សម្ដេចតេជោ ហ៊ុន សែន៖ ឲ្យតែរក្សាជីវិតបាន នៅមានឱកាសធ្វើបុណ្យរាប់សិបឆ្នាំតទៅមុខទៀត
Connect with us
Helistar Cambodia - Helicopter Charter Services

ព័ត៌មានជាតិ

សម្ដេចតេជោ ហ៊ុន សែន៖ ឲ្យតែរក្សាជីវិតបាន នៅមានឱកាសធ្វើបុណ្យរាប់សិបឆ្នាំតទៅមុខទៀត

បានផុស

នៅ

មានប្រសាសន៍តាមរយៈសារជាសំឡេងនាព្រឹកនេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអះអាងថា វ៉ាក់សាំងតែមួយមុខមិនគ្រប់គ្រាន់នោះទេ គ្រាន់តែកាត់បន្ថយនូវកាឆ្លង នៅពេលឆ្លងកាត់ហើយកាត់បន្ថយមិនឲ្យវិវត្តទៅរកភាពធ្ងន់ធ្ងរ និងកាត់បន្ថយការស្លាប់តែប៉ុណ្ណោះ ប៉ុន្តែវិធានការសុខាភិបាលទៅ​វិញ​ទេ ដែលជាវិធានការត្រូវប្រកាន់យក ជាពិសេស៣កុំ ៣ការពារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចតេជោ ហ៊ុន សែន វិធានការទាំងឡាយ ដែលធ្វើឡើង គឺដើម្បីរក្សាជីវិតប្រជាជន រក្សាសុខភាពរបស់ប្រជាជន​ “ដូច្នេះបើយើងរក្សាបាននូវជីវិត យើងនៅមានឱកាសធ្វើបុណ្យធ្វើទានរាប់សិបឆ្នាំតទៅទៀត”។ ដូច្នេះវាមិនមែនជាការងាយស្រួល សម្រាប់ការធ្វើសេចក្តីសម្រេចចិត្ត បែបនេះនោះទេ។

បើតាមសម្ដេចតេជោ ហ៊ុន សែន កាលពីឆ្នាំមុនយើងសម្រេចបិទផ្អាកមិនឲ្យមានការចូលឆ្នាំ ហើយក៏បានចេញវិធានការម៉ត់ចត់នៅពេលភ្ជុំបិណ្ឌ នាឆ្នាំនោះផងដែរ ខណៈដែលពេលនោះនៅមិនទាន់មានឆ្លងចូលសហគមន៍នៅឡើយ ហើយក៏មិនមានជំងឺកូវីដ១៩ ប្រភេទដែលតា ឆ្លងចូលនោះដែរ តែមកដល់ពេលនេះជំងឺកូវីដ១៩ ប្រភេទដែលតា ដែលជាប្រភេទជំងឺដ៏សាហាវបំផុតនោះ បានរាយប៉ាយពេញផ្ទៃប្រទេសហើយ។

សម្ដេចតេជោ ហ៊ុន សែន បានអះអាងថា ក្នុងនាមជាថ្នាក់ដឹកនាំមិនអាចឈរមើលការស្លាប់ ការឆ្លងរបស់ប្រជាពលរដ្ឋ ដោយសារការធ្វេសប្រហែសនោះទេ ។ ជាមួយគ្នានោះ សម្ដេចសង្ឃឹមថា ប្រជាពលរដ្ឋ ព្រះសង្ឃ ក៏ដូចជាពុទ្ធបរិស័ទ និងយោគយល់ចំពោះការសម្រេចចិត្តដ៏លំបាកបែបនេះ។ សម្តេចបន្តថា ប្រសិនបើមានការរីករាលដាលចេញពីវត្ត ដែលមានប្រមាណជាងពាក់កណ្ដាល នៃចំនួនវត្តនៅរាជធានីភ្នំពេញ បន្តរហូតដល់ថ្ងៃបុណ្យភ្ជុំបិណ្ឌទីនោះ តើនឹងមានព្រះសង្ឃ និងប្រជាពលរដ្ឋប៉ុន្មានទៀត នឹងងត្រូវឆ្លង ? ។

បញ្ហាសំខាន់មិនមែន ត្រឹមតែនៅក្នុងទីវត្តអារាមនោះទេ ប៉ុន្តែនៅពេលដែលប្រជាពលរដ្ឋ ទៅធ្វើបុណ្យ ហើយធ្វើដំណើរចេញពីទីអារាម ដោយនាំនូវជំងឺទាំងនោះចេញមកផ្ទះ វានឹងធ្វើឲ្យមានការរាលដាលកាន់តែខ្លាំង ពីទីក្រុងទៅជនបទ ពីជនបទមកទីក្រុង ជាពិសេសនឹងនាំជំងឺពីផ្ទះចូលទៅទីអារាម ហើយនាំពីទីរាមចូលទៅផ្ទះ ចូលសហគមន៏វិញ។ ដូច្នេះសភាពការណ៍នេះ គឺជាសភាពការណ៍ដ៏អាក្រក់សម្រាប់ការព្យាករណ៍ទុករបស់សម្ដេច។

ទោះជាយ៉ាងណា សម្តេចបានអះអាងថា នឹងមិនធ្វើឲ្យព្រះសង្ឃដាច់ចង្ហាន់នោះទេ ពីព្រោះទន្ទឹមនឹងមានវិធានការខាងលើនេះ សម្ដេចក៏បានដាក់ចេញទាំងយប់នូវវិធានការមួយចំនួនផងដែរ ដើម្បីយកទេយ្យវត្ថុ ក៏ដូចជាចង្ហាន់ទៅប្រគេនព្រះសង្ឃ៕

អត្ថបទ៖ កោះកែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services