ព័ត៌មានជាតិ
សាលា៦១កន្លែង ក្នុងខេត្តស្វាយរៀង បានបើកដំណើរការឡើងវិញ
ឯកឧត្តម ម៉ែន វិបុល អភិបាលខេត្តស្វាយរៀង នៅព្រឹកថ្ងៃទី២៧ ខែកញ្ញា ឆ្នាំ២០២១ បានអញ្ជើញចុះពិនិត្យដំណើរការ ចូលរៀនឡើងវិញ របស់សិស្សានុសិស្សនៅវិទ្យាល័យ ហ៊ុន សែន ស្វាយជ្រំ នៅស្រុកស្វាយជ្រំ និងវិទ្យាល័យហ៊ុនសែន ចេក នៅក្រុងស្វាយរៀង នៅក្នុងឱកាសនោះ មានការអមដំណើរដោយលោកប្រធានមន្ទីរសុខាភិបាល លោកប្រធានមន្ទីរសាធារណការ និងដឹកជញ្ជូនខេត្ត លោកអភិបាលស្រុក លោកអភិបាលក្រុង លោកនាយក លោកគ្រូ-អ្នកគ្រូ និងមន្ត្រីពាក់ព័ន្ធមួយចំនួនទៀត។
ឯកឧត្តម ម៉ែន វិបុល អភិបាលខេត្តបានណែនាំដល់ លោកគ្រូអ្នកគ្រូ និងសិស្សានុសិស្សទាំងអស់ឲ្យ មានការយកចិត្តទុកដាក់ខ្ពស់អំពី បញ្ហាសុខភាពគឺ ត្រូវអនុវត្តឲ្យបានខ្ជាប់ខ្ជួន នូវវិធានការ “៣ការពារ ៣ កុំ” ជាពិសេសត្រូវចេះការពារខ្លួនឯងរៀងៗខ្លួនពីជំងឺកូវីដ១៩។ ក្នុងករណីបើមានអាការៈ មិនស្រួល ឬមានរោគសញ្ញាសង្ស័យ ត្រូវប្រញាប់រាយការណ៍ទៅឲ្យលោកគ្រូ អ្នកគ្រូ ដើម្បីរៀបចំយកសំណាកធ្វើតេស្តរកមេរោគកូវីដ-១៩ និងធ្វើការព្យាបាលឲ្យបានទាន់ពេលវេលា ដើម្បីទប់ស្កាត់កុំឲ្យឆ្លងរាលរីកដាលទៅអ្នកដទៃទៀត។
គួររំលឹកថា រដ្ឋបាលខេត្តស្វាយរៀង បានសិក្សានិងវាយតម្លៃពីកម្រិតហានិភ័យដែលអាចរៀបចំបើកសាលាឲ្យសិស្សានុសិស្ស ចូលរៀនឡើងវិញបាន ចាប់ពីថ្ងៃទី២៧ ខែកញ្ញា ឆ្នាំ២០២១ ក្នុងចំណោម ៦៥សាលា ក្នុងភូមិសាស្ត្រខេត្តស្វាយរៀង ត្រូវបានបើដំណើរការចំនួន៦១សាលា មានអនុវិទ្យាល័យ ៤៨សាលា និងវិទ្យាល័យ ១៣សាលា រួមមាន៖
+ក្រុងស្វាយរៀង ៖ ២សាលា
– អនុវិទ្យាល័យ ១សាលា បើកថ្នាក់ទី ៩
– វិទ្យាល័យ១ សាលា បើកថ្នាក់ទី ៩និង១២។
+ក្រុងបាវិត៖ សរុប ៤សាលា
– អនុវិទ្យាល័យ២សាលា បើកថ្នាក់ទី ៩
– វិទ្យាល័យ២សាលា បើកថ្នាក់ទី ៩និង១២។
+ស្រុករមាសហែក៖ ១៣សាលា
– អនុវិទ្យាល័យ១២សាលា បើកថ្នាក់ទី ៧ដល់៩
– វិទ្យាល័យ១ សាលា បើកថ្នាក់ទី ៧ដល់១២។
+ស្រុកស្វាយទាប៖ សរុប ៨សាលា
– អនុវិទ្យាល័យ ៦សាលា បើកថ្នាក់ទី ៩
– វិទ្យាល័យ២សាលា បើកថ្នាក់ទី ៩និង១២។
+ស្រុកកំពង់រោទិ៍៖ សរុប ១១សាលា
– អនុវិទ្យាល័យ ៩សាលា បើកថ្នាក់ទី ៩
– វិទ្យាល័យ២សាលា បើកថ្នាក់ទី ៩និង១២។
+ស្រុកចន្ទ្រា៖ សរុប ៦សាលា
– អនុវិទ្យាល័យ ៥សាលា បើកថ្នាក់ទី ៩
– វិទ្យាល័យ ១សាលា បើកថ្នាក់ទី ៩និង១២។
+ស្រុកស្វាយជ្រំ ១៤សាលា
– អនុវិទ្យាល័យ ០៩សាលា បើកថ្នាក់ទី ៧ដល់៩
– វិទ្យាល័យ៥សាលា បើកថ្នាក់ទី ៧ដល់១២។
+ស្រុករំដួល៖ សរុប ៣សាលា
– អនុវិទ្យាល័យ៣សាលា បើកថ្នាក់ទី ៩៕
អត្ថបទ៖ ភក្ដី
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៣ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល