ចាប់ខ្លួនជនសង្ស័យ២នាក់ លួចលុយ និងកាំភ្លើងប៉ូលិស ដោយរត់រួចពីរនាក់
Connect with us
Helistar Cambodia - Helicopter Charter Services

ព័ត៌មានជាតិ

ចាប់ខ្លួនជនសង្ស័យ២នាក់ លួចលុយ និងកាំភ្លើងប៉ូលិស ដោយរត់រួចពីរនាក់

បានផុស

នៅ

មុខសញ្ញាចោរលួចចំនួនពីរនាក់ត្រូវបានកម្លាំងប៉ូលិសខណ្ឌច្បារអំពៅចាប់ខ្លួន កាលពីថ្ងៃទី២៧ ខែកញ្ញានេះ បន្ទាប់ពីមុខសញ្ញាខាងលើ និងបក្សពួកពីរនាក់បានលួចកាបូបលុយ និងអាវុធខ្លីរបស់ប៉ូលិសម្នាក់។ ដំណើររឿងបានកើតឡើងកាលពីថ្ងៃទី១២ ខែកញ្ញា ឆ្នាំ២០២១ វេលាម៉ោង២៣ និង០០នាទី នៅមុខផ្សារច្បារអំពៅ ផ្លូវ៣៦៩ ភូមិកណ្ដាល សង្កាត់ច្បារអំពៅ២ ខណ្ឌច្បារអំពៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនរងគ្រោះឈ្មោះ ឈឹម ច័ន្ទដាវណ្ណ ភេទប្រុស អាយុ ៣៧ឆ្នាំ ជនជាតិខ្មែរ មុខរបរ នគរបាល ស្នាក់នៅផ្ទះ ២៦៤Eo ផ្លូវកម្ពុជាក្រោម សង្កាត់មិត្តភាព ខណ្ឌ៧មករា។

ឃាត់ខ្លួនជនសង្ស័យ០២នាក់ ទី១ ឈ្មោះ ព្រេង ភារ៉ន ភេទប្រុស អាយុ ១៨ឆ្នាំ ជនជាតិខ្មែរ មុខរបរ មិនពិតប្រាកដ និងទី២ ឈ្មោះ សាន មេឃ ភេទប្រុស អាយុ ១៨ឆ្នាំ ជនជាតិខ្មែរ មុខរបរ មិនពិតប្រាកដ។ ទាំង០២នាក់ ស្នាក់នៅភូមិដើមចាន់ សង្កាត់ ច្បារអំពៅ២ ខណ្ឌច្បារអំពៅ។

មុនពេលកើតហេតុ ជនរងគ្រោះទុករថយន្តម៉ាក Toyota Celica ពណ៌ស ពាក់ផ្លាកលេខ ភ្នំពេញ ២AI-០៩៦៤ នៅចំណុចកើតហេតុ រួចទៅហូបនំបញ្ចុកក្បែរនោះ ដោយពុំបានចាក់សោទ្វាររថយន្តទេ ស្រាប់តែជនសង្ស័យ០២នាក់ ឈ្មោះ ព្រេង ភារ៉ន និងឈ្មោះ ព្រេង ភារ៉ុង ដើរមកបើកទ្វាររថយន្ត លួចយកកាបូបស្ពាយពណ៌ខ្មៅជនរងគ្រោះ។ ក្នុងកាបូបមាន អាវុធខ្លី ០១ដើម ម៉ាក CFK-៩៨ ពណ៌ខ្មៅ បង់០១ គ្រាប់ ១៥គ្រាប់ ប្រាក់ ៥០០ដុល្លារ អត្តសញ្ញាណបណ្ណ សញ្ជាតិខ្មែរ ០១សន្លឹក លិខិតឆ្លងដែន ០១ក្បាល បណ្ណសំគាល់យានយន្ត ០១សន្លឹក អត្តសញ្ញាណបណ្ណនគរបាលជាតិ ០១សន្លឹក បណ្ណសំគាល់អាវុធខ្លី០១សន្លឹក បណ្ណបើកបរនគរបាលជាតិ ០១សន្លឹក បណ្ណចាក់វ៉ាក់សាំងកូវីដ-១៩ ចំនួន ០១សន្លឹក។

រួចពួកគេនាំគ្នាគេចខ្លួនទៅជួបបក្ខពួក ០២នាក់ទៀត ឈ្មោះ សាន មេឃ និងឈ្មោះ ម៉េត រួចនាំគ្នាដកយកលុយទិញគ្រឿងញៀនជក់ និងស៊ីចាយអស់។ ចំណែកកាបូប និងសម្ភារៈនៅសល់ រួមទាំងអាវុធខ្លី គឺឈ្មោះ ម៉េត ជាអ្នកទុក។ លុះដល់ថ្ងៃទី២៧ ខែកញ្ញា ឆ្នាំ២០២១ ម៉ោង១៩ និង០០នាទី សមត្ថកិច្ចបានឃាត់ខ្លួនជនសង្ស័យ ០២នាក់ ឈ្មោះ ព្រេង ភារ៉ន និងឈ្មោះ សាន មេឃ បញ្ជូនមកទីស្នាក់ការប៉ុស្តិ៍ច្បារអំពៅ២។

លទ្ធផលធ្វើតេស្តិ៍ទឹកនោម វិជ្ជមាន (មានសារធាតុញៀនទាំង ០២នាក់)៕

អត្ថបទ៖ នរា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៩ ម៉ោង មុន

លោកស្រី ឯកអគ្គរាជទូត​អង់គ្លេស កោតសរសើរ​កិច្ច​ខិតខំ​ប្រឹងប្រែង របស់​អាជ្ញាធរខេត្តរ​តន​គិរី

ព័ត៌មានជាតិ១០ ម៉ោង មុន

គណៈកម្មការ​ចម្រុះ​ រកឃើញ​ផ្ទៃដី​សរុប​ចំនួន ៤៧០០ ហិតា​ ដែល​ត្រូវ​ឈ្មួញ​កាប់​ទន្ទ្រាន​យក​

ព័ត៌មានជាតិ១១ ម៉ោង មុន

លោក ទៀ សីហា អញ្ជើញ​ជា​អធិបតី​ក្នុង​ពិធី​ចែក​វិញ្ញាបនបត្រ​សម្គាល់​ម្ចាស់​អចលនវត្ថុ ជូន​ដល់​បងប្អូន​ប្រជាពលរដ្ឋ​៤​ភូមិ​ក្នុងស្រុក​សូទ្រនិគម

ព័ត៌មានជាតិ១១ ម៉ោង មុន

ស្អែក​នេះ សាលាដំបូង​រាជធានី នឹង​បើកសវនាការ​កាត់ទោស​សំណុំរឿង​ប៉ុនប៉ង​ផ្តួលរំលំ​រាជរដ្ឋាភិបាល

ព័ត៌មានជាតិ១១ ម៉ោង មុន

ស្ថាន​បេសកកម្ម​អចិន្ត្រៃយ៍​កម្ពុជា​ថា ការ​អត្ថាធិប្បាយ​របស់​អ្នកនាំពាក្យ OHCHR មាន​លក្ខណៈ​ន​យោ​​យូ​ប​នី​កម្ម

Sokha Hotels

ព័ត៌មានពេញនិយម

Helistar Cambodia - Helicopter Charter Services