរះនគរបាលការពារព្រំដែនលេខ៧៩៣ មានថវិកា២លានរៀល,ប្តេងម៉ាស៊ូត ១០០០លីត្រ,ទឹកក្រូច៦០កេស,មី៦០កេស,ម៉ាស់១ម៉ឺន,អាលកុល៥កាន។
ផ្តល់ជូនបញ្ជាការដ្ឋានអង្គរក្សថវិកា២០លានរៀល,ទឹកក្រូច៦០កេស,មី៦០កេស,ម៉ាស់៥០០០,អាលកុល៥កាន។ផ្តល់ជូនកងពលតូចអន្តរាគមន៏លេខ១២៨មាន ថវិកា១០លានរៀល,ប្រេងម៉ាស៊ូត៧០០០លីត្រ,ទឹកក្រូច៧៤០កេស,មី ៧៤០កេស,ម៉ាស់៩ម៉ឺន,អាលកុល៣០កាន។ជាមួយគ្នានេះក៏បានផ្តល់ជូននាយទាហ៊ាន,នាយទាហ៊ានរង ពលទាហ៊ានវរះសេនាតូចអន្តរាគមន៏លេខ២៨១,២៨២, ២៨៣,២៨៤ និង២៨៥ជាច្រើនរូបទៀតផងដែរ៕
អត្ថបទ៖ ស្រីរ័ត្ន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ