ព័ត៌មានជាតិ
កុមារអាយុ៦ឆ្នាំ ដល់ក្រោម១២ឆ្នាំ នៅរាជធានីភ្នំពេញ ជាង១១ម៉ឺននាក់ហើយ ដែលទទួលបានការចាក់វ៉ាក់សាំងដូសទី១
គិតចាប់ពីថ្ងៃបើកយុទ្ធនាការចាក់វ៉ាក់សាំងជូនកុមារអាយុ៦ឆ្នាំ ដល់ក្រោម១២ឆ្នាំ កាលពីថ្ងៃទី១៧ រហូតដល់ ទី២៣ខែកញ្ញានេះ កុមារនៅក្នុងរាជធានីភ្នំពេញ ចំនួនជាង១១ម៉ឺននាក់ហើយ ដែលទទួលបានការចាក់វ៉ាក់សាំងដូសទី១ ក្នុងចំណោមកុមារចំនួន២២០,០០០ នាក់។
ប្រធានមន្ទីរសុខាភិបាលនៃរដ្ឋបាលរាជធានីភ្នំពេញ លោក ងី មានហេង បានឲ្យដឹងនៅព្រឹកថ្ងៃទី២៤ កញ្ញានេះថា មន្ត្រីសុខាភិបាលនៃរដ្ឋបាលរាជធានីភ្នំពេញ និងអាជ្ញាធរសង្កាត់ ខណ្ឌបានសហការផ្តល់សេវាចាក់វ៉ាក់សាំងបង្ការជំងឺកូវីដ-១៩ ទទួលបានភាពជោគជ័យ និងមានសុវត្ថិភាព។ មន្ទីរពេទ្យបង្អែក និងមណ្ឌលសុខភាពបានរៀបចំមានសណ្តាប់ធ្នាប់ មានគម្លាតសុវត្ថិភាពត្រឹមត្រូវ រៀបរយល្អ។ លោកបន្តថា គិតចាប់ពីថ្ងៃបើកយុទ្ធនាការចាក់វ៉ាក់សាំងជូនកុមារអាយុ ៦ ឆ្នាំដល់ក្រោម១២ឆ្នាំ ពីថ្ងៃទី១៧ ដល់ ទី២៣ ខែកញ្ញានេះ កុមារចំនួន ១១៦,៧៧៦ នាក់ បានទទួលដូសទី១ ក្នុងចំណោមកុមារចំណុច ២២០,០០០នាក់ នៅរាជធានីភ្នំពេញ។
មាតាបិតា ឬអាណាព្យាបាលកុមារ អាចបន្តនាំកុមារមកទទួលវ៉ាក់សាំងដូសទី១ រហូតដល់ថ្ងៃទី ៣ ខែតុលា ២០២១ ឬ អាចពន្យារ ៣-៤ ថ្ងៃបន្ថែមទៀតបើចាំបាច់ នៅមណ្ឌលសុខភាព និងមន្ទីរពេទ្យបង្អែកដែលស្ថិតនៅជិតផ្ទះបំផុត។ លោកសូមឲ្យបងប្អូនរក្សាគម្លាតសុវត្ថិភាពឲ្យបានត្រឹមត្រូវនិងខ្ជាប់ខ្ជួនជានិច្ច ដោយរាជរដ្ឋាភិបាលមានវ៉ាក់សាំងគ្រប់គ្រាន់សម្រាប់ផ្តល់ជូនប្រជាពលរដ្ឋគ្រប់រូប (ចាប់ពីអាយុ ៦ឆ្នាំឡើង)៕
អត្ថបទ៖ ស្រីរ័ត្ន
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៣ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល