ព័ត៌មានជាតិ
បុរសជនជាតិចិនម្នាក់ ដកកាំភ្លើងបាញ់ឡើងលើ ១គ្រាប់ រួចដាក់កាំភ្លើងចូលហោប៉ៅវិញ ក៏ផ្ទុះត្រូវរបួសជើងខ្លួនឯង
បុរសជនជាតិចិនម្នាក់ បានរងរបួសដោយសារ ត្រូវគ្រាប់កាំភ្លើងខ្លួនឯង បង្កឲ្យមានការភ្ញាក់ផ្អើលនៅវេលាម៉ោង ២និង ៤០នាទីយប់រំលងអាធ្រាត្រ ឈានចូលថ្ងៃអាទិត្យ ទី២៦ ខែកញ្ញា ឆ្នាំ២០២១ ត្រង់ចំណុចផ្សារសូរីយាម៉ល តាមបណ្តោយផ្លូវ១៥៤ ក្នុងសង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ។
ប្រភពពីកន្លែងកើតហេតុ បានឲ្យដឹងថា ដំបូងឡើយគេឃើញជនជាតិបរទេសម្នាក់ បានដើរចេញពីផ្សារសូរិយាម៉លក្នុងសភាពស្រវឹងស្រា ហើយក៏បានដកកាំភ្លើងបាញ់ឡើងលើ ១គ្រាប់។ បន្ទាប់មកបុរសរូបនេះ បានដាក់កាំភ្លើងចូលក្នុងហោប៉ៅខោខាងក្រោយ បណ្ដាលឲ្យផ្ទុះមួយគ្រាប់ទៀតចំកំភួនជើងខ្លួនឯង បណ្តាលឲ្យដួលអង្គុយនៅមួយកន្លែងដោយរងរបួសធ្ងន់។
ភ្លាមៗ សមត្ថកិច្ចក៏បានទៅដល់ ក៏បានដកយកកាំភ្លើងរក្សាទុក ព្រមសួរនាំបុរសរូបនេះ ពីមូលហេតុអី្វបានជាផ្ទុះអាវុធ ហើយបានកាំភ្លើងមកពីណា ខណៈពេលនោះជនជាតិរូបនោះ និយាយភាសាអង់គ្លេសប្រាប់ថា កាំភ្លើងរបស់ខ្លួននោះ គឺរើសបាន ហើយបុរសរូបនេះ ខឹងដោយសារតែមានគេ យកកាបូបលុយរបស់គាត់ ទើបគាត់ដកកាំភ្លើងមកបាញ់ជញ្ជាំងមួយគ្រាប់ ហើយក៏ដាក់កាំភ្លើងចូលហោប៉ាវខោខាងក្រោយវិញ បណ្តាលឲ្យផ្ទុះមួយគ្រាប់ទៀតចំកំភួនជើងខ្លួនឯង រងរបួសធ្ងន់។
ក្រោយពីកើតហេតុ សមត្ថកិច្ចមូលដ្ឋាន បានចុះមកដល់ ហើយក៏បានទំនាក់ទំនង ទៅរថយន្តពេទ្យដឹកបុរសរូបនេះទៅសង្គ្រោះនៅមន្ទីរពេទ្យកាល់ម៉ែត្រផងដែរ។ ព្រមទាំងស្រាវជ្រាវបន្តទៀតថា តើបុរសជនជាតិចិនរូបនេះ បានកាំភ្លើងខ្លីទំនើប ១ដើមនោះ មកពីណាបានជាមានប្រើ ហើយបាញ់បោះសេរីដូច្នេះនោះ៕
អត្ថបទ៖ រស្មី
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ