ព័ត៌មានជាតិ
ស្រូវកកស្ទះ តាមព្រំដែន អភិបាលខេត្តចុះទៅរកដំណោះស្រាយជួយដល់កសិករ
(ខេត្តកំពត)៖ រយៈពេលជាងពីរសប្តាហ៍នេះ ការនាំស្រូវទៅលក់នៅប្រទេសវៀតណាមតាមច្រកទ្វារព្រំដែនទ្វេភាគីតន់ហន់ នៃឃុំព្រែកក្រឹសស្រុកកំពង់ត្រាច ខេត្តកំពត មានភាពយឺតយ៉ាវ ហើយឈ្មួញមកពីខេត្តឆ្ងាយត្រូវរង់ចាំជាច្រើនថ្ងៃ បណ្តាលឲ្យប៉ះពាល់ដល់ការងាររកស៊ី។ ដើម្បីសម្របសម្រួលដោះស្រាយឆ្លើយតបជាបន្ទាន់ លោក ជាវ តាយ អភិបាលខេត្តកំពត ចុះពិនិត្យនៅតំបន់ព្រំដែនដោយផ្ទាល់ កាលពីថ្ងៃទី៣០ ខែវិច្ឆិកា ឆ្នាំ២០២០។
ក្រោយពីបានពិនិត្យ និងជួបប្រជុំជាមួយអាជ្ញាធរ មន្ត្រីជំនាញ និងពាក់ព័ន្ធនៅច្រកទ្វារធ្វេរភាគីតន់ហន់ ឈ្មួញ និងប្រជាពលរដ្ឋ បានឲ្យដឹងថា មូលហេតុសំខាន់ដែលនាំឲ្យមានការកកស្ទះ និងយឺតយ៉ាវក្នុងការនាំស្រូវចេញមានពីរចំណុចសំខាន់ ទី១. ដោយសារជំងឺកូវីដ១៩ កំពុងឆ្លងរាលដាលនៅប្រទេសវៀតណាម ភាគីវៀតណាមរិតបន្តឹងវិធានការការពារ និងទី២. ការិតបន្តឹងច្បាប់ចរាចរណ៍ផ្លូវកោគរបស់វៀតណាម (ទាមទារឲ្យមានឯកសារពាក់ព័ន្ធ និងការកំណត់ទម្ងន់រថយន្តដឹកទំនិញតាមច្បាប់)។
លោក ជាវ តាយអភិបាលខេត្តកំពតបានដាក់ចេញនូវដំណោះស្រាយចំពោះមុខថា រដ្ឋបាលខេត្តនឹងបង្កើតក្រុមការងារដោះស្រាយការនាំចេញស្រូវ និងរៀបចំកិច្ចប្រជុំជាមួយភាគីវៀតណាមតាមរយៈVideo Conference ដើម្បីពិភាក្សារកដំណោះស្រាយនូវបញ្ហារាំងស្ទះ និងយន្តការសម្របសម្រួលការនាំចេញស្រូវដែលមិនទាន់មានភាពប្រទាក់ក់ក្រឡាគ្នា សំដៅដល់ការនាំស្រូវចេញឲ្យមានភាពរលូន។
ដូច្នេះដើម្បីសម្រួលដល់ការនាំចេញ រដ្ឋបាលខេត្ត ដែលជាសេនាធិការឲ្យរាជរដ្ឋាភិបាល រួម និងសមត្ថកិច្ច អាជ្ញាធរមន្ទីរជំនាញ ពាក់ព័ន្ធ ត្រូវធ្វើយ៉ាងណារួមសហការគ្នា រកវិធីដោះស្រាយ សម្របសម្រួល បង្កលក្ខណៈងាយស្រួលជូនដល់អាជីវករក៏ដូចប្រជាពលរដ្ឋ ដើម្បីជំរុញការនាំស្រូវចេញទៅលក់ក្រៅប្រទេស ក៏ដូចជាការលើកទឹកចិត្តដល់ប្រជាកសិករខ្មែរផងដែរ។
លោក ជាវ តាយអភិបាលខេត្ត ក៏បានក្រើនរំលឹកដល់អាជ្ញាធរ កងកម្លាំងមានសមត្ថកិច្ច ទាំងថ្នាក់ខេត្ត និងតាមព្រំដែនរួមនឹងប្រជាពលរដ្ឋ ត្រូវរួមគ្នាបង្ការទប់ស្កាត់ជំងឺកូវីដ១៩ តាមការអំពាវនាវរបស់ប្រមុខរាជរដ្ឋាភិបាលសម្ដេចតេជោហ៊ុនសែន នឹងលុបបំបាត់កាត់បន្ថយភាពអសកម្មផ្សេងៗ ដើម្បីបង្កលក្ខណៈងាយស្រួលដល់ប្រជាពលរដ្ឋក្នុងកិច្ចប្រកបរបរជំនួញរវាងកម្ពុជាវៀតណាមឲ្យបានកាន់តែប្រសើរ៕
អត្ថបទ៖ សេង ណារិទ្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ