ព័ត៌មានជាតិ
ខណ្ឌចំនួនពីរមានវត្តច្រើនជាងគេ នៅរាជធានីភ្នំពេញ
នៅរាជធានីភ្នំពេញមានវត្តសរុប ១៥៤ នៅក្នុងខណ្ឌទាំង ១៤។ បើតាមលោកទេព គង្គា ប្រធានមន្ទីរធម្មការនិងសាសនារាជធានីភ្នំពេញបានឲ្យកម្ពុជាថ្មីដឹងថា វត្តនៅរាជធានីភ្នំពេញមានពីរគណៈគឺធម្មយុត្ត និងមហានិកាយ។
ដោយឡែកវត្តបទុមវតីរាជវរារាម ហៅកាត់ថា វត្តបទុមវតីឬវត្តបទុមនៅខណ្ឌដូនពេញ នៅទីតាំងវត្តតែមួយមានពីរគណៈគឺមានទាំងធម្មយុត្ត និងមហានិកាយ។
ប្រធានមន្ទីរធម្មការនិងសាសនារាជធានីភ្នំពេញ លោក ទេព គង្កា បានឲ្យដឹងបន្តទៀតថា ក្នុងខណ្ឌទាំង ១៤ ខណ្ឌចំនួនពីរមានវត្តច្រើនជាងគេគឺខណ្ឌច្បារអំពៅ និងខណ្ឌដង្កោ។ ក្នុងនោះខណ្ឌច្បារអំពៅមាន ២៤ វត្ត និងខណ្ឌដង្កោមាន ២៣ វត្ត។
ព័ត៌មានលម្អិតពីឈ្មោះវត្តទាំំំងអស់នៅរាជធានីភ្នំពេញ កម្ពុជាថ្មីនឹងផ្សាយជូននៅថ្ងៃស្អែកនេះ។
គួរបញ្ជាក់ថា ក្រោយផ្ទុះកូវីដវត្តចំនួនពីរគឺវត្តជំពុះក្អែក និងវត្តនាគវ័ន្ត អាជ្ញាធរបានចុះយកសំណាកគ្រប់វត្តនៅរាជធានីភ្នំពេញ ដោយបែងចែកក្រុមគ្រូពេទ្យធីតា និងក្រុមគ្រូពេទ្យរបស់មន្ទីរសុខាភិបាលរាជធានី។
ក្រោយពីសម្រុកធ្វើតេស្តយកសំណាក បានរកឃើញវិជ្ជមានកូវីដ-១៩ ចំនួន ១៤១អង្គ/នាក់ ក្នុងចំណោមអ្នកយកសំណាកចំនួន ៨៩៧៥អង្គ/នាក់។ ក្រុមការងារសុខាភិបាល បានពិនិត្យរកមេរោគកូវីដ-១៩ ឃើញវិជ្ជមានកូវីដ-១៩ ចំនួន១៤១អង្គ/នាក់ ក្នុងនោះព្រះសង្ឃមានចំនួន៩៧អង្គ អាចារ្យចំនួន៩នាក់ ដូនជីតាជីចំនួន១៥នាក់ និងសិស្សនិស្សិតចំនួន២០នាក់។
វត្តនៅរាជធានីភ្នំពេញដែលមានចំនួន ១៥៤វត្ត វត្តដែលមន្រ្តីសុខាភិបាលបានចុះយកសំណាករកមេរោគកូវីដ-១៩ មានចំនួន១៥០វត្ត ចំណែក៤វត្តទៀត មានវត្តខ្លះបានយកសំណាករួចហើយ និងវត្តខ្លះមានលទ្ធភាពយកសំណាកដោយខ្លួនឯង។
នៅយប់ថ្ងៃទី២៣ ខែកញ្ញា ឆ្នាំ២០២១ ប្រមុខរដ្ឋាភិបាលកម្ពុជាបានចេញសេចក្តីសម្រេចជាផ្លូវការ ឲ្យផ្អាករៀបចំពិធីបុណ្យកាន់បិណ្ឌនិងភ្ជុំបិណ្ឌ ដើម្បីបង្ការនិងទប់ស្កាត់ជំងឺកូវីដ១៩ ដែលកំពុងរីករាលដាល។ ក្នុងសេចក្តីប្រកាសបានណែនាំដល់គណៈអភិបាលរាជធានី-ខេត្ត ត្រូវធ្វើការសម្របសម្រួលជាមួយយន្តការដែលមានការពាក់ព័ន្ធទាំងអស់ ដើម្បីធានាដល់ការនាំយកចង្ហាន់ និងទេយ្យវត្ថុចាំបាច់នានា ប្រគេនដល់ព្រះសង្ឃនៅតាមបណ្តាវត្តអារាមនានា ដែលស្ថិតក្នុងសមត្ថកិច្ចដែនដីរបស់ខ្លួន៕
អត្ថបទ៖ ប៊ុណ្ណារ៉ា
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ