ព័ត៌មានជាតិ

យកសំណាកព្រះសង្ឃ៤វត្តនៅខណ្ឌច្បារអំពៅរកឃើញព្រះសង្ឃ២អង្គនិងពុទ្ធបរិស័ទ២នាក់ឆ្លងកូវីដ

បានផុស

៣ years មុន

នៅ

ថ្ងៃសុក្រ ២៤ កញ្ញា ២០២១

ដោយ

ភ្នំពេញ ៖ អស់រយៈពេលពេញមួយថ្ងៃ ចាប់ពីវេលាម៉ោង៧និង៣០នាទីព្រឹករហូតដល់ម៉ោង៥រសៀលថ្ងៃទី២៤ខែកញ្ញានេះ ក្រុមគ្រូពេទ្យស្ម័គ្រចិត្តសម្តេចតេជោ បានសហការជាមួយអាជ្ញាធរខណ្ឌច្បារអំពៅរាជធានីភ្នំពេញចុះយកសំណាកដល់ព្រះសង្ឃនិងគណៈកម្មការវត្តចំនួន៤ក្នុងខណ្ឌច្បារអំពៅដោយរកឃើញព្រះសង្ឃ២អង្គនិងពុទ្ធបរិស័ទ២នាក់ឆ្លងជំងឺកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពពីលោកណុប ផា អភិបាលរងខណ្ឌច្បារអំពៅបានឲ្យដឹងថា ជាលទ្ធផលដែលក្រុមគ្រូពេទ្យស្ម័គ្រចិត្តសម្តេចតេជោចុះយកសំណាកដល់ព្រះសង្ឃចំនួន៤វត្តក្នុងនោះមានវត្តព្រះពោធិបាត្រហៅវត្តច្បារអំពៅ ស្ថិតក្នុងសង្កាត់ច្បារអំពៅ២ពុំបានរកឃើញព្រះសង្ឃនិងគណៈកម្មការវត្តឆ្លងកូវីដ១៩ឡើយ។

បន្ទាប់មកវត្តព្រែកប្រាស្ថិតក្នុងសង្កាត់ព្រែកប្រារកឃើញព្រះសង្ឃ២អង្គមានវិជ្ជមានកូវីដ១៩។ ចំណែកវត្តកំសានស្ថិតក្នុងសង្កាត់ព្រែកប្រា គឺរកឃើញពុទ្ធបរិស័ទម្នាក់ ដែលបម្រើការក្នុងវត្តមានវិជ្ជមាន។ ក្នុងនោះវត្តកោះនរា ស្ថិតក្នុងសង្កាត់និរោធរកឃើញពុទ្ធបរិស័ទម្នាក់ឆ្លងកូវីដ១៩។

លោកណុប ផា បានបញ្ជាក់ទៀតថា ក្នុងមូលដ្ឋានខណ្ឌច្បារអំពៅគឺមានវត្តចំ២៤។ ហើយថ្ងៃនេះទើបចុះយកសំណាកចំនួន៥វត្តដែលវត្តកំពុងយកសំណាកពុំទាន់រួចរាល់ ជាវត្តនិគ្រោធវ័នហៅវត្តគល់ទទឹង៕

ដោយ ៖ នរា