លម្អិត​បន្ថែម​ ពី​ការ​ផ្ទុះ​កូវីដ​នៅផ្សារ​អូឬស្សី បិទ​ ២១តូប អាជីវករ ២នាក់ ឆ្លង​កូវីដ​បំប្លែង​ខ្លួន
Connect with us
Helistar Cambodia - Helicopter Charter Services

ព័ត៌មានជាតិ

លម្អិត​បន្ថែម​ ពី​ការ​ផ្ទុះ​កូវីដ​នៅផ្សារ​អូឬស្សី បិទ​ ២១តូប អាជីវករ ២នាក់ ឆ្លង​កូវីដ​បំប្លែង​ខ្លួន

បានផុស

នៅ

ភ្នំពេញ៖ អាជីវករលក់ក្រណាត់នៅផ្សារអូឬស្សីចំនួន២នាក់ ត្រូវបានគេរកឃើញថា បានឆ្លងជំងឺ​កូវីដ-១៩ ប្រភេទបំប្លែង​ថ្មី DElTA (ដែលតា) ហើយត្រូវបានអនុគណៈកម្មការស្រាវជ្រាវ​កូវីដ-១៩ ធ្វើការបិទតូបចំនួនជាង២០តូប ដែល​ពាក់ព័ន្ធ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានគណៈកម្មការគ្រប់គ្រងផ្សារអូរឫស្សី លោក ហ៊ត វ៉ាន់ធី បាន​ឲ្យ​ដឹង​ថា នៅព្រឹកថ្ងៃទី២៨ កញ្ញានេះថា ការ​ផ្ទុះ​កូវីដ​លើ​អាជីវករលក់ក្រណាត់នៅផ្សារអូឬស្សី មានវិជ្ជមាន covid 19 ប្រភេទបំលែងថ្មីចំនួនពីររូប។

ក្រោយពីមានការរាយការណ៍ពី​អនុគណៈកម្មការស្រាវជ្រាវ​កូវីដ-១៩ បានចុះមកធ្វើការវាយតម្លៃនៅក្នុងផ្សារអូឬស្សី និងបានបិទតូបចំនួន២១តូប ដែលមានចំនួន១០ម្ចាស់ ហើយក្នុងចំនួន១០ម្ចាស់នោះ គឺមានវិជ្ជមានកូវីដ-១៩ ចំនួន១នាក់ ក៏​បាន​នាំ​ទៅព្យាបាល។ ចំណែកឯប្រពន្ធរបស់ អ្នកជំងឺនោះគឺមិនមានការឆ្លងរាលដាលជំងឺកូវីដ-១៩នោះទេ។

ប៉ុន្តែទោះបីជាយ៉ាងណាក្តី អ្នកពាក់ព័ន្ធទាំងអស់ អាជ្ញាធរ​បានសម្រេចឱ្យធ្វើចត្តាឡីស័កទៅតាមផ្ទះចំនួន២១ថ្ងៃ។ សម្រាប់ផ្សារ​អូរឫស្សី​ទាំងមូលនៅ​តែបន្ត​បើក​ដំណើរការ​ជាធម្មតា ​ហើយ​ទីតាំងដែលពាក់ព័ន្ធ​និងតូបក្បែរៗគ្នាចំនួន២១តូបនោះត្រូវបានបិទជាបណ្តោះអាសន្នសិន។

បើតាមអនុគណៈកម្មការស្រាវជ្រាវ​កូវីដ-១៩បាន​បញ្ជាក់​ថា ករណី​ផ្ទុះកូវីដ​​ពាក់ព័ន្ធ​តូបលក់ក្រណាត់​​លេខ​១៤,១៥,១៦(ខ.០២) នៅ​ផ្សារអូរឫស្សី។ អ្នកជំងឺជាអាជីវករបានចេញរោគសញ្ញាថ្ងៃទី២១ កញ្ញា ឆ្នាំ២០២១ និង​បាន​រកឃើញវិជ្ជមានកូវីដ១៩ បំប្លែងថ្មី Delta កាលពីថ្ងៃទី២៤ កញ្ញា ឆ្នាំ២០២១៕

អត្ថបទ៖ ស្រីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services