ព័ត៌មានជាតិ

សមត្ថកិច្ចចាប់ជនជាតិថៃលួចឆ្លងដែនខុសច្បាប់២៦នាក់ យកទៅអនុវត្តតាមនីតិវិធីច្បាប់

បានផុស

២ years មុន

នៅ

ថ្ងៃអង្គារ ២៨ កញ្ញា ២០២១

ដោយ

កម្លាំងចម្រុះការពារព្រំដែនបានចេញល្បាតនៅតាមបន្ទាត់ព្រំដែនបានប្រទះឃើញជនជាតិថៃចំនួន២៦ នាក់ក្នុងនោះមានស្រី១២ នៅចំនុចភូមិព្រៃចាន់ ឃុំអូបីជាន់ ស្រុកអូជ្រៅ ខេត្តបន្ទាយមានជ័យ ឃាត់ខ្លួនបាននៅវេលាម៉ោង២យប់ចូលថ្ងៃទី២៨ ខែកញ្ញា ឆ្នាំ២០២១បម្រុងចូលមកក្រុងប៉ោយប៉ែតរកការងារធ្វើ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបាននិយាយថា ដោយអនុវត្តតាមបទបញ្ជាលោកឧត្តមសេនីយ៍មេបញ្ជាការកងពលតូចថ្មើរជើង លេខ៥១ កម្លាំងវរសេនាតូចថ្មើរជើងលេខ៥១៤ បានចេញទៅឈរជើងនៅតាមខ្សែបន្ទាត់ព្រំដែនខ្មែរ-ថៃ ចាប់ពីទិសបឹងត្រកួន ដល់អូរល្ហុងក្នុង ខេត្តបន្ទាយមានជ័យ ដើម្បីសហការជាមួយកម្លាំងតាមមូលដ្ឋាន ចូលរួមទប់ស្កាត់ពលករ ខ្មែរ – ថៃ ឆ្លងដែនខុសច្បាប់ ក្នុងការចូលរួមចំណែកជាមួយរាជរដ្ឋាភិបាល ដើម្បី ទប់ស្កាត់ការរីករាលដាលនៃជំងឺកូវីដ១៩ កុំឲ្យឆ្លងចូលជាសហគមន៍ ។

សមត្ថកិច្ចបានបញ្ជាក់ឲ្យដឹងបន្តទៀតថា ជនជាតិថៃទាំង២៦នាក់នោះពេលសមត្ថកិច្ចខ្មែរសួរនាំបានប្រាប់ថា ពួកគេមកពីប្រទេសថៃដោយមានមេខ្យល់ជាជនជាតិខ្មែរជាអ្នកនាំផ្លូវ នាំដើរកាត់តាមច្រករបៀងចូលមកប្រទេសខ្មែរដើម្បីមកធ្វើការងារធ្វើនៅក្រុងប៉ោយប៉ែត។

បន្ទាប់ពីរសួរនាំរួចសមត្ថកិច្ចខ្មែរបាននាំខ្លួនពលករថៃទាំងអស់ទៅធ្វើកំណត់ហេតុឃាត់ខ្លួន និងអនុវត្តតាមវិធានរបស់សុខាភិបាល និងបញ្ជូនទៅចត្តាឡីស័កនៅមណ្ឌលស្រុកថ្មពួក ១៤ថ្ងៃទើបយកទៅអនុវត្តតាមនិតិវិធីច្បាប់របស់ស្រុកខ្មែរ៕

អត្ថបទ៖ វ៉ាន់ ណាង