ព័ត៌មានជាតិ
ខេត្តបាត់ដំបង បិទខ្ទប់ វត្ត ផ្សារ និងសាល ក្រោយព្រះសង្ឃពលរដ្ឋ ១០០អង្គ-នាក់ វិជ្ជមានកូវីដ-១៩
រដ្ឋបាលខេត្តបាត់ដំបង បានចេញសេចក្តីសម្រេចស្តីពី ការបិទខ្ទប់ជាបណ្តោះអាសន្ន នូវទីតាំងចំនួន៣កន្លែង ក្រោយពីការរកឃើញប្រជាពលរដ្ឋ និងព្រះសង្ឃ សរុបចំនួន ១០០ អង្គនាក់ ដែលមានផ្ទុកកូវីដ-១៩។ អាជ្ញាធរ និងមន្រ្តីសុខាភិបាលបានធ្វើសំណាកលើកទីមួយលើព្រះសង្ឃនៅវត្តខ្នាចរមាសជាង ១០០អង្គ បានឃើញវិជ្ជមានកូវីដ-១៩ ចំនួនជិត ៦០អង្គ និងប្រជាពលរដ្ឋនៅភូមិខ្នាចរមាស រកឃើញជាងវិជ្ជមាន ៤០នាក់។
លោក គុណ សម្បត្តិមន្នីរ័ត្ន ប្រធានមន្ទីរធម្មការ និងសាសនា ខេត្តបាត់ដំបង បានឱ្យដឹងថា គិតត្រឹមថ្ងៃទី២៧ ខែកញ្ញានេះ មន្រ្តីសុខាភិបាលខេត្តបានធ្វើសំណាកលើកទី១ លើព្រះសង្ឃចំនួន ១៣៥អង្គ ដែលគង់នៅវត្តខ្នាចរមាស ស្រុកបវេល ខេត្តបាត់ដំបង រកឃើញវិជ្ជមានកូវីដ-១៩ ចំនួន ៥៨អង្គ។
រដ្ឋបាលស្រុកបវេលបានឱ្យដឹងថា ព្រះសង្ឃដែលបានរកឃើញវិជ្ជមានជំងឺកូវីដ-១៩ ត្រូវគង់ព្យាបាល ក្នុងមណ្ឌល ព្យាបាលវត្តខ្នាចរមាស ចំណែកព្រះសង្ឃដែលពាក់ព័ន្ធ ត្រូវធ្វើចត្តាឡីស័ក នៅវត្តផ្ទាល់ ដើម្បីរង់ចាំធ្វើសំណាកលើកទីពីរទៀត។
អាជ្ញាធរបានបន្តថា ក្រៅពីព្រះសង្ឃ ក៏នៅមានប្រជាពលរដ្ឋ នៅក្នុងផ្សារខ្នាចរមាស និងសិស្សនៅក្នុងសាលាអនុវិទ្យាល័យខ្នាចរមាស សរុបចំនួន ៤២ នាក់បន្ថែមទៀតដែលមានផ្ទុកកូវីដ-១៩។
អាជ្ញាធរស្រុកបានអំពាវនាវដល់បងប្អូនប្រជាពលរដ្ឋដែលមានការពាក់ព័ន្ធប៉ះពាល់ផ្ទាល់ ឬប្រយោល នៅទីតាំងខាងលើនេះ សូមទៅពិនិត្យសុខភាព និងយកសំណាក នៅមណ្ឌលចត្តាឡីស័ក (អនុវិទ្យាល័យបវេលសាមគ្គី) ដើម្បីការពារការឆ្លងរីករាលដាលចូលក្នុងសហគមន៍កាន់តែច្រើនឡើង។
ទីតាំងទាំង៣កន្លែង ដែលរដ្ឋបាលខេត្តសម្រេចធ្វើការបិទខ្ទប់ជាបណ្តោះអាសន្ន រហូតដល់មានសេចក្តីសម្រេចសារជាថ្មីនោះគឺ ១. ផ្សារខ្នាចរមាស ក្នុងភូមិកោះរាម ឃុំខ្នាចរមាស ស្រុកបវេល ២. ទីតាំងវត្តខ្នាចរមាស និងទីតាំងអនុវិទ្យាល័យខ្នាចរមាស ស្ថិតក្នុងភូមិខ្នាចរមាស ឃុំខ្នាចរមាស ស្រុកបវេល៕
អត្ថបទ៖ សោ និយមរ័ត្ន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ