ព័ត៌មានជាតិ
គូសគំនូសឲ្យអាជីវករផ្សារដងទង់លក់ដូរឲ្យត្រឹមត្រូវ កុំឲ្យលក់ហៀរផ្លូវ
កោះកុង៖ ដំណើរការរៀបចំសណ្តាប់ធ្នាប់សោភ័ណ្ឌភាពជុំវិញផ្សារដងទង់ ក្នុងក្រុងខេមរភូមិន្ទ ខេត្តកោះកុង ត្រូវបានអាជ្ញាធរសមត្ថកិច្ច និងមន្ទីរជំនាញរំដោះបានជាបណ្តើរៗហើយចំពោះសកម្មភាពលក់ដូរបែបអនាធិបតេយ្យមិនរៀបរយនាពេលកន្លងទៅមក។
ការគូសគំនូសសញ្ញាចរាចរណ៍ ទីតាំងចតយានយន្ត លក់ដូរតាមចិញ្ចើមថ្នល់គ្មានសណ្តាប់ធ្នាប់ និងហាមប្រាមមិនឱ្យហៀលើចិញ្ចើមថ្នល់ជ្រុងខាងលិចផ្សារដងទង់ ជាការយកចិត្តទុកដាក់ពង្រឹងសន្តិសុខសណ្តាប់ធ្នាប់ តបនឹងការតវ៉ាទាមទាររបស់ក្រុមអាជីវករ ប្រជាពលរដ្ឋ និងការណែនាំរបស់លោកស្រី មិថុនា ភូថង អភិបាលខេត្តកោះកុង។
លោក ឈឹម ចិន អភិបាលរងក្រុងខេមរភូមិន្ទបានឱ្យដឹងនៅព្រឹកថ្ងៃទី២៩ ខែកញ្ញា អះអាងថា អាជ្ញាធរសមត្ថកិច្ច និងមន្ទីរជំនាញ នឹងបន្តប្រឹងប្រែងរៀបចំបញ្ហានេះឱ្យបានគត់មុតបម្រើដល់ប្រយោជន៍រួម និងការលក់ដូរអាជីវកម្មប្រកបដោយតម្លាភាព ជៀសវាងសកម្មភាពបែបអនាធិបតេយ្យ។
អភិបាលរងក្រុងខេមរភូមិន្ទបន្ថែមថា ការរៀបចំសណ្តាប់ធ្នាប់ធ្វើឡើងមួយជំហានៗមិនធ្វើទៅយ៉ាងគំហុកភ្លាមៗនោះទេ ដូច្នេះសុំចិត្តក្រុមអាជីវករ និងអ្នកពាក់ព័ន្ធមេត្តាយោគយល់ពីការងារមួយនេះ។ អ្វីដែលពិសេសភាពស្អាតបាតរៀបចំសណ្តាប់ធ្នាប់សន្តិសុខដោះស្រាយបានមួយកម្រិតធំហើយ បើធៀបនឹងពេលណាៗទាំងអស់ចំពោះបញ្ហាផ្សារដងទង់។
កាលពីពេលថ្មីៗនេះ ក្រុមអាជីវករលក់បន្លែ ត្រីសាច់ទាំងក្នុងនិងក្រៅផ្សារ ប្រមូលផ្តុំគ្នាធ្វើការតវ៉ាបែបម្យ៉ាងម្នាក់ ដោយមួយផ្នែកខាងក្នុង ស្នើសុំឲ្យលោកស្រីអភិបាលខេត្តកោះកុងជួយរកដំណោះស្រាយ លើក្រុមអាជីវករលក់បន្លែ ត្រីសាច់ផ្នែកខាងក្រៅផ្សារនិងលើផ្លូវសាធារណៈ ដែលបានបង្កភាពរញ៉េរញ៉ៃ ណែនណាន់តាន់តាប់ពេញផ្លូវរកច្រកដើរស្ទើរពុំបាន ឲ្យពួកគាត់វិលចូលមកលក់ខាងក្នុងវិញដូចគ្នា ដើម្បីឲ្យមានតម្លាភាព ខណៈអ្នកលក់ បន្លែ ត្រីសាច់ នៅខាងក្រៅផ្សារស្ទាក់យកម៉ូយអស់ ពុំមានអ្នកដើរចូលទិញនៅខាងក្នុងផ្សារឡើយ។
ចំណែកឯក្រុមអាជីវករលក់ បន្លែ ត្រីសាច់ នៅខាងក្រៅផ្សារ ក៏ចេញមកតវ៉ាដូចគ្នាក្រោយថ្ងៃបន្ទាប់ ដោយពួកគាត់អះអាងថា ពួកគាត់ពុំមានកន្លែងលក់ដូរត្រឹមត្រូវ ហេតុដូច្នេះហើយទើបពួកគាត់បន្តលក់មកដល់សព្វថ្ងៃនេះ ។
ចំពោះការលើកឡើងរបស់ក្រុមអាជីវករផ្នែកខាងក្រៅផ្សារបែបនេះ ក៏ត្រូវបានក្រុមអាជីវករផ្នែកខាងក្នុងផ្សារ ធ្វើការច្រានចោលនៅក្នុងកិច្ចប្រជុំពិភាក្សាររកដំណោះស្រាយ ជាមួយលោកស្រី មិថុនា ភូថង អភិបាលខេត្តកោះកុង ដែលការច្រានចោលនេះ បានឈរលើស្មារតីទទួលខុសត្រូវខ្ពស់ ដោយក្រុមអាជីករផ្នែកខាងក្នុង បានផ្តល់តូបផ្ទាល់ខ្លួនឲ្យក្រុមខាងក្រៅចំនួន១៥ ដោយឥតគិតថ្លៃឈ្នួល ដល់ទៅ០៦ខែ(ប្រាំមួយខែ)។ តែទោះជាយ៉ាងនេះក្តីក៏ក្រុមនេះពុំព្រមអនុវត្តន៍តាមដែរ រហូតមកដល់ពេលនេះ។
ការដែលក្រុមអាជីវករ បន្តការលក់ដូរពាសវាលពាសកាលពេញផ្លូវសាធារណៈបែបនេះ បង្កផលប៉ះពាល់ដល់សណ្តាប់ធ្នាប់សាធារណៈ។ ម៉្យាងវិញទៀត វារឹតតែបង្កភាពមិនប្រក្រតី ចំពោះអ្នកលក់ផ្នែកខាងក្នុង ខណៈពួកគេបាត់បង់អស់អតិថិជន ហើយលក់លែងដាច់សល់ឥវ៉ាន់រាល់ថ្ងៃ ខាតចុងខាតដើមស្ទើរក្ស័យធន បូករួមទាំងការបង់ពន្ធភាស៊ី បង់ការប្រាក់ធនាគារ និងថ្លៃតូបប្រចាំឆ្នាំ។
ចំពោះការផ្ទុះការតវ៉ារវាង ក្រុមទាំងពីរបានធ្វើឲ្យបែកធ្លាយនូវរឿងរ៉ាវ អាស្រូវនាពេលកន្លងមករបស់លោកប្រធានផ្សារ ម៉ក់ ណុច ដែលខ្វះចំណាត់ការលើកការរៀបចំសណ្តាប់ធ្នាប់សាធារណៈ មិនតែប៉ុណ្ណោះ នៅហ៊ានលូកដៃយកភាស៊ីពីអ្នកលក់ផ្នែកខាងក្រៅផ្សារនិងលើផ្លូវសាធារណៈបន្ថែមទៀត នេះបើតាមការឲ្យដឹងពីក្រុមអ្នកលក់ផ្នែកខាងក្នុងផ្សារសព្វថ្ងៃនេះ៕
អត្តបទ៖ សិរីវឌ្ឍនៈ
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល